Categories
Arkiva

Kuvendi miraton pronat me 73 vota, “OK”, hetimit të EULEX

Me 127 vota pro, Kuvendi ka miratuar projektligjin e përgatitur nga qeveria për të lejuar prokurorët e EULEX-it të hetojnë edhe në territorin shqiptar mbi akuzat për trafik organesh të serbëve të bëra në raportin e ish-senatorit zviceran Dick Marty. Kuvendi votoi me 127 vota pro ligjit “Për marrëdhëniet juridiksionale në çështjet penale me task forcën hetimore speciale të EULEX-it.  Ndërsa i cilësoi akuzat e Dick Martyt si të pavërteta, kryeministri ka theksuar se prokurorët do të hetojnë edhe për varrezën e përbashkët dhe vendin e transplantimit të organeve, për të cilën Marty raporton se ndodhet në veri të Shqipërisë. Ndërkohë që Bashkimi Europian ka mirëpritur vendimin, nga Këshilli i Ministrave i Shqipërisë, për të miratuar një ligj që i hap rrugën hetimit të EULEX-it në Shqipëri për akuzat e Dick Marty-të Juri Laas, zëdhënës i Task Forcës Speciale Investigative, shpjegoi se ky ligj, i cili frymëzohet nga ligje të mëparshme rajonale në bashkëpunim me Gjykatën Ndërkombëtare të Krimeve në ish-Jugosllavi, dëshmon se EULEX-it i çelet rruga të bashkëpunojë me shtetet ku shtrihet fusha e hetimit. Shqipëria është një prej shteteve të përfshira në akuzat e Dick Marty-t mbi UÇK-në dhe udhëheqësit e saj për trafik organesh gjatë periudhës së luftës në Kosovë.

Miratohet ligji për Kthimin e Pronave

Me 73 vota pro dhe 55 abstenim Kuvendi miratoi në senacën e sotme ligjin aq shumë të debatuar për kthimin dhe kompensimin e pronave. Ndërkohë drafti ka shkaktuar debate në seancën parlamentare të së enjtes. Ministri i Mjedisit, Fatmir Mediu, njëkohësisht edhe kryetar i PR-së, forcë politike që mbështet kthimin dhe kompensimin e plotë të pronave ish-pronarëve, theksoi e drejta e pronës për vite me radhë është trajtuar ndesh me interesin e pronarëve të ligjshëm. Ai ka shtuar se ka nevojë për një debat të gjerë të Agjencisë së Kthimit e Kompensimit për të parë a është e mjaftueshme infrastruktura, personeli e kualifikimi i atyre që do të merren me këtë çështje. Ministri i Drejtesise Halimi hartues i draftit, tha se janë vënë në dispozicion të pronarëve 37 milionë dollarë, dhe 19 mijë hektarë tokë për kompensim. Ndërsa deputeti i PS-së Erjon Braçe ka theksuar se ligji për kthimin dhe kompensimin e pronës është ligji që ka ndryshuar më shumë brenda një mandati qeverisës. “Është e pamundur për të gjetur një ligj tjetër që të ketë ndryshuar më shumë brenda një mandati qeverisës dhe sa paradoksi është i jashtëzakonshëm. Afati i ri që vendoset për një dosje shkon deri në vitin 2014 dhe që nga viti 1990 deri më 2014 unë numëroj 24 vjet për të shqyrtuar një çështje pronësie dhe për të shqyrtuar një dosje”, theksoi Braçe.

