Categories
Kuzhina

Speca me hudhra dhe uthull

Përbërësit e recetës për speca me hudhra dhe uthull:

1 kg speca
3-4 lugë vaj,
3-4 thelpinj hudhra,
2 lugë uthull,
kripe, piper e erëza të tjera sipas dëshirës

Përgatitja:

Mirë është që specat t’i zgjedhim në ngjyra të ndryshme. Pasi i lajmë, u heqim farat dhe bishtat i presim për së gjati. I kaurdisim në zjarr mesatar, mbulojini me kapak që të gatuhen edhe nga avujt. U shtojmë kripën dhe piperin dhe kur te jenë zbutur i heqim nga tigani. Më pas u shtojmë hudhrën e shtypur dhe uthullën dhe i përziemë. Mund t’i shërbejmë direkt ose edhe të ftohta. Shkojnë shumë me mish por mund të konsumohen edhe si pjatë e vetme.

Categories
Kuzhina

Byrek me spinaq dhe gjizë

byrek me spinaqJu furnizon me proteina, të cilat ngadalësojnë përthithjen e sheqerit në gjak. Në këtë mënyrë parandaloni rritjen e glicemisë.

Koha e gatimit: 50 minuta

Përbërësit:

400 g gjizë pa yndyrë,
500g spinaq,
dy patate të ziera,
kripë dhe piper.

Përgatitja:

Zieni spinaqin në pak ujë, shtrydheni dhe grijeni. Bashkojeni me patatet e ziera dhe gjizën, duke i hedhur piper dhe pak kripë. Përzierjen e përftuar vendoseni në një tavë të mbuluar me letër furre dhe futeni të piqet për rreth 40-45 minuta në furrë me 200 gradë. Kjo është një pjatë unike.

Categories
Këshilla Kuzhina

Darka, gabimet që nuk duhet të bëni asnjëherë

Darka është thuajse i vetmi vakt për njeriun, të cilin e kalon me miqtë apo familjarët e tij. Përmes bisedës që zhvillohet në mes tyre, largohet ajo lodhja e ditës, pasi mund të jesh në lëvizje dhe në kontakt me shumë persona, por nga ana tjetër, darka është edhe vakti më i pavëmenshëm për sasinë e ushqimit që konsumojmë. Ndërsa mëngjesi dhe dreka janë dy vakte që konsumohen vetëm dhe në lëvizje, darka është e kundërta e tyre. Por është e rëndësishme që në darkë të keni parasysh disa pika kresore.

Ja gabimet që nuk duhet të bëni:

1. Mos e konsideroni darkën një vakt të rëndësishëm dhe mos gatuani shumë
2. Mos vendosni pjata me gjellë në tryezë
3. Mos shikoni televizion gjatë ngrënies
4. Mos e mbani kripën në tavolinë gjatë ngrënies
5. Mos hani darkë jashtë
6. Mos konsumoni ëmbëlsirë