Categories
Dieta Shëndet

Dobitë e brokolit në shëndet

Çfare përmban brokoli?

Brokoli është shumë i pasur me vitamina dhe minerale.

  • Përmban vitamin A në formë të beta-karotenit.
  • Një brokul e mesme përmban më shumë vitamin C sesa një portokal.
  • Brokoli është burim i pasur i Vitaminës të grupit B si : B1, B2, B3, B5, B6 B9 (acid folik)
  • Në përmbajtjen e brokolit është e pranishme edhe vitamina K
  • Mineralet të cilat gjenden në sasi të madhe në brokoli janë: hekuri, kalciumi, kaliumi, magneziumi dhe zinku.
  • Brokoli është i pasur edhe me fibra.

Përse të hamë brokoli?

Brokoli u takon perimeve që e ruajnë shëndetin tonë dhe lufton shumë sëmundje si janë:

Sëmundjet e zemrës: Përveç antioksidanteve të përmendura më lart, brokoli ka përmbajtje të lartë ne fibra, beta-karotene, acide yndyrore omega-3 dhe vitamina të tjera që ndihmojnë në uljen e kolesterolit të keq si dhe mbajne zemrën te funksionoje siç duhet duke rregulluar-presionin e gjakut.

Anemia: Anemia është e lidhur direkt me mungesën e hekurit dhe disa proteinave. brokoli është i pasur me të dyja dhe kështu formon një zgjidhje të shkëlqyer për anemi. Tani, le të kemi një vështrim në të gjithë përbërësit e pranishëm në brokoli. Ata janë karbohidratet, omega-3 acidet yndyrore, proteina, vitamina A, B kompleks, C dhe E, beta-karotenet, kalciumi, hekuri, magnezi, fosfori, kromi, kalium mangani, glucoraphanini, dindolylmethani, zeaxanthini, uji dhe fibrat.

Kanceri: Brokoli eshte luftuesi natyror për shumë lloje të kancerit, duke përfshirë kancerin e gjirit, kancerin e mitrës, kancerin e prostates, kancerin e organeve të brendshme si mushkëritë, mëlçinë, zorrën e trashë, veshkat etj. Por brokoli është veçanërisht i mirë për kancerin e gjirit dhe kancerin e mitrës sepse ajo heq estrogjenin, shtesë nga trupi. Kjo për shkak të pranisë së fortë anti-kancerogjene si sulforaphane, dindolylmethane, beta-karotene, selen dhe vitamina të tjera si-vitamina C, vitamina A dhe-vitamina E, zinku, kaliumi dhe disa aminoacide, të cilat janë efikase kundër agjenteve kancerogjenë.

Çrregullimet në stomak: brokoli është shumë i pasur me fibra dhe mund të kurojë pothuajse të gjitha çrregullimet e stomakut me shërimin e kapsllëkut sepse kapsllëku është rrënja e pothuajse të gjitha çrregullime ne stomak. Fibrat formojne pjesën më te madhe te ushqimit, ujit dhe ruajnë formën e zorrëve. Magnezi dhe vitaminat e pranishme në brokoli kurojnë aciditetin për të lehtësuar tretjen e duhur dhe thithjen e ushqyesve nga ushqimi dhe zbusin barkun me uljen e inflamacionit.

Efekt detoksikues: Prania e vitaminës C, sulfurit dhe disa aminoacideve e bëjnë brokolin një detoksikues shumë të mirë. Ai ndihmon në heqjen e radikaleve të lira dhe toksinave nga trupi si acidi urik duke pastruar gjakun dhe mbajtur larg probleme që lidhen me toksinat si skuqjen, artritin, reumatizmat, calculi i veshkave, sëmundje të lëkurës si ekzemë dhe acarime, etj .

Kujdesi i lekurës: Per mbajtjen e lëkurës tuaj të re dhe me shkëlqim merita i takon antioksidanteve si beta karoteni, vitaminës C dhe ndihmësave të tjerë si kompleksi i vitamines B, vitaminës E (vitamina E i jep shkelqim lëkurës tuaj, flokëve dhe ngjall indet e lëkurës), vitamines A & K, acideve yndyrore omega 3, aminoacideve dhe folateve te pranishëm në brokoli.