Categories
Arkiva

Debate në Parlament për pr/ligjin për kthimin dhe kompensimin e pronave

Projektligji për pronat ka ngjallur debate dhe akuza të forta mes PD dhe PS në Kuvend. Deputeti socialist Erjon Braçe akuzoi qeverinë për afera korruptive me pronat në jug. Si replikë ndaj Braces, kryeparlamentarja Topalli, akuzoi opozitën se nuk ka kompensuar asnjë ish-pronar, ndërkohë që sulmoi kreun e PS, Edi Rama. Kryetarja e Parlamentit u shpreh se të gjithë ish pronarët përveç kompensimit financiar dhe fondit që është vendosur dhe që kanë marrë sipas ligjit në një periudhë të shpejtë do të fillojnë të marrin kompensimin fizik. Ndërsa ministri i Mjedisit, Fatmir Mediu ka dhënë mbështetjen për projektligjin për kthimin dhe kompensimin e pronave, gjatë fjalës së tij në parlament, pasi sipas tij janë marrë parasysh edhe tre amendamentet e propozuara prej tij. Sipas tij ka nevojë për një debat të gjerë të Agjencisë së Kthimit e Kompensimit për të parë a është e mjaftueshme infrastruktura, personeli e kualifikimi i atyre që do të merren me këtë çështje. “Risjell shqetësimin në vëmendjen tuaj. Ne kemi pasur agjencisë e kthimit të shtrirë në të gjithtë territorin e Shqipërisë tashmë e kemi të përqendruar vetëm në Tiranë, është një punë voluminoze. Ka nevojë të domosdoshme mbledhja e të dhënave fillestare, që kryhet përmes indentifikimit fizik. Duhet të ndërtohet manuali i mbledhjes së të dhënave që duhet të verifikohen çdo vit. Rishikimi fizik dhe rivlerësimi që mund të bëhet një herë në katër vjet ose një herë në gjashtë vjet, mendoj se ka nevojë për një debat të gjerë të agjencisë së kthimit të pronave për të parë nëse është e mjaftueshme infrastruktura, personeli dhe kualifikimi i njerëzve që do të merret me këtë çështje. Janë 6500  për dosje por nuk kemi kompensim fizik deri tani, mendoj që ky duhet të përbëjë shqetësim. Duke pasur në konsideratë faktin që amendamenet që parashtrova janë konsideruar në rregullimet dhe amendamenet që u plotësuan jap mbështetjen time për këtë projektligj”, u shpreh Mediu. Në fjalën e tij deputeti i PD-së Enkelejd Alibeaj ka theksuar se ky ligj do t`i japë zgjidhje të gjitha çështjeve që kanë të bëjnë me pronën. “Projektligji është pa ngjyrime politike, i diktuar nga nevojat dhe kërkesat e partnerëve ndërkombëtarë, i tejkalon sensibilitetet politike të majta e të djathta e duhet të marrë edhe votën morale të maxhorancës e opozitës”, theksoi Alibeaj.

