Categories
Lifestyle

7 zakone që do t’ju ndihmojnë të bëheni versioni më i mirë i vetes tuaj!

1. Çdo mëngjes, bëni një listë të 3 gjërave më të rëndësishme – që duhet të bëni gjatë ditës, të cilat do të kenë ndikim më të madh në ditën tuaj. Kjo ndihmon për të mos u hallakatur dhe ju detyron t’u jepni përparësi gjërave që kanë rëndësi gjatë ditës.

2. Mësoni një gjë të re çdo ditë – Mund të jetë një listë e zakoneve të reja, një gjuhë e re apo një aftësi e re. Shtyjeni veten të rriteni çdo ditë. Nëse përmirësoheni nga pak çdo ditë, mendoni se si ky përmirësim do të jetë pas një viti.

3. Pini një smoothie të gjelbër çdo mëngjes – Është e shpejtë, e lehtë dhe e shëndetshme për ju. Kjo është një mënyrë e mirë për të konsumuar perimet dhe frutat çdo ditë. Këshillë: ngrini frutat dhe perimet tuaja në mënyrë që ato të zgjasin më gjatë. Plus, ajo i jep smoothie tuaj një cilësi më të mirë (sidomos nëse shtoni banane!).

4. Praktikoni mirënjohjen – Çdo mëngjes (ose natë), thojini vetes 3 gjëra për të cilat jeni mirënjohës për atë ditë. Do t’ju bëjë të ndiheni shumë më të lumtur. Një mënyrë tjetër për ta bërë këtë është t’i shkruani diku këto gjëra që ju bëjnë mirënjohës. Sa herë që ndiheni pesimistë dhe të pa motivuar thjesht lexoni ato që keni shkruar.

5. Ndërtoni një ambient ku të ndiheni mirë – Kaloni kohë me miqtë dhe familjarët që ju motivojnë dhe frymëzojnë të jetoni jetën më të mirë të mundshme. Keni dikë negativ në jetën tuaj? Mos shpenzoni kohë me të. Largojini njerëzit negativë nga jeta juaj! Rrethojeni veten me njerëz që sjellin më të mirën tek ju dhe iu ndihmojnë të shkëlqeni.

6. Përdorni testin 10-vjeçar – Kur ndodheni në situata të vështira, shpesh herë do të duket si një fatkeqësi. Por mos rrini të vajtoni për vështirësitë, ngrini kokën dhe bëni diçka me jetën tuaj në vend që të mposhteni. Kur të hasni në situata të vështira, në vend që të shqetësoheni, pyesni veten, a do të ketë rëndësi kjo çështje për 10 ditë? 10 muaj? 10 vite? Shanset janë se nuk do të ndodhë. Mos djersisni kot në gjërat e vogla, por fokusohuni në pamjen e madhe.

7. Bëni ushtrime çdo mëngjes – Është kaq e thjeshtë, por edhe kaq efektive në të njëjtën kohë. Energjia juaj do të jetë më e lartë gjatë pjesës tjetër të ditës dhe shëndeti juaj do të përmirësohet.

Categories
Lifestyle

Intervistë për punë? Ja si ta paraqisni veten sa më mirë

Nuk është veshja ajo që e bën njeriun, por nuk mund ta mohojmë që ajo na ndihmon për të mos gabuar. Përshtypja e parë është ajo që mbetet kur shkon në një intervistë pune, për këtë arsye duhet gjetur kombinimi i duhur midis formalitetit dhe origjinalitetit, të jeni elegante dhe me personalitet që të mos shkoni pa u vënë re.

Këshillat për ta arritur këtë:

Fillojmë nga koka

Rendi dhe pastrimi janë bashkimi minimal për t’u paraqitur në një intervistë për punë. Pra, le të fillojmë nga flokët tanë, të cilët duhet të jenë të pastër dhe në vend. Shkoni me flokë të lëshuar ose bisht të thjeshtë, për të shmangur pamjen jo të përshtatshme për moshën tuaj.

Mirësjellja

Shmangni ekzagjerimin pasi do të dukeshit shumë agresiv sepse ju nuk e dini se kë do të keni përpara. Nuk e dini kontekstin apo personin që do t’ju intervistojë.

Veshja

Duhet të jeni formal dhe original pa e tejkaluar dhe duhet ta përshtasni pamjen me situatën. Nëse dollapi ynë është i mbushur vetëm me xhinse dhe pulovra atëhrë është moment që duhet të blejmë një fustan të thjeshtë të zi, i cili mund të kombinohet më lehtë dhe bie më tepër në sy.