Kujdesi për sytë: Kryesisht Zeaxanthin dhe pastaj Beta-karotene, vitamina A, fosfori dhe vitamina të tjera të tilla si, C, B kompleks dhe E janë shumë të mira për shëndetin e syrit. Këto substanca mbrojnë sytë kundër perdes së syrit si dhe riparimin e dëmeve nga rrezatimet UV.

Shendeti i kockave: Duke qenë shumë i pasur me kalcium dhe vitamina të tjera të tilla si, zinku magnezi dhe fosfori, konsumimi i brokolit është shumë i dobishëm veçanërisht për fëmijët, të moshuarit dhe gratë shtatzëna ose nënat në gjidhënie, sepse këta njerëz janë më të prirur për osteoporozën, dobësimin e kockave, dhëmbëve, etj, nga mungesa e kalciumit.

Imuniteti: Substancat përgjegjëse për ngjyrën e gjelbër tek brokoli, vitamina C, beta-karoteni, si dhe vitaminat e mineralet tjera si seleni, bakri, zinku, fosfori etj, forcojnë sistemin imunitar si dhe na mbrojnë nga infeksionet e shumta.

Shtatzënia: brokoli është ushqim thelbesor për shtatzanat sepse është i pasur me proteina, kalcium, vitamina, anti-oksidant, detoksifikues, hekur, fosfor te cilët e bejnë një komponent ideale për dietat. Duke qenë i pasur me fibra, brokoli gjithashtu mban larg kapsllëkun i cili është shumë i zakonshem gjatë shtatëzënisë.

Categories
Dieta Informacion

Frutat që ndihmojnë për përmirësimin e shëndetit

Studime të fundit tregojnë se një nga tipet e boronicës përmirëson aftësitë motore të organizmit dhe funksionet mendore. Ky frut përmirëson elasticitetin a arterieve dhe nuk lejon krijimin e pllakave arteriale; është treguar të jetë efektive në përmirësimin e shikimit natën dhe, në përgjithësi, në përmirësimin e shëndetit të syve.

Ndërsa për shegën, frutin me përmbajtjen më të lartë të anti-oksidantëve, studimet tregojnë se ka tre herë më tepër fuqi anti-oksiduese në raport me çajin e gjelbër dhe verën e kuqe.

Qershia

Përmirëson aktivitetin e organizmit në përgjithësi; cilësi të shumta anti-inflamatore. Përmirëson gjumin e natës në sajë të përbërësit të quajtur melatonin, i cili ndihmon në rregullimin e cikleve të gjumit.

Mjedra

Bburim i pasur i vitaminës C dhe manganit; mbështet funksionet e sistemit imunitar dhe mbron indet e organizmit. Është i njohur si frut me indeks glicemik të ulët, çka bën që konsumi i mjedrës të ketë impakt shumë të vogël mbi nivelin e glukozës në gjak.

Manaferra

Përmban sasi të larta të fitoestrogjeneve, çka ndihmon në lehtësimin e simptomave të sindromit paramenstrual dhe menopauzës. Ngjyra e errët i dedikohet përmbajtjes së pigmenteve antocianine (anthocyanin) që kanë efekt në nxitjen e një përgjigje inflamatore të shëndetshme.

Categories
Dieta Këshilla Shëndet

5 ushqimet që ndihmojnë të mbetesh shtatzënë

Jeni njëra nga ato që po provoni te mbeteni shtatzënë dhe nuk ia arrini, e pyesni si të mbetem shtatzënë? Këtu në këtë artikull do te lexoni per top 5 ushqimet që ju ndihmojnë dhe shtojnë gjasat qe te mbeteni shtatzënë. Shih dhe gjej këto ushqime te cilat kane shije te mire e gjithashtu ndihmojnë trupin te arrij kushtet per krijimin e një bebe, pasi qe kjo (shtatzënia) është ajo qe dëshironi.

1. Drithërat e plota

S’ke nevoje te shmangesh karbohidratet, vetëm thjeshte te besh zgjedhje te duhur. Karbohidratet komplekse si buka nga gruri i plote, orizi i kafenjte, buka e misrit dhe qulli tërshërës nuk ndikojnë ne insuline dhe sheqer te gjakut aq sa karbohidratet e rafinuara (buka e bardhe, orizi bardh, mielli i bardhe, etj). Dhe çfarëdo që është e mirë për funksionin e insulinës është e mire edhe për pjellshmëri (shtatzënia).