Categories
Personazhe

Mehdi Gurra, profili i një teologu që nuk resht së punuari

Në ndihmë të fëmijëve jetimë

Me devizën “Në shërbim të misionit fisnik për të ngjallur në shoqëri shpresën se askush nuk është vetëm, se është e drejta e tyre e lindur, të ndihmohen kur kanë nevojë “ende pa mbyllur mirë”, “bilanci” i vitit të shkuar ka startuar me ritëm, intensitet dhe vrull, duke rrezatuar suksesshëm performancën e saj institucionale në horizontin e shoqërive civile. Edhe pse ende në moshë fëmijërore, veprimtaria e ka kthyer “Alsar”-in absolutisht në një lidere të padiskutueshme me simotrat e saj. Ndoshta dhe patjetër krahas ndjenjës humane për të ndihmuar urtësisht dhe me zemër në dorë korrektesa në pasqyrimin e çdo miligramë lëvizje e bëjnë këtë shoqatë në maksimumin e mundshëm të lakmueshëm për donatordo të ndryshëm. Madje, është shoqata që përzgjedh dhe jo sikur është rëndom e kundërta. Nuk është vasaliteti i verbër, vlera kontribuuese apo donacioni rastësorë që përcaktojnë partneritetin me shoqatën “Alsar”, por korrektesa deri në fanatizëm e zbatimit të projekteve të paramiratuara duke zbatuar me përpikëri përparësitë vjetore. Natyrshëm, është privilegj për çdo donatorë, se, në mos të pamundur, të vështirë pa diskutim do e ketë për të gjetur një partner të kësaj korrektese dhe dashamirësie njerëzore Intensiteti, larmia na rikthyen sërishmi në promovimin e aktivitetit të shoqatës “Alsar” dhe sërishmi protagonist do të jetë kryetari karizmatik teologu Mehdi Gurra që nuk resht së punuari. Si nga hera do ta gjenim edhe këtë radhe në rakordimin përfundimtar të një numri prej 1005 kartelash të fëmijëve jetimë që sapo kishin marrë ndihmat e para për këtë tremujor. Duke anashkaluar në “harresë” përshëndetjen e mirëseardhjes kryetari bashkë me servirjen e dokumentacionin do të na ftonte si aktivistë në aktivitetet e radhës. Madje, edhe pse aktiviteti i shoqatës për këtë vit është tri herë më i madh se sa 6 vitet e ekzistencës së saj, kryetari do të na shprehej sërishmi duke e quajtur ende “modeste” këtë sipërmarrje të ndihmës së 1005 fëmijëve jetimë Kështu, fillimviti do të kishte për sipar zbatimin e dy projekteve të muajit janar. Në qytetin e Pukës dhe Bushtricë të Kukësit, në bashkëpunim respektivisht me bashkinë dhe komunën u realizua projekti i shpërndarjes së ndihmës humanitare në batanije dhe veshmbathje dimërore, nga i cili përfituan 250 familje të fëmijëve jetimë, të personave me aftësi të kufizuar. Nga aplikimi i këtyre dy projekteve, rezulton se duke ju referuar treguesve specifikë sasiorë janë dhuruar 500 copë batanije, 300 xhupa dhe 300 palë çizme. ”Një akt modest të solidaritetit humanë në ndihmë të njerëzve në nevojë” – do të konsideronte kryetari Gurra. Në vijimësi të platformës së sajë programore për ti ofruar ndihmë nxënësve të shkollave publike, janë realizuar projektet e ndihmës kancelarike në 4 shkolla 9-vjeçare. Qëllimi i këtyre projekteve konsistonte në dhurimin e çantave, mjeteve didaktike dhe librave jashtëshkollorë për nxënësit e këtyre shkollave. Nga ky projekt kanë përfituar në total 874 nxënës të shkollave 9-vjeçare të Farkës së Vogël në Tiranë apo, të shkollave të Gracenit, Plangaricë, dhe Gjormë të Elbasanit. Jo pak të vlerësuar kanë qenë edhe ndihmat që janë dhënë për stafet pedagogjike këtë këtyre shkollave me libra të karakterit kulturor. Në radhë, do pasonte i treti projekt ai i dhurimit dhe shpërndarjes së literaturës kulturore-fetare bibliotekave të 10 institucioneve, për nxënësit e medresesë “Mustafa Varoshi”, në Durrës, si dhe 52 intelektualëve aktivistë të shoqatës “Miqtë e Dijes” apo edhe të kursantëve të qendrës “Daut Borici” në Shkodër. Titujt e librave të dhuruar përbënin një burim të mirëfilltë dijesh që i ofrojnë lexuesit gamë të gjerë njohurish e studimesh për historinë, kulturën dhe religjionin, ndërsa numri i titujve shkon në 360.

Me rastin e muajit të Mevludit, në shkurt janë organizuar nga shoqata një sërë veprimtarish me rastin e Ditëlindjes së Profetit Muhamed. Këto veprimtari konsistonin në përkujtim të jetës së dhe veprës së Profetit Muhamed si një ngjarje e një rëndësie të veçantë në historinë e shoqërisë njerëzore. Këto veprimtari ishin ndërthurur në një platformë të karakterit fetarë, kulturorë dhe festivë Aktivitetet që kanë përbërë këtë projekt kanë qenë.

– Simpoziumi shkencor, i zhvilluar me rastin e Mevludit në Hotel Internacional Tiranë dhe në Durrës me temë: – Profeti Muhamed “Mëshirë për mbarë njerëzimin.”

– Programi i festimit tradicional të ditës së Mevludit, në xhaminë e Profetit, në fshatin Mushqeta në Tiranë dhe në Trush të Shkodrës. Në përfundim të këtyre veprimtarive është shpërndarë literaturë fetare nga shoqata.

Në kuadër të veprimtarisë në fushën e botimeve ka pasuar ai i librit të Lumo Skëndos “Udhëtarët e huaj në Shqipëri në fund të shekullit XIX, “i cili pati 1000 kopje”.

Muaji mars ka vijuar me projektin e synetimit nën moton “Për një jetë të shëndetshme dhe të begatë të fëmijëve të brezit të ri”, nga i cili përfituan 500 fëmijë .