Mashtrimi

Për shumë prej nesh, makeup-i është mjaft i rëndësishëmm për t’u ndier më të sigurt me pamjen. Të jesh i bukur dhe të përmirësosh ose të theksosh pikat e forta është absolutisht e ligjshme, por nuk duhet të ekzagjerohet.

Duart në vend

Të kujdesesh për duart është e rëndësishme për të gjithë, burra dhe gra. Në të vërtetë duart e pastra janë një shenjë e higjienës dhe pastërtisë së mirë personale.

Dhe JO

Gabimet që duhen shmangur janë: mos përtyp çamçakëz gjatë intervistës, mos shiko telefonin ose më keq akoma të përgjigjesh në telefon si dhe mos mbani qëndrime provokuese.

Le të kujtojmë se nuk po pijmë kafe me një mik, kështu që qëndrimi miqësor por i respektueshëm është gjithnjë i domosdoshëm, aq më tepër në ditën e parë! /ekonomiaonline.com

Categories
Lifestyle

10 arsye që ju çojnë në dështim

Çuarja deri në fund e një projekti nuk është gjithmonë një sipërmarrje e lehtë. Nuk janë të pakta rastet kur ai na mbetet në dorë, pa qenë në gjendje ta çojmë deri në fund.

Por cilat janë shkaqet që na sabotojnë nga brenda në detyrën tonë?

1. Jeni të varur nga e-mail juaj, i cili në të shumtën e rasteve vetëm ju shpërqendron.
2. Jeni të varur nga celulari juaj. I përgjigjeni çdo telefonate, mesazhi, notificationi.
3. Jeni të varur nga rrjetet sociale. Këtu s’ka shumë për të thënë.
4. Jeni të paorganizuar dhe asnjëherë nuk gjeni ato që kërkoni.
5. Nuk thoni kurrë “jo”, edhe pse jeni të mbingarkuar me punë.
6. Nuk keni hapësirë bashkëpunimi.
7. Edhe nëse ju e keni mbaruar pjesën që ju është caktuar për një projekt të caktuar, ju nuk mund të vazhdoni në fazën tjetër sepse personi përgjegjës për të nuk është dhe nuk ju ka lënë asnjë nga materialet e nevojshme.
8. Nuk jeni të sigurt.
9. Jeni të varur nga kërkimi në internet.
10. Punoni pa afate të përcaktuara, që është një prej gjërave më të këqija sepse kështu ju mund ta zvarrisni një punë për një kohë shumë të gjatë. / ekonomiaonline.com

Categories
Lifestyle

Vrapi dhe të mirat që vijnë prej vrapit

Vrapi, te mirat e ‘ilacit’ qe na mban ne forme

Rezultatet e para të vrapimit shihen pas katër javësh praktikë konstante. Rikuperimi i formës fizike mund të arrihet vetëm përmes vrapit. Njerëzit nuk vrapojnë për të shtuar oreksin, por për ta tretur atë. Ata që vrapojnë çdo ditë e dinë mirë se çdo të thotë kjo. Por shumë shpejt do ta mësojnë edhe dembelët, të cilët sapo janë kthyer nga pushimet dhe për të rrëzuar kilet e tepërta që kanë shtuar gjatë atyre ditëve do t’u duhet të vrapojnë nëpër parqe a rrugë si atletët Bolt dhe Bekele. Ata mendojnë se 10 minuta ecje në ditë janë bonus për të rënë nga pesha apo që ecja në mes të vapës dhe djersitja janë sinonimi i dobësimit. Edhe pse dembelët nuk e preferojnë, vrapi është i bukur dhe i shëndetshëm, mjafton të dish ta bësh. Ndryshe nga të gjitha sportet e tjera, është më i lehti për t’u mësuar.

Kur duhet të vrapojmë?

Duke përjashtuar orët e drekës, çdo moment i ditës është i përshtatshëm për të bërë vrap. E rëndësishme është të vraponi. Vrapi i mëngjesit është më i këshillueshëm, sepse kemi më pak gjasa të thithim smog. Dalja në darkë ndihmon për të shkarkuar nervat e streset e akumuluara gjatë ditës në punë. Pra këshilla që japin ekspertët është, vraponi kur të keni kohë, edhe pse më i këshillueshëm është vrapi i mëngjesit. “Mund të vraponi sapo të ngriheni nga shtrati pa larë dhëmbët dhe fytyrën. Dushi me oksigjen që herët në mëngjes të ndihmon të përballosh me kthjelltësi pjesën tjetër të ditës. Të vrapuarit me stomak bosh ndihmon organizmin t’i djegë më lehtë yndyrat. Vrapi duhet shndërruar në një tendencë. Është e rëndësishme të mos lihet pas dore. Nuk duhet ta ekzagjeroni, por shtojini gradualisht minutat e vrapit. Duke u mësuar me këtë ritëm, të jeni të bindur se nuk do ta ndieni lodhjen. Si fillim thjesht duhet të provoni duke i alternuar minutat e vrapimit me ato të ecjes së shpejtë. Mund të vraponi tri herë në javë nga 30 minuta”, thotë një atlet.

