Categories
Kuzhina

Ftua i pjekur

Ftoi është një frut, i cili ndonëse ka një pamje dhe aromë të mirë, nuk është i preferuar për shumicën nga ne. Arsyeja lidhet me faktin se gëlltitja shpesh është e vështirë. Për të shpëtuar nga kjo dhe për t’i dhënë drekës suaj të së djelës (dhe jo vetëm) një ëmbëlsirë natyrale, po ju tregojmë se si të gatuani për pak minuta një ftua në furrë.

Përbërësit:

  • Ftua (2-3 kokrra sipas preferencës)
  • Kujdesuni që të jenë ftonj sa më të mëdhenj dhe të shëndetshëm
  • Sheqer
  • Mjaltë
  • Arra, sheqer pluhur, vanilje pluhur sipas preferencës

Përgatitja:
Lajini ftonjtë (ose një ftua si shembulli që po sjellim ne) mirë dhe me anë të një thike, realizoni një vrime në brendësi të ftoit, por pa prekur fundin. Më pas, mbusheni me sheqer këtë vrimë të krijuar në trupin e ftoit. Shtojini pak mjaltë sipër. Futeni në furrë të ngrohur përpara në temperaturën 200-250gradë. Lëreni të piqet për rreth 15-25 minuta (varet nga fortësia e ftoit, shikojeni herë pas here gjersa të ketë marre nje ngjyrë të artë nga jashtë dhe nërpërmjet një piruni mund ta verifikoni që është mjaftueshmërisht e butë.)

Servireni ende të ngrohtë, mund t’i hidhni arra, vanilje pluhur sipas preferencës.

Një mënyrë tjetër është ta fusni në frigorifer për 15minuta dhe ta spërkatni me mjaltë.

Ju beftë mirë!

ftua_ne_furre

Categories
Kuzhina

Brusketa me hudhra

Brusketa me hudhra. Brusketat janë tashmë një ndër recetat më të lehta për t’u realizuar dhe ndër më të shijshmet për të gjithë ne. Sidomos kur nuk ke në plan të gatuash diçka të rëndë për darkë apo edhe kur keni uri pasditeve kur ktheheni nga shkolla, puna etj.

Sot do të ndajmë me ju recetën e një ndër brusketave më të pëlqyera në të gjithë botën.. ajo me hudhra.
Hudhra njihet si një ndër “recetat” kundër shumë sëmundjeve, duke iu referuar burimeve popullore dhe kurave të ndryshme.

Megjithatë, edhe përdorimi i tyre në kuzhinë është tepër i zakontë.

Përbërësit:

Feta buke të bardhë
Vaj ulliri
Majdanoz
Hudhra
Djathë kaçkavall ose parmixhan

Përgatitja:

brusketa me hudherMarrim fetat e bukës dhe i vendosim në një tavë, duke mos harruar vendosjen e një fijeje letër alumini kuzhine poshtë tyre. Për gatimin e brusketave, numri i fetave të bukës mbetet sipas dëshirës suaj, mesatarish në një tavë vendosim 5 të tilla.

Marrim dy thepinj hudhër dhe pasi i qërojmë, i fusim në një grirëse perimesh (ose i shtypim ato në mungesë të grirësit) dhe shtojmë më pas vaj ulliri natyral, gjethet e majdanozit.

Pasi përzjerja të jetë realizuar sic duhet, e shtrojmë atë në fetat e bukës dhe në fund, para se tavën ta fusim në furrë, shtojmë djathin e grirë kaçkavall ose më e preferuar mbetet djathi parmixhan.
Furrën pregatiteni më parë ne një temperaturë 150-180 gradë dhe pjekja nuk zgjat më tepër se 15 min.
Ju bëftë mirë!

Categories
Kuzhina

Si t’i qërojmë lehtësisht portokallet?

Portokallet nuk janë thjesht fruta të pëlqyer nga të gjithë, por edhe të bezdisshëm kur duam t’i qërojmë.

Thuajse të gjithë ne e dijmë rutinën: marrim thikën, fillojmë të presim lekurën në disa pjesë dhe pastaj t’i “zhveshim” ato me duar.