 Projekti “Përkujdesja sociale ndaj fëmijëve jetimë, kontribut i çmuar për të ardhmen e shoqërisë “përbën pjesën e luanit në veprimtarinë shoqatës “Alsar”. Ky projekt ka shtrirje në 15 qytete me nivel të ulët ekonomik dhe përbënë një përparësi strategjike të shoqatës. Nga 468 fëmijë që përfitonin asistencë financiare, përkujdesje sociale dhe edukative në këtë vit ky numër shkon në 1005. Ky projekt konsiston në ngjalljen e ndjenjës së besimit dhe shpresës me anë të edukimit moral e shpirtërorë të këtyre jetimëve. Data 31 mars ka qenë edhe çelja e këtij projekti të paprovuar ndonjëherë në historikun e shoqatave të këtij lloji. Një aktivitet që i tejkalonte përmasat kombëtare pse jo rajonale, i denjë për etalonë Askurrë nuk kishte ndodhur një aktivitet i tillë që ka befasuar edhe të ftuarit e ardhur nga vende të ndryshme të botës, që edhe pse të mësuar me të tilla organizime janë impresionuar nga ky organizim. Pallatin e Sportit “Asllan Rusi” e kanë mbushur më shumë se 2000 pjesëmarrës të kategorive të ndryshme ku për protagonistë kanë qenë ata që ishin “sebepi” i këtij manifestimi Një “manifest”, që ashtu si pjesëmarrja edhe larmia e tyre e kanë “koloritur” deri në ylberizëm këtë eveniment kaq madhështorë Ana portokollare ka qenë e një niveli ndërkombëtarë kanë marrë pjesë dhe përshëndetur aktivitetin Zv/Ministrja e Punës Çështjeve Sociale dhe Shanseve të Barabarta znj. Filloreta Kodra kanë qenë të pranishëm dhe shumë e shumë personalitete të fushave nga më të ndryshmet apo edhe përfaqësues të simotrave nga vende të ndryshme të botës. Do të veçonim znj. Jeta Seitaj, kryetare e minibashkisë 5, z. Nuri Cuni, Sekretar i përgjithshëm i Kryegjyshatës Bektashiane, z. Kadri Aliaj, Kryetar i Shoqatës së Jetimëve të Shqipërisë Drejtorët e fondacioneve “Islamic Relief” – Muhamed El Ëaey. “Shoqëria” – Sheëki Ashri, “Mirësia” – Fisnik Kruja Përfaqësues nga ambasada Turke delegacionet e Fondacionit IHH me qendër në Stamboll – z. Bilal Sagir Ai i Fondacionit të Ndihmave Humanitare “ ËEFA ”Gjermani – z Musab Aydinn . Fondacioni “IGMG” me qendër në Gjermani – z. Osman Yldirim. Përfaqësuesi i qendrës “Kultur Evi Isparta”, Turqi, përfaqësuar nga z. Ramazan Tamer Buyukkupcu.

Programi artistik i këtij aktiviteti ishte i larmishëm dhe u çel me Himnin Kombëtar, me këndimin e Kuranit Famëlart. Kryetari Mehdi Gurra do përshëndeste në hapje të këtij megaaktiviteti për tu pasuar nga pjesëmarrësit e ftuar. Jo pak interesant ka qenë edhe momenti kur kryetari i shoqatës “Tirana” dhe minibashkisë 8 i ka akorduar Kryetarit të shoqatës “Alsar”, “Certifikatën e Mirënjohjes”, me motivacionin për kontributin e çmuar në ndihmë të fëmijëve jetimë.

Bashkë me programin e pasur artistik dhe aktiviteteve argëtuese, në mbyllje fëmijëve iu shpërndanë dhurata në pako me ushqime, libra si dhe ndihma financiare në vlerën 28.5 euro në muaji e vlefshme kjo për periudhën e parë 6-mujore të këtij viti.