2. Proteina nga bimët

Proteina nga bimët si fasulet, bizelet dhe kikirikët janë shoqëruar me shtim te pjellshmërisë, diçka që proteina nga mishi kuq dhe mishi i shpezëve nuk ofron. Fasulet janë përplot me hekur, një ndihmues tjetër i pjellshmërisë (feritilitetit). Nuk është e thënë te bëhesh vegjetarian por provo te kufizosh mishin ne porcione te vogla.

3. Produktet nga qumështi

Ndoshta e ke vështirë te mendosh per qumështin e plote, kosin e plote, e bile edhe akulloret si ushqime qe shtojnë pjellshmërinë dhe ju ndihmojnë te mbeteni shtatzëne, por një studim i bere ne Harvard ka zbuluar se gratë qe konsumonin keto ushqime kishin me pake probleme ovulimi. Produktet e qumështit përmbajnë edhe kalcium, i cili është nje materie ushqyese e rëndësishme e pjellshmërisë. Studiuesit bëjnë me dije se nuk duhet tepruar me këto ushqime, por një shërbim ne dite mund te ndihmoj te kompozosh kaloritë shtese diku tjetër ne dietën tuaj.

4. Fruta dhe perime te freskëta

Ku t’ia fillojmë se sa te shëndetshme dhe rëndësishme jane frutat dhe perimet per pjellshmërinë? Para se gjithash, ato janë përplot me antioksidues te cilet promovojnë shëndet te përgjithshëm dhe reproduktive. Plus shume fruta dhe perime – portokalli dhe frutat citrike te tjera, dredhëzat dhe perimet me gjethe te gjelbra – jane përplot me folate një materie ushqyese e rëndësishme me te cilën duhet te mbusheni para shtatzënisë qe te parandalosh defektet e lindjes.

5. Yndyrat e mira: Gjysmë të ngopura, acidet yndyrore omega-3

Thuaj “jo”’ yndyrave te ngopura dhe trans-yndyrave, dhe po yndyrave gjysme te ngopura dhe acideve yndyrore omega-3. Këto yndyra zvogëlojnë pezmatimin dhe shtojnë ndjeshmërinë ndaj insulinës. Ku mund ti gjesh ato? Ne avokado, kokrra (arrat & lajthit), farat e kungullit dhe sezames, sardelet, dhe peshku salmon.

Ti mund t’i kombinosh këto ushqime ne gjithfarë mënyrash për të shtuar ndikimin e këtyre ushqimeve ne përmirësimin e pjellshmërisë. Me rendësi është qe t’i besh këto ushqime pjese te dietës tuaj qe te shtosh gjasat per te mbetur shtatzënë.

Categories
Dieta Shëndet

Vlerat e mollës vërtetohen shkencërisht

Frutat luajnë rol pozitiv në parandalimin e disa sëmundjeve me rrezik për jetën

Njihet si një nga frutat më dobiprurëse për organizmin, pasi kryen një sërë funksionesh fal pranisë në të përbërjes së pasur kimike, vlerës kalorike e higjienike, terapeutike dhe profilaktike.

Në 100 gr frut molle gjenden 14 gr fruktozë. Kur konsumohet 1 kg mollë çlirohen 600 kalori, sasi që përmban dhe një litër qumësht. Prania e vitaminës C ndihmon në fuqizimin e rezistencës së organizmit kundër infeksioneve të ndryshme, si gjatë gripit, ftohjes etj. Thartira e saj ndikon në përmirësimin e tretjes, shton oreksin, ndihmon në vendosjen e normalitetit të aciditetit në traktin tretës. Por, në këtë frutë gjendet jo pak vitaminë A në formën e provitaminës, karotinë dhe vitamina të kompleksit B.

Për një funksion fiziologjik normal në organizëm ndihmojnë dhe prania e kripërave minerale si kalcium, hekur, fosfor, kalium, etj. Është frut që mund të përdoret si nga njerëzit e shëndetshem dhe ata të sëmurë. Përmbajtja e lartë e pektinit absorbon prodhimet helmuese dhe ujin në zorrë dhe i nxjerr jashtë organizmit. Mollët mund të konsumohen, para dhe pas buke. Ato ndihmojnë në shmangien e sëmundjeve të zemrës, në diabetin e sheqerit, për rënien në peshë, ndihmon në uljen e kolesterolit në gjak.