Ku duhet të vrapojmë?

E bukura e vrapit është se mund të bëhet kudo: nuk nevojiten as fusha, as palestra dhe as pishina. Nëse do t’u duhet të zgjidhni, atëherë shmangni asfaltin dhe sidomos çimenton: në fillim mund të jeni elastikë si një top buling, çdo hap është një goditje, e cila që nga këmbët spostohet te kaviljet, gjunjët dhe ijët. Një park, ose një rrugë e gërmuar, janë ideale për të bërë vrap. Por kini kujdes nga pengesat, sepse kur jeni të lodhur mund të ndodhë të pengoheni në ndonjë rrënjë dhe rrëzimi mund të ketë pasoja të rënda. Gjithashtu nuk duhet të tregoheni të ashpër me veten: të vrapuarit në natyrë mes pemëve është më bukur sesa të sillesh rrotull një parkingu. Këmbët do të ndiejnë të njëjtën lodhje, por koka do të jetë “më e lumtur”.

Sa duhet të vrapojmë?

Në fillim nuk duhet të sforcoheni. Alternojeni vrapin me ecje të shpejtë dhe bëni një ditë pushim pas çdo daljeje për vrap. Nëse dëshironi të vini në provë veten, atëherë përpiquni të vraponi një minutë më shumë sesa të përshkoni të njëjtën rrugë me një minutë më pak. E rëndësishme është të mos e lini pas dore, sidomos nëse i keni vënë vetes qëllim të dobësoheni. Një njeri që vrapon dhe nuk kryen aktivitet tjetër djeg një sasi të konsiderueshme yndyrash. Nëse dëshironi të ndiheni në formë të shkëlqyer dhe të ruani linjat trupore, atëherë mos ju ndani vrapit, por bëjeni pjesë të jetës suaj të përditshme.

Pse duhet të vrapojmë?

Kjo pyetje zakonisht mbetet pa përgjigje: njerëzit vrapojnë, sepse ashtu dëshirojnë, pastaj arsyet nuk kanë rëndësi, cilado qofshin ato që ju kanë shtyrë ta hidhni këtë hap. Pas javëve të para, të cilat janë paksa të mundimshme, motivet e vrapimit janë të përfshira të gjitha brenda tij: dëshirojmë të shohim nëse arrijmë të vrapojmë për një orë pa ndaluar; a mund të arrijmë në majë të asaj tatëpjete, a arrijmë të përshkojmë dhjetë kilometra për dyzet minuta etj. Të jeni të bindur se do të jetë gjithmonë dikush, bashkëshortja juaj, i fejuari, kolegët e punës, të cilët do t’ju bezdisin vazhdimisht me pyetjet kureshtare të tyre. Mos ua vini veshin, sepse ata nuk mund t’ju kuptojnë dhe ç’është më e rëndësishmja, në majë të tatëpjetës ata nuk do të ngjiten kurrë.

Categories
Lifestyle

Ngjyra më “in” e palltos për sezonin e dimrit, asnjë nga VIP-at nuk do t’i ndahet

Nëse do të mjaftohesh vetëm me një pallto të re këtë dimër, atëherë sigurou që të ketë ngjyrën më “in” të sezonit.

Nga “Guçi” te shfaqja e “Ganni”-t, vjeshtë/dimër 2018, pamë se palltoja që do të mbizotërojë këtë dimër ka ngjyrën bojëqielli të akullt.
Ndërkohë që ngjyrat klasike të tilla si e zeza dhe deveja gjithmonë do të kenë një vend të veçantë në zemrat tona, këtë vit nuk do të mund t’i rezistojmë joshjes së të kaltrës, për të ndriçuar veshjet tona të dimrit.

Kjo pallto që të kthen në vitet ’70, vjen në shumë versione modelesh si ato me jakë dyshe, me rrip në mes, me dopio kopsa, në formë pellushi etj. Për ta kuptuar se për çfarë e kemi fjalën, ju ftojmë të shihni modelet tona të preferuara për këtë sezon.