Categories
Arkiva

“Kuti e zezë”, sigurimi për matjen e shpejtësisë së makinave

Shoqata britanike Automobile Association (AA) ka paralajmëruar një policë të re sigurimi e cila do të bazohet në të dhënat e mbledhura nga një “kuti e zezë” e vendosur në automobil. Sipas raportit të publikuar nga “BBC”, kjo kuti e zezë do të duhej të përcjellë shpejtësinë, forcën dhe kohën e frenimit, dhe rrugët nëpër të cilat vozitet automobili. Me leje të gjykatës këto të dhëna po ashtu do të mund të përdoreshin edhe për caktimin e fajësisë tek aksidentet automobilistike. Po ashtu thuhet që drejtuesit të cilët drejtojnë me shpejtësi të mëdha makinën, do të marrin mesazhin elektronik nga AA me të cilën u tërheq vërejtjen për të zvogëluar shpejtësinë. Edhe pse tek aplikimi i këtij sistemi ka shumë çështje të lidhura me shkeljen e privatësisë, shfrytëzuesit mendohet të joshen me kursimet e mëdha financiare. AA nuk do të instalojë kutitë e zeza pa pëlqimin e shfrytëzuesve, kurse atyre që pranojnë u ofrojnë kursime edhe deri në 850 funte në vit nëse u përmbahen rregullave për drejtim të sigurt.

Categories
Arkiva

Michelle Pfeiffer pro kirurgjisë estetike

Michelle Pfeiffer është pro kirurgjisë estetike. Në mënyrë të veçantë ajo është pro Botox-it. Objektivi? Të ndiheni mirë fizikisht dhe rezultatet të jenë sa më natyrale të mundshme dhe jo me ekzagjerime, të cilat më pas kthehen në makthe. Aktorja e madhe e Hollivudit, në moshën 53 vjeçare ka deklaruar për Elle se: “Nuk ka rëndësi nëse personat kanë zgjedhur t’i nënshtrohen kirurgjisë estetike apo të bëjnë ndërhyrje më të lehta. E rëndësishme është që ata të ndihen mirë kur të shikojnë veten e tyre në pasqyrë.

Për të ndërhyrja estetike duhet të përjetohet me qetësi dhe të kërkohen rezultate sa më afër natyrës së vërtetë.