Të sëmurët nga zemra është mirë të hanë një mollë në mëngjes herët dhe një kokërr në mbrëmje para gjumit. Ajo bën mirë duke u pirë në formë çaji, është për sëmundjet reumatizmale. Çaji mund të bëhet me mollë të freskëta ose me mollë të thata.

“Një mollë në ditë largon mjekun”

Duke ditur se vlerën e mollës anglezët kanë një proverb, sipas së cilës “konsumimi i një molle në ditë e bën largon mjekun”. Kjo tregon se molla jo vetëm që është një ushqim i mirë, por forcon dhe vitalizon organizmin, duke rritur rezistencën kundër shumë sëmundjeve. Prej mollës përfitohen dhe një sërë nënproduktesh, të cilat konsumohen me kënaqësi nga njeriu dhe i bëjnë atij shërbime kaq të vyera sa po të njiheshin kudo, molla do të ishte në vend të parë. Por ka dhe një vështirësi. Ndonëse një njeri duhet të konsumojë të paktën 40 kg mollë nga 100 kg fruta që duhet të marrë në vit, aktualisht bota prodhon vetëm 5 kg për frymë. Nga molla përfitohet çaji i mollës, reçel molle, mollë të thara, puding, mollë të mbushura, sallatë molle, petulla me mollë, marmelatë molle, pekmez, komposto, pasta me mollë dhe të tjera. Por jo pak vlerë kanë:

Vlera e mollës

Preferohet për ata që kanë probleme me hemorroidet, takikardi, thartira në lukth dhe çrregullime në tretjen e ushqimeve. Pihen 3 gota verë në ditë.
Lulet e mollës: Përdoren në formë çaji, i cili lehtëson kollën. Kur çaji bëhet me gjethe shërben për lehtësimin e ënjtjeve në trup.
Uthull molle natyrale: Ka ndikim të fuqishëm në përmirësimin e tretjes por dhe në pakësimin e kolesterolit në gjak.
Frutë i freskët: Molla përdoret si preventiv për të parandaluar arteriosklerozën dhe hipertensionin. Konsumohen jo më pak se 3 kokrra mollë në ditë.
Përzierja: Një lugë uthull molle, një pikën jod i holluar, jod farmacie, me një gotë ujë. Në rastet kur lotojnë shumë sytë pihet nga një lugë gjelle gjatë ushqimit të drekës.

Sëmundjet mbi të cilat vepron molla

Verdhëza: 400 gr mollë lahen mirë dhe ndahen në tri racione në ditë. Kjo kurë vazhdon 4 ditë. Bukë gjatë kësaj periudhe hahet vetëm një herë në ditë dhe jo deri në ngopje.
Tension i lartë i gjakut: Ul tensionin e gjakut për shkak se nxjerr nga organizmi sasitë e tepërta të kripës nga organizmi. Molla mund të përdoret e freskët, ose në formë çaji kompostosh. 1.5 kg mollë zihen si komposto dhe konsumohen në 4 vakte në ditë. Gjatë kësaj ditë nuk duhet të konsumohet asnjë lloj ushqimi. Kjo kurë bëhet një herë në javë për 4 javë rresht, por mund të përsëritet sërish pas tre muajve.
Në infeksion të zorrëve: Për tri ditë në javë përdoren 2 kokrra mollë në ditë. Kura vazhdon dy javë. Mund të merren dhe çdo ditë dy kokrra mollë.
Në infarktin e zemrës: Duke qenë se pektini i mollës ul nivelin e kolesterinës, molla ndihmon në shmangien e infarkteve dhe gëlqerëzimit të sistemit kardiovaskular. Përdoren 2 kokrra mollë në ditë, një në mëngjes dhe një dark pa ndërprerje për 3 muaj. Mund të bëhet një muaj pushim dhe sërish e njëjta dozë.
Në migrenë: Dhimbjet prej kësaj sëmundjeje janë të bezdisshme. Është provuar se kur i sëmuri sheh se po i fillojnë dhimbjet, duhet të hajë një kokërr mollë. Kjo bën që dhimbja të shmanget, ose intensitetit i saj të jetë shumë i dobët.
Era e keqe e gojës: Nëse personi që vuan nga era e keqe e gojës, krahas higjienës së dhëmbëve duhet të pijë një gotë me lëng molle në mëngjes esëll dhe një në mbrëmje kur shkohet për gjumë.
Në konstipacion: Kur ka lëvizje të ngadaltë të zorrëve dhe personi mërzitet nga konstipacioni i shpeshtë, nevojitet të pihet 3 herë në ditë nga një gotë lëng molle para ushqimit.
Për t’u dobësuar: Gjatë kësaj kure, duhet të kemi parasysh që të pakësojmë bukën. Mirë është që të hahet bukë vetëm një herë në ditë. Ditën e parë duhet të marrim gjysmë kg mollë, pa ngrënë bukë fare. Ditën e dytë dhe në vazhdim, merren 400 gr mollë në ditë, 200 gr në mëngjes esëll dhe po kaq në mbrëmje vonë. Bukë duhet të merret 200 gr në drekë.
Në arteriosklerozë: Duke qenë se molla përmban të gjitha kripërat minerale, kalim, kalcium, silicium, mangnezium, hekur, acid fodforik dhe vitaminat A, B, C, ka veti të shkëlqyera për të rritur elasticitetin e enëve të gjakut. Nëse një person arrin të konsumojë një deri në dy kokrra mollë në ditë, mund të shpëtojë një herë e mirë nga arterioskleroza dhe sëmundje të tjera të zemrës.