Nga Ilir J. Hoxha

Categories
Personazhe

Aqif Selimi, njeriu i 32 viteve burg në të gjitha burgjet e Shqipërisë

Prokurorët që i dhanë dënimin nga Bedri Spahiu deri tek Aranit Çela

Tregimet e burgut të Aqif Selimit u bënë më të dëgjuarit në TV Dardan, në vitin 2003, në Elbasan, ku jetoi e vdiq para një dite 85-vjeçari nga Peqini, njeri prej Mandelave të Shqipërisë. Brenda ndërgjegjes së këtij njeriu, ishte skalitur ideja e transmetimit për brezat e vuajtjes së njeriut nga diktatura për të njohur atë të keqe, e cila, nëse harrohet, rikthehet me format më monstruoze tipike që bëjnë regjimet fashiste dhe komuniste. Që në fillim do të thosha që nuk janë një e dy, por 32 vite burgu të kryera kokërr më kokërr gjatë 45 vjetëve të regjimit diktatorial enverist. Janë 32 vite burgimesh të një njeriu që u gjykua nga të gjithë prokurorët e përgjithshëm që nga Bedri Spahiu e deri tek Aranit Çela, për “të inspektuar” të gjitha burgjet e Shqipërisë nga kalaja e Gjirokastrës e deri në Spaç të Mirditës, që nga Qafa e Barit e deri në Ballsh, që nga Bulqiza e Burreli e deri në Tiranë. Një kalvar i tërë misteresh që fshihnin birucat e sigurimit të shtetit, në emër të një “shteti demokratik”, por që prodhoi vetëm diktaturë.

Pak nga jeta e Aqif Selamit

Lindi në Peqin, në vitin 1927, në një familje të mesme qytetare. Shquhej për një djalosh energjik dhe i pashëm.

Në moshën 16 vjeç bëhet pjesëtar i kohës e Luftës Antifashiste, por më shumë edhe si shoqërues i të mirënjohurit Mustafa Gjinishi, që, si peqinase, e donte dhe e mbante me vete. Vlerësimi që kishte Aqif Selimi për Mustafa Gjinishin ishte shumë i madh, sepse ai ka qenë njeriu që i dha edhe një lloj drejtimi mendimeve të Aqif Selimit. Tregimet për Mustafain, ai i kishte si një medaljon. Aqif Selimi është një nga dëshmitarët në ditën e fundit, kur Mustafa Gjinishin e vranë.

Pas çlirimit të vendit, për shkak të zhgënjimit të shpejtë që pati, Aqif Selimi do të piketohej si një njeri i rrezikshëm dhe jeta e tij do të merrte një drejtim me vuajtje nga vitet e burgimeve të gjata që pati deri në fund të viteve ‘80.

Ishte babai i dy fëmijëve, një djali dhe një vajze.

Për më tepër, dënimet e Aqif Selimit i ngjajnë filmave me ngjarjet e kobshme të komunistëve serbë me shqiptarët e Kosovës, për shkak të torturave dhe presioneve psikologjike dhe fizike, po aq sa edhe dënimeve të zgjatura me zhvendosjet në birucat famëkeqe që zbatoi Sigurimi i Shtetit sipas modeleve të UDB-së Jugosllave. Të vetmet vite në liri të pjesshme, por me survejime të mëdha, kanë qenë 1966-1974, koha kur edhe u martua dhe bëri dy fëmijët një pas një, si dëshmitarë të jetës së tij. Ai i gëzoi pjesërisht fëmijët, pas viteve të dënimit tjetër dhe në këto vitet e demokracisë.

Siç tregonte edhe vetë xha Aqifi, pas Luftës si ishte organizuar në forcat e ushtrisë si radiondërlidhës, për të cilin bëri edhe një kurs dhe një natë, pasi kishte parë një ëndërr sikur ishte takuar me një oficer anglez, ia tregon shokut të tij, i cili e denoncon dhe këtu, që nga viti 1946 fillon kalvari i vuajtjeve të tij. Dënohet me pushkatim. Arrin të arratiset, por përsëri kapet, se ngatërruan rrugën e nuk e kaluan dot kufirin. E dënojnë dhe e burgosin në kalanë e Gjirokastrës. Në rrëfimet e tij të drejtpërdrejta në ambientet dhe ish-qelitë e burgut, sytë e këtij njeriu lotonin ende nga vuajtja shpirtërore dhe dhimbja që ndjente si shqiptar i mirë, sepse ishte i brumosur me idetë, që pas çlirimit do të jetonim në liri dhe demokraci, por që, në fakt, jetoi në diktaturë si i gjithë kombi shqiptar.