Tashmë, ekspertët japin një formë të re se si t’i qërojmë lehtësisht portokallet.

Ndiqni videon për më tepër:

Categories
Kuzhina

Si të gatuajmë një tavë pule të shijshme?

Një tavë pule e shijshme me perime do të mbetet ndër recetat më të preferuara të shqiptarëve…

Darka shpesh herë konsiderohet për shumicën e shqiptarëve që vakt që duhet kaluar me ushqime të shpejta dhe të lehta. Ndërkaq, një pjesë tjetër e tyre, nga angazhimet profesionale dhe jo vetëm, darkën e konsiderojnë si vaktin më të rëndësishëm të ditës.

Mes gamës së gjerë të gatimeve që mund t’ju sugjerojmë, e fillojmë sonte me një tave të veçantë pule. Sekreti qëndron të përbërësi me aromën më të mirë: rozmarina dhe te.. dashuria kur gatuan!

Përbërësit:

  • një pulë mesatare
  • patate
  • karrota
  • brokoli
  • kripë
  • rozmarinë
  • vaj ulliri bio
  • domate

Përgatitja:

Marrim pulën, të cilën pasi e lajmë mirë brenda dhe jashtë, e fusim në një tenxhere të madhe me ujë të ngrohtë dhe i hedhim kripë sipas masës që i nevojitet.
Ndërkaq, qërojmë disa kokrra patate (sipas numri të familjarëve që do t’u serviret darka), gjithashtu, bëjmë gati karrota dhe brokolit. Të copëtuara mirë, i hedhim në një tavë, të cilën e kemi spërkatur më parë më vaj ulliri. Pasi e sistemojmë mirë tavën me perime, vendosim edhe domate të vogla sipas dëshirës, pastaj i shtojmë disa fijë rozmarinë. Kaq mjafton për t’i dhënë shijen e duhur.

perime1
Pula sakaq duhet të jetë zier mirë për rreth 30 min dhe më pas, vendoseni mbi tavë. Rekomandohet që pula të lyhet në sipërfaqe më gjalpë, në të kundërt, pak me vaj ulliri.
Lëreni të piqet për rreth 40-45 min dhe servireni në pjatë, shoqëruar me sallatë jeshile me limon.

Ju bëftë mirë!

pule1

Categories
Kuzhina

Banane e karamelizuar

Banane e karamelizuar

Banania e karamelizuar ose “flambé” është jo vetëm një recetë e veçantë dhe pak me natyrë ekzotike, por në të njejtën kohë e thjeshtë dhe e shpejtë për tu realizuar. Për veçantitë që ka, kjo recetë është e përshtatshme për raste të veçanta si për shembull darka të rëndësishme.

Përbërësit:

  • 4 banane
  • 40 gr gjalp
  • 120 gr sheqer
  • ½ gotë lëng portokalli
  • 1 gotë e vogël rum/konjak

Përgatitja:

  1. Shtrydhim 1 potokall për të plotësuar masën e kërkuar me lëngun e tij dhe më pas qërojmë bananet.
  2. Në një tigan shkrijmë gjalpin, shtojmë sheqerin dhe kur ai të fillojë të karramelizohet dhe të marrë ngjyrën karakteristike të karramelit, i shtojmë përbërjes edhe lëngun e portokallit.
  3. Përzieni mirë të gjithë përbërjen dhe shtoni bananet pa i copëtuar, duke i lënë të ziejn për 5 min dhe duke i kthyer nga ana tjetër në mënyrë delicate, për t’i dhënë shijen e karramelizuar nga të gjitha anët.
  4. Pas kësaj hedhim në tigan gotën e rumit ose konjakut dhe e anojmë tiganin sa më pranë zjarrit në mënyrë që alkoli të marrë flakë ( bëjmë kujdes që mos të digjemi gjatë këtij procesi).
  5. Së fundi e lëmë flakën që të shuhet dhe i servirim bananet ndërkohë që janë ende të nxehta.

Nga Romina Ziu