Categories
Lifestyle

Si të shndërroheni në një bukuroshe të viteve ’60-ta

Nëse doni që të bëheni sikur ato bukuroshet nga filmat bardhezi, atëherë mjafton qe të ndiqni këto këshilla.

Kur përmenden vitet 1960, ndërmend na bien bukuroshe të shumta, sikur që ishin Audrey Hepburn, Brigitte Bardot, Marilyn Monroe e shumë të tjera, bukuria e të cilave edhe sot e kësaj dite konsiderohet e paarritshme. Por, nëse nuk mund t’i tejkalojmë, mjafton që t’i imitojmë ato. Ja sesi mund ta bëni një gjë të tillë.

1. Tërë sekreti qëndron aty që të dukeni seksi dhe të ndiheni e fuqishme. Flokët me vëllim të plotë dhe sytë e theksuar janë atutë kryesore.

2. Pudra duhet të jetë shumë e lehtë. Sytë e vizatuar në mënyrë dramatike kërkojnë një ten të tejdukshëm, në të kundërtën do të dukeni tepër e grimuar.

3. Kini kujdes me bojëkuqin. Nëse e teproni me të, atëherë sytë dhe buzët do ta humbin atraktivitetin e tyre, e ju do të dukeni si një vajzë shkollore.

4. Flokët duhet ta kenë një vëllim sa më të madh – ata vetëm sa e pasurojnë pamjen tuaj të përgjithshme. Pa marrë parasysh a keni flokë të gjatë, apo të shkurtër, esenca qëndron te fakti që ata të duken sa më voluminozë.

5. Shiritat për flokë janë të domosdoshëm. Ata mund të jenë nga lateksi apo goma, me rëndësi është që të jenë të zinj dhe të gjerë.

6. Qerpikët duhet të jenë sa më të gjatë. Disa shtresa të maskarës kualitative dhe/ose qerpikët artificialë do të ndihmojnë në këtë drejtim.

7. Buzët e ndritshme janë esenciale për një pamje të përkryer. Sekreti qëndron te përzgjedhja e ngjyrës, e cila për një nuancë duhet të jetë më e çeltë sesa ngjyra natyrore e buzëve tuaja.

Mos u frikësoni nga asgjë!

Me rëndësi është që të dini sesi bëhet ajo që doni ta bëni. P.sh. do të ishte mirë që ta merrni një tufë flokësh dhe ta krihni në drejtim të kundërt me drejtimin e rritjes së flokëve. Mjaftojnë dy tufa të tilla, që flokët tuaj ta fitojnë një vëllim shtesë.

 

 

 

Categories
Lifestyle

Lodhja nga puna, zyrtarisht një sëmundje

Lodhja nga puna tashmë ka njohjen zyrtare të OBSH-së si problem i diagnostifikueshëm dhe fenomen i lidhur me profesionin.

Në kulturën e sotme, ku fokusi te karriera sa vjen e rritet, e bashkë me të edhe orët e shpenzuara mbi normën, volumi i punës apo stresi që rrethon ambientin e saj, “burnout” siç njihet aktualisht, apo rraskapitja prej punës është kthyer gati në epidemi.

Organizata Botërore e Shëndetësisë flet për një sindromë që vjen si rezultat i stresit kronik në vendin e punës, pasojat e të cilit nuk janë trajtuar siç duhet. Kjo është hera e parë që bëhet zyrtarisht një lidhje e tillë.

Tre faktorët që e nxisin këtë klasifikim janë:

• Shterimi i energjisë dhe ndjesia e rraskapitjes
• Rritja e distancës mendore që dikush krijon me vendin e punës, apo ndjenjat e negativitetit dhe cinizmit që individi i lidh me punën
• Reduktimi i efikasitetit profesional

Sfilitja në vendin e punës nuk është thjesht lodhje, ajo vjen me rraskapitje kronike dhe acarim të vazhdueshëm. Personat që e përjetojnë humbasin motivimin e nuk vonon dhe ulja e rendimentit në punë, ndërsa seria e problemeve të shkaktuara prej saj janë si emocionale, ashtu dhe fizike.

Sipas studiuesit Dan Schawbe, sfilitja në vendin e punës është kthyer në një shqetësim madhor, pasi njerëzit punojnë më shumë, por ndiejnë se nuk kompensohen ndershmërisht.