Categories
Dieta

Dieta jeshile për një javë

E përse të mos provojmë të ndryshojmë një herë, të paktën për një javë, mënyrën e të ngrënit? Nuk bëhet fjalë vetëm të biem në peshë, por edhe për t’u pastruar dhe ndihmuar organizmin të rigjejë vitaminat dhe kripërat minerale të cilat jo gjithmonë ne i gjejmë në ushqimin tonë të përditshëm. Nuk është ndonjë mundim i madh të mbahet kjo diete për një javë, madje nëse ju bën mirë mund ta përdorni edhe një javë më shumë. Rënia në peshë është e garantuar, por mbi të gjitha trupi do të fitojë freski dhe do të pastohet nga toksinat e akumuluara. Në këtë javë nuk përdoret mishi i kuq dhe ushqimet e rënduara me yndyrna. Aplikohet vetëm një herë në javë mishi i bardhë i pulës, dy herë në javë peshku dhe  toni si edhe u jepet rrugë e lirë perimeve dhe frutave, pothuajse në çdo vakt.  Rekomandohet që frutat të jenë to të stinës, si rrushi, pjeshka, portokallja. Të pandara në sallatë janë lëngu i limonit dhe vaji i ullirit. Veçojmë një përdorim të madh të çajit të malit.

E hënë

Mëngjes-një frut, çaj mali, dy biskota pa shumë sheqer

Drekë-sallatë jeshile me një lugë të vogël vaj ulliri dhe lëng limoni, 50 gr oriz

Pasdite-një gotë me lëng portokalli

Darkë-perime të pjekura dhe supe

E Marte

Mengjes- qumesht me dy biskota, një frut

Drekë-sallatë jeshile, 60 gr spageti një frute

Pasdite-kafe me dy biskota

Darkë-sallatë jeshile dhe peshk ton, një fetë buke e thekur dhe një mollë jeshile

E Mërkurë

Mengjes-Çaj jeshil me dy biskota dhe nje frut

Drekë-Fasule dhe sallate me lakra të zjera dhe të përgatitura me vaj, limon e hudhra

Pasdite-Ananas

Darkë-Supe me perime

E enjte

Mëngjes-Lëngu i tre portokalleve dhe gjysmë limoni dhe dy biskota

Dreke-Sallate me rukole dhe sallatë jeshile dhe një hamburger vegjetal , dmth pa qofte përgatitur në shtëpi në tost

Pasdite-Leng portokalli

Darke-Supe me limon dhe rrush

E premte

Mengjes- Kos frutash dhe nje frute

Drekë-Sallate, burani me dy veze te zjera

Pasdite-Leng portokalli

Darke-Karçofe te zjere dhe 50 gr makarona me salce domateje

E shtune

Mëngjes: Çaj mali me tre feta biskote dhe nje frut

Dreka-Sallate me fasule te zjera, karrota dhe qepe dhe peshk

Pasdite-nje kos frutash

Darke- supe me perime dhe frute

E diele

Mengjes- Miks frutash dhe çaj mali

Drekë-Sallatë jeshile mish pule dhe fruta

Pasdite-leng portokalli

Darkë-spinaq i zjerë përgatitur sallatë, peshk ton dhe një mollë