Aqif Selimi mbahet mend nga miqtë e tij, si një nga njerëzit e fortë të burgjeve shqiptare që ruajti në kujtesë çdo gjë që lidhej me luftën dhe pasojat e burgimeve. Ka njohur shumë personalitete në burgjet e ndryshme dhe me ta ndjeu vetëm kënaqësinë e njeriut të etur për intelektualizëm, njësoj si të ishte me Mustafa Gjinishin që e donte si të shenjtë.

Në sentencat e tregimeve të tij mbaj mend të thoshte si kishte takuar në burgun e Gjirokastrës, Mazar Dinon nga Paramithia e Çamërisë, të cilën e kujtonte me një respekt të veçantë kur i porosite djemtë e rinj që të donin atdheun se fara e komunizmit që mbolli serbi në Shqipëri, edhe barin do ta thajë, pale njeriun do ta bëjë që të ndjejë veç vuajtje. Pikërisht ashtu ndodhi.

Një herë mbaj mend se si tregonte njeri nga ish të burgosurit e Kalasë së Gjirokastrës, kur Koçi Xoxe, ish-ministër i Brendshëm, thirri në zyrën e tij kryetarin e degës së Punëve të Brendshme të Tiranës, të cilin e urdhëroi që deri të nesërmen në darkën e një dite më pas kërkonte 300 të arrestuar. “Me çfarë akuze, shoku ministër, e pyet”. Përgjigjja ishte e shpejtë “Të krijohen” nuk kanë nevojë për komente, se flasin vetë faktet.

Në një rast tjetër, tregonte kur ishte në burgun e Tiranës, në vitin 1962 dhe vjen për inspektim ministri i Mbrojtjes, Beqir Balluku, dhe i pyeste një e nga një të gjithë të burgosurit se përse ishte dënuar njeri e përse ishte dënuar tjetri. Të gjithë i përgjigjeshin për këtë ose atë faj. Njeri nga të burgosurit nga Krraba e Tiranës, një burrë i gjatë e i fuqishëm, i përgjigjet “Mua më kanë dënuar kot, shoku ministër”. Ishte e papritur përgjigja për ministrin Balluku dhe ia kthen menjëherë “po ti duhesh pushkatuar ore, si ore dënuaka partia jonë kot?”. “Mund të mos dënojë, por meqë më pyete, të thashë”, ia preu malësori i Krrabës. Ndërsa ministri Balluku, me një lloj naiviteti, i përgjigjet: “Po përse ore nuk më dënon mua partia kot, por të dënon ty?”. Ndërkohë që edhe burri i Krrabës i përgjigjet qetësisht “Belqim s’të ka ardhur radha shoku ministër”. Ishte e fortë dhe me pasoja për të burgosurin se druri që ai hëngri, tregonte xha Aqifi, mezi e sollëm në vete për dy javë. Pas 13 vjetësh, kur në vitin 1975 Beqir balluku do të dënohej si armik dhe në një moment vajtën dhe e morën nga qelia për ta pushkatuar, ai u drejtohej kriminelëve “Çfarë bëni kështu oree, i thoni more shokur Enver, se mua po më dënojnë kot”. Paradoksale, por e vërtetë, ashtu ndodhi siç i tha i burgosuri i Krrabës.

I nderuar atdhetar

Para se xha Aqifi të bënte intervistat e tij në TV Dardan, më qershor 1998 i dërgonte një letër shoqatës “Vatra”, në SHBA, ku ndër të tjera i shkruante se “50 vjet më parë, isha i ri, i dëlirë, atdhetar, idealist, nacionalçlirimtar. Por komunistët aventurier, të pashpirt, të pabesë, antikombëtarë, më dënuan me vdekje. Zoti më shpëtoi jetën. Kalvarit të mundimeve në burgje dhe internime u bashkua me të mijëra atdhetarëve të tjerë. Paralelja autentike ndërmjet idealit, torturimit, mundimeve, flijimit sublim të mrekullisë së ringjalljes së Krishtit profet, me idealin torturimin, mundimeve, mrekullisë së mbijetesës sime në ferrin e vërtetë komunist, më jep bindje që është vullneti i shenjtë i Perëndisë mbijetesa ime dhe urdhri i shenjtë i saj të jetë dëshmitar i pakontestueshëm në akuzën mbarëkombëtare ndaj komunistëve për tradhti, krime lufte, gjenocid të pashembullt 50-vjeçar.

