Nuk u dorëzua kurrë ndaj nazistëve, tani e ‘mbyllin’ në kuti

Kryebashkiaku i Londrës, Sadiq Khan u akuzua sot se po ia dorëzon turmave rrugët e kryeqytetit anglez.

Sipas Daily Mail, ai urdhëroi të mbulohen në kuti disa prej statujave më të famshme në Londër para protestave.

Mes tyre është mbuluar Cenotafi, memoriali në nderim të viktimave nga Lufta e Parë Botërore.

Po ashtu është mbuluar edhe statuja e Winston Churchill, kryeministrit të Luftës së Dytë Botërore, e cila u përdhos para pak ditësh. “Nuk u dorëzua kurrë ndaj nazistëve, tani e mbyllin në kuti,” shkruan gazeta.

Deputeti Andrew Bridgen tha: “Fjalët e famshme të Churchill: ‘Nuk do të dorëzohemi kurrë’, janë minuar plotësisht nga nënshtrimi i kryebashkiakut Khan ndaj turmës. Është një poshtërim kombëtar. Khan duhet të japë dorëheqjen”.

Pasi rrëzuan statujën e Edward Colston në Bristol, protestuesit kanë kërcënuar se do të shembin të tjera statuja në kryeqytet. Nga ana tjetër, grupime të djathta thonë se do të mbrojnë statujat. Kjo ka shtuar frikën se mund të ketë përplasje fizike.

Trump: S’i shërojmë plagët duke etiketuar padrejtësisht si racistë, miliona amerikanë

Pas javësh me trazira civile në Shtetet e Bashkuara, Presidenti Donald Trump po premton se administrata e tij do të ndërmarrë përpjekje intensive për zhvillim ekonomik në komunitetet me pakica dhe të marrë masa ndaj pabarazive në kujdesin shëndetësor të atyre zonave.

Nga Zëri i Amerikës

Shtëpia e Bardhë, pa dhënë detaje, tha se kjo është pjesë e një plani me katër pika për “të sjellë siguri, mundësi dhe dinjitet.”

Duke folur të enjten në një aktivitet për racën dhe politikën në një kishë në Dallas të Teksasit, presidenti tha se si pjesë e këtij plani, ai do të nënshkruajë një urdhër ekzekutiv, ku kërkohet nga policia, që të plotësojë standardet më profesionale për përdorimin e forcës.

“Duhet të punojmë së bashku për të konfrontuar racizmin dhe paragjykimin kudo që të shfaqen. Por nuk mund të bëjmë përparim dhe të shërojmë plagët, duke etiketuar në mënyrë të padrejtë si racistë miliona njerëz të mirë amerikanë”, tha ai.

Presidenti Donald Trump hodhi poshtë gjithashtu kritikat për komentet e tij të mëparshme për nevojën që forcat e rendit të mbajnë kontrollin në rrugë mes trazirave.

“Do t’i qëndoj kësaj”, tha ai.

Hapat lidhur me komunitetet afrikano-amerikane dhe reformat e policisë që zoti Trump i shpallu në Dallas, nuk ka shumë gjasa që të qetësojnë ata që janë të indinjuar nga vdekja e afrikano-amerikanit George Floyd në duart e policisë.

Presidenti Trump tha gjithashtu disa herë se pezullimi ose shpërbërja e departamenteve të policisë nuk mund të lejohet.

Presidenti e minimizoi egërsinë e brutalitetit të policisë kundër njerëzve me ngjyrë duke thënë se pjesa më e madhe e policëve janë të mirë, por “gjithmonë ka ndonjë element të keq kudo që të shkosh”.

Ndërsa autokolona e zotit Trump arrinte në kishë, disa grupe protestuesish, ishin aty pranë. Disa mbanin parrulla me fjalë të papërshtatshme. Përkrahës të Presidentit Trump mbanin shenja për rizgjedhjen e tij në nëntor.

Rivali demokrat i Presidentit Trump, ish-nënpresidenti Joe Biden, kritikoi udhëtimin e presidentit në Dallas.

“Për javë të tëra, kemi parë Presidentin Trump që i shmanget një diskutimi kuptimplotë për racizmin sistematik lidhur me racizmin sistematik dhe brutalitetin e policisë”, tha ai në një deklaratë.

“Ai e ka përçarë edhe më tej vendin. Udhëtimi i sotëm në Teksas nuk do ta ndryshojë këtë”, tha ai.

Një asteroid do të kalojë pranë Tokës / Në fundjavë

Një asteroid që besohet të jetë sa masa e e gjashtë fushave futbolli do të kalojë pranë Tokës ditën e shtunë.

Asteroidi i quajtur ‘2002 NN4’ do të kalojë shumë pranë planetit tonë në fundjavë, në orën 11:20, tregon NASA

Me një diametër prej 0,6 km, objekti qiellor mund të duket si një rrezik, por sipas qendrës studimore ‘Center for Near Earth Object Studies’, nuk shfaq asnjë problem për ne.

Kjo pasi asteroidi besohet të jetë 50 milionë km larg prej planetit tonë, 13 herë më larg se Hëna.