Categories
Lifestyle

10 këshilla për të mbajtur një fytyrë të pastër

Qe te kujdesen për fytyrën femrat duhet te ndjekin disa këshilla qe japin specialistet. Nuk mjafton vetëm larja dhe pastrimi ne fund të ditës. Qe te shihni rezultate duhet ta filloni qe nga mëngjesi, duke mos e lare fytyrën me ujë dhe sapun, por me produkte si qumështi larës, i cili e ndihmon lëkurën pa qenë nevoja te irritohet apo te thahet.

Pas aplikimit te qumështit është mirë që shpëlarja te behet me ujë të freskët, i cili tonifikon indet. Në fund është mirë të aplikoni kremin hidratues.

1. Kremin e fytyrës vendoseni te paktën 15 minuta pas larjes, sepse shtresa e kremit ne fytyre te lagur e prish termorregullimin natyral.

2. Kur Beni piling ne fytyre, asnjëherë mos e kapni lëkuren rreth syve. Ne ate zone lëkura është me e holle dhe pilingu ndikon ne hollimin e mëtejshëm.

3. Ajri i thate ose temperatura e ulet nuk ndikojnë mire ne lëkurën tuaj. Duhet te përdorni serume, qe depërtojnë ne shtresat me te thella. Ne këtë mënyrë, fytyra njëkohësisht ushqehet dhe hidratohet.

4. Ne mëngjes, kurdo qe te zgjoheni, mbusheni qafen dhe fytyrën me akull. Kjo do ta freskoje lëkuren.

5. Nëse keni probleme me pjesën rreth syve, edhe për këtë ka një zgjidhje. Vendosni dy luge te vogla te metalit dhe lërini pese minuta. Pas disa sekondave do te dukeni te freskët

6. Maskat me efikase për kujdesin e fytyrës janë ato me baze mjalti dhe vaj ulliri. Mund t’i përzieni dy përbërje me sasi te njëjta ose t’i përdorni veç e veç. Mbani parasysh qe secilën prej tyre ta aplikoni ne fytyrën e pastruar paraprakisht, dhe mos t’i mbani me shume se 15 minuta. Do te ndjeni nje ndryshim te menjehershem.

7. Femrave mbi 25 vjeç u nevojitet masazh i përditshëm i fytyrës. Pese minuta ne dite, me kujdes shtypeni fytyrën me majat e gishtave. Kjo do te përmirësoje qarkullimin dhe do te jete parandalim i shkelqyeshem ne krijimin e rrudhave.

8. Beni kujdes ne përzgjedhjen e produkteve te kozmetikes. Zgjidhni ato qe permbajne vitamine E. Vitamina E është antioksidues i forte, qe i përshtatet çdo tipi te lekures dhe eshte e shkëlqyeshme ne luften kunder plakjes.

9. Heqja e qimeve te vetullave me piskatore shkakton pickim te dhimbshem. Per nje dhimbje me te vogel, veproni ne kete menyre: Lyejeni vendin qe duhet ta trajtoni me krem, lereni te veproje pak, pastaj fshijeni tepricën qe te mos ju rrëshqasë piskatorja. Opsioni i dyte eshte aplikimi i akullit. Pas këtij procesi jeni te gatshme për heqjen me pak te dhimbshme te vetullave.

10. Te gjitha maskat e fytyres veprojne me intensivisht nese para vendosjes se tyre beni trajtim me avull. Nese keni fytyre te bute dhe te ndjeshme, mjafton te vini disa kompresa te nxehta.

Categories
Lifestyle

Nuk keni motiv për të vrapuar? Pasi të lexoni këtë menjëherë do të filloni vrapin…

Vrapimi nuk është i mirë vetëm për shpirtin tuaj, por edhe për shëndetin.

Me siguri që keni dëgjuar shprehjen se ushtrimet janë ilaçe. Epo, nuk është vetëm një shprehje, por një e vërtet, transmeton Telegrafi.

Shumë studime kanë zbuluar se ushtrimet e rregullta (150 minuta në javë), e veçanërisht vrapimi, kanë efekte shumë më të mira sesa çdo ilaç që ta përshkruan doktori.

Vrapimi të bën më të lumtur

Padyshim sesa mirë ndjeheni, ushtrimet gjithmonë do t’ju bëjnë  të ndihemi më mirë.

Një studim i vitit 2006 i publikuar në Medicine & Science in Sports & Execise, kishte zbuluar se 30 minuta në shirit vrapues (treadmill) mund ta ndryshojnë disponimin menjëherë te dikush që ka probleme me depresion, duke e bërë atë më të lumtur.