Jam ndë r të pakët dëshmitarë okularë të gjallë të krimeve monstruoze, intrigave, pusive ndaj personaliteteve të Luftës nacionalçlirimtare. Kam amanetin e të rënëve për liri dhe Shqipëri Etnike, shtet demokratik që të denoncoj emër për emër dhe kronologjikisht tradhtarët dhe xhelatët e tyre. Jam “memorial” i gjallë i qëndresës stoike në torturë fizike, në etje, në uri e mundime të qindra intelektualëve të shquar në burgjet katakombe enveriste.

I nderuar atdhetar, në emër të interesave të larta të kombit dhe atdheut në homazh të të rëndëve për komb e atdhe, në respekt të kalvarit të gjatë të mundimeve të mia 50-vjeçare, ju lutem më krijoni mundësinë për të ardhur në SHBA, në tempullin e lirisë, pranë “Vatrës” atdhetare të rilindësve të ndritur me qëllimin e shenjtë: t’i tregojmë botës shqiptare monstruozitetin 50-vjeçar komunisto-enverist, t’i japim sa nuk është vonë momentit të sotëm kursial shqiptar alarmin e rrezikut të madh të zhdukjes si komb e troje, sërish të tradhtuar prej të njëjtëve komunistë, sërish të sulmuar prej shovinistëve serbë grekë”.

Ishte qershor 1998, kur ky martir i gjallë i luftës dhe i burgimit komunist ndjente rrezikun e së keqes që i avitej shqiptarëve prej fqinjëve të tyre. Aqif Selimi nuk është ëmë, pro në mendjet dhe zemrat e shtresës së të persekutuarve, por edhe qytetarëve që e njohën dhe e dëgjuan Aqif Selimin në rrëfimet e tij të sinqerta si vetë ai.

 

Hyqmet ZANE

 

 

 

Categories
Frutat & Perimet Shëndet

Qershia, aleate ndaj yndyrave

Minjtë, tek të cilët përdorej një dietë me përmbajtje të lartë yndyrash, duke shtuar pluhur qershish të kuqe, nuk shtonin në peshë, as akumulonin dhjam, ashtu si të tjerët që nuk u jepej qershi. Përveç kësaj, të parët kanë treguar se kishin nivele në të ulëta të markersave inflamatorë, që lidhen me diabetin dhe sëmundjet kardiake dhe sasinë e kolesterolit dhe triglicerideve më të pakta, në krahasim me minjtë e tjerë. Këto rezultate u prezantuan në “Experimental Biology 2008”, në San Diego, SHBA, nga një grup shkencëtarësh të Universitetit të Miçiganit të “Cardioprotection Laboratory”. Shkencëtarët kanë studiuar efektet e ekstraktit të qershive të kuqe të minjtë, për të prezantuar predispozicion ndaj obezitetit dhe insulino-rezistencës. Qershitë përmbajnë antioksidantë në nivele të larta, të quajtura “antociani”, që i japin frutit ngjyrën e kuqe. Në studim janë përdorur gjysma e minjve mbipeshë dhe gjysma të dobët, të ushqyer me një dietë që përmbante sasi të mëdha yndyrash. Për 90 ditët që kanë pasuar nga nisja e studimit, një pjesë e tyre janë ushqyer me dietë të pasur, me ekstrakte të qershive dhe një pjesë me një dietë që përmbante karbohidrate dhe kalori. Në përfundim të studimit, minjtë kishin marrë integratorë të qershive, shfaqnin nivele të ulëta të glukozit dhe kolesterolit në gjak, përveç sasive të pakta të yndyrave në nivel të mëlçisë. “Këto rezultate të reja janë shumë inkurajuese, sidomos në dritën e lidhjes mes inflamacionit, lipideve në gjak, mbipeshës, sëmundjeve kardiovaskulare dhe diabetit”, pohon Steven Bolling, drejtor i laboratorit. Për këtë arsye, studiuesit janë duke u përgatitur për të nisur një fazë pilot eksperimentesh klinike për të vlerësuar efektin e ekstraktit të qershive te njerëzit.