Hera tjetër që ky asteroid do të jetë sërish pranë nesh është qershori i 2029. / Syri.net

Koronavirusi, produkt i shoqërisë që ka humbur vlerat e njerëzimit

Nga Artan Fuga

Çfarë mo çfarë, epidemia e coronavirusit do të ndryshojë shoqërinë, do të na bëjë më humanë dhe të mirë?

Hahahahahahahahahaahahahahaha! Me lotë me lotë!

Më shkritë gazit o budallenj! Mirë gjë tjetër, po Niçen mo nuk e keni lexuar së paku as sa për fillim?

Nuk kuptoj ç’a u mëson kalamaqëve kjo shkolla jonë mësonjtore?

Po coronavirusi është produkt i një shoqërie në krizë dhe degradim mooooo. Atë e prodhon sikurse të gjitha kataklizmat vetë njeriu mëkatar.

Coronavirusi është produkt i shoqërisë që ka humbur vlerat e njerëzimit, si mundet që virusi produkt i degradimit ta rregullojë degradimin.

Hajde logjikë hajde!

Ja sa të dalin nga izolimi, aktorët shoqërorë mezi po presin t’i hyjnë me energji dhe frenetizëm të njejtës rrugë që kishin në dorë më parë. Kanë humbur kohë në rrugën drejt egoizmit!

Shoqëria ndryshon me cikle, o rrusha!

Mirë moooo, mirë po Tuqiditin, Monteskjenë, Hegelin, Spenserin, Simmelin, Shpenglerin, e mëson kjo mësonjtorja jonë shqipe?

O më raftë pika mua thuaj!

Dy ditë e pati frika, shqiptarët s’i tuten më koronavirusit

Skena të njerëzve që dynden në supermarkete nga frika e përhapjes së koronavirusit ishin të dukshme në shumë qytete të botës, duke filluar nga Milano, e se fundmi edhe në Nju Jork, ku u konfirmua rasti i parë. Duke iu trembur një qëndrimi të detyrueshëm në shtëpi, individët nxituan të furnizoheshin me ushqimet bazë.

Ashtu si në shtetin fqinj Italinë qytetarët nga paniku i përhapjes së koronavirusit iu drejtuan supermarketeve për blerjen e rezervave ushqimore në fillim të javës së kaluar.

Përfaqësuesi i rrjetit të supermarketeve më të mëdhenj në vend, “Big Market”, konfirmoi për “Monitor” se shitjet pësuan rritje 10 për qind në fillim të javës së kaluar. “Dy-tre ditët e para të javës së kaluar shitjet u rritën me 10 për qind. Kërkesat më të larta ishin për produktet bazike ushqimore. Nga fundi i javës shitjet iu kthyen shifrave normale”, u shpreh përfaqësuesi i “Big Market”.

Burime zyrtare nga grupi më i madh i pakicës në vend, Balfin, thanë se në ditët e para, pas përhapjes së virusit në Itali, kishte një kërkesë të shtuar në supermarkete për detergjentë, higjienizues dhe ushqime.  Tashmë kërkesa për ushqime është kthyer drejt normalitetit, ndërsa vijon të jetë e lartë ajo për produkte higjienizuese.

Nga Grupi Balfin thonë se frekuentimi në qendrat tregtare nuk ka shënuar rënie, edhe për faktin se gjatë fundjavës ka pasur shumë oferta.

Pozitivisht ka ndikuar dhe fakti se në Shqipëri nuk është deklaruar deri tani asnjë rast zyrtar me koronavirus.

Maskat dhe higjienizuesit e duarve kanë qenë dhe produkti më i situr në farmaci, duke çuar në mbarimin e produktit dhe të stokut brenda pak ditësh. Kërkesa e lartë çoi dhe në shtrenjtim të çmimeve të maskave, duke detyruar tatimet që të bëjnë kontrolle blic në biznesin farmaceutik.

Koronavirusi në botë

Italia është shteti europian më i prekur nga koronavirusi. Në Itali pas shfaqjes së rasteve të para me koronavirus, qytetarët u dyndën në supermarkete për të blerë produkte ushqimore, në rast se do të vetë izoloheshin në shtëpi.

Pas kësaj situate kryebashkiaku i Milanos, Giuseppe Sala i drejtua qytetarëve në rrjetet sociale me mesazhin sensibilizues. “Në vend që të mendoni për të shkuar me nxitim në supermarkete për të rrëmbyer ushqime, përpiquni të harxhoni kohë duke u kujdesur për ata që janë më të dobët, të moshuarit tanë në veçanti që janë subjekt i rrezikut. Në këto situata kështu sillet një shoqëri e ndjeshme dhe e pjekur.”

Në vendet e prekura, tregtia me pakicë ka qenë më e goditura. Në Kinë, nga ku lindi ky virus i panjohur, tregtia me pakicë dhe e-tregtia kanë shënuar dëme të mëdha. Shitësit me pakicë të mëdhenj si Starbucks, Uniqlo, Nike dhe Apple kanë mbyllur përkohësisht dyqanet e tyre, ndërsa shitësit me pakicë të mesëm dhe të vegjël po goditen veçanërisht fort pasi lëvizja e kalimtarëve është zvogëluar.

Edhe në Itali, tregtia dhe tuizmi shihen si sektorët më të prekur. Deri në datën 2 mars, Italia numëronte rreth 1700 të infektuar dhe 41 jetë të humbura.

Burimi: MONITOR.al