Vrapimi ndihmon në humbjen e peshës

Ushtrimet, siç e dinë të gjithë, ndihmojnë në  djegien e kalorive, rrjedhimisht në humbjen e peshës. Për djegien e kalorive, vrapimi padyshim që është ndër ushtrimet më të rekomandueshme.

Vrapimi i forcon gjunjët dhe eshtrat tjerë

Hulumtuesi i Universitetit të Bostonit, David Felson, në një intervistë për National Public Radio, kishte deklaruar se vrapimi e përmirëson shëndetin e gjunjëve, dhe jo vetëm. /Telegrafi/

Categories
Lifestyle

Të kritikosh është e thjeshtë. Të gjesh zgjidhje dhe ta vësh në praktikë, e vështirë

Brenda kompanive apo organizatave është thuajse gjithnjë një grup personash të trajnuar që përfaqësojnë një motor aktiv. Ata janë shpesh bartës të ideve të shëndetshme, promotorë të inovacionit, të humorit të mirë dhe vizionit strategjik.

Më pas, është një grup tjetër, më i madh, brenda të cilit pjesa më e madhe e njerëzve bën punën e tyre, pa një shtysë. Ky është grupi më i vështirë për t’u përfshirë apo për t’i bërë pjesë, pasi shpesh nuk i shpreh idetë e veta. Ndonjëherë këta persona nuk e bëjnë punën e tyre me pasion, kënaqen me atë që bëjnë dhe shpesh e bëjnë në mënyrë mekanike.

Këta janë ata që unë i quaj shëtitës, njerëz që ecin pa një qëllim, pa ritëm, pa një mendim mbi një objektiv dhe që e lënë veten t’i marrë rryma. Janë ata që shpesh përgjigjen se nuk kanë përgjegjësi dhe për këtë arsye, nuk mund të vendosin. Ata nuk janë as në anën e të këqijve, as në anën e të mirëve, sepse nëse do ta bënin, do të ishte shumë e rrezikshme – kjo do të kërkonte një reflektim dhe përpunimin e një ideje. Ata presin që dikush t’u thotë se çfarë të bëjnë dhe e zbatojnë këtë mekanizëm me përsosmëri. Dhe nëse askush u thotë se çfarë duhet të bëjnë, mbeten në vendnumëro, duke mos dhënë asnjë kontribut.

Grupi i tretë është ai i pengjeve, ata që murmurisin, ata që nuk u pëlqen asgjë, dhe nëse do të mundeshin, veprojnë ndryshe. Ata për të cilën kompania dhe drejtuesi janë një katastrofë. Në njëfarë mënyre, më pëlqejnë këta persona, pasi të paktën është e qartë se çfarë mendojnë dhe se si veprojnë. Edhe pse në mënyrë negative, duhet ta pranojmë, ata harxhojnë energji duke shprehur idetë e tyre.

Po ata në mes, ata që nuk marrin asnjë përgjegjësi në aktivitetet e përditshme, si mund të menaxhohen?

Disa muaj më parë takova drejtuesin e një kompanie, që, me shumë guxim, vendosën të ndryshojnë më shumë se gjysmën e strukturës. Sepse, pas një analize të brendshme, ata vunë re mungesën e motorit të nevojshëm për t’u rritur dhe se grupi më proaktiv ishte mjaft i vogël për të vijuar rritjen. Ata kuptuan se kishin punësuar njerëzit e gabuar, pa motorin e përgjegjësisë, i nevojshëm për të qenë elementë aktivë në ndryshim.

Është e çuditshme, kur flitet për njerëz, të dëgjosh kur të gjithë (ose thuajse të gjithë) të kenë mendime apo gjykime mbi të gjitha fushat e shoqërisë, por kanë pak hipoteza në punë. Vështirësia konkrete është t’ia dalësh të gjesh një zgjidhje ndaj një problemi apo një ide inovative që mund të përmirësojë aktivitetin e të gjithëve dhe për ta bërë funksionale.

Shpesh pyes veten, gjatë sesioneve të coaching, se çfarë është bërë për të ndryshuar një zgjidhje, përpara se të cilësohet një pengesë e pakapërcyeshme. Mendoj se sa më shumë persona të kemi në bord, që veprojnë, apo se ndoshta edhe gabojnë, më shumë mundësi ka kompania të evoluojë. / Monitor.al

*Francesca Contardi, Managing Director i EasyHunters
Burimi: Il Sole 24 Ore