Categories
Makina

Përse është i famshëm treni “Orient Ekspres”?

Ishte një tren pasagjerësh që lidhte Parisin me Stambollin. Rrugën e parë e kreu në 4 tetor 1883 dhe parashikonte disa ndërresa. Mes dy luftërave botërore ka patur tre linja paralele pa ndërresa, teksa njëra prej tyre shkonte deri në Londër. Treni pati një sukses shumë të madh falë komoditetit të vagonëve, luksit dhe shërbimit fantastik të restorantit. Në vitet Pesëdhjetë shërbimi rifilloi, por me mbylljen e kufirit mes Jugosllavisë dhe Greqisë, itinerari u desh të ndryshojë, teksa avioni po bëhej gjithnjë e më i preferuar si mjet transporti.

Në 14 dhjetor 2009, pas shumë ndryshimeve me kalimin e viteve, “Orient Ekspres” i ndal përfundimisht, por magjepsja prej tij ka mbetur në libra dhe filma të pafundëm./Bota.al

Orient Express, i braktisur në Belgjikë

Categories
Makina

Klosi: Brenda 6-mujorit të parë 2018 do lejohet vetëm importi i makinave me standard Euro 5 e lart

Flet ministri i Turizmit dhe Mjedisit, z. Blendi Klosi

Është e patolerueshme që Shqipëria të vazhdojë të mbushet me makina që janë afër fundit të jetës së tyre. Ministri i Turizmit dhe Mjedisit, z. Blendi Klosi, thotë në një intervistë të posaçme për “Monitor” se rinovimi i strukturës së mjeteve duhet të shkojë paralel me nxitjen e masave për importimin e mjeteve Euro 4, Euro 5 dhe 6 dhe për të përmirësuar cilësinë e karburantit që tregtohet në Shqipëri, rritjen e ndërgjegjësimit publik, nxitjen e iniciativave ekonomike të transportit publik dhe atij ekologjik, nxitjen e investimeve private në transportin publik.

Ministri Klosi shton se brenda 6-mujorit të parë 2018 do të hyjnë në fuqi rregullat e reja, sipas të cilave lejohen të importohen në Republikën e Shqipërisë vetëm mjetet motorike, që plotësojnë standardet Euro 5 të shkarkimeve në ajër; dhe mjetet ekzistuese, shkarkimet e të cilave iu përkasin standardeve Euro 1 (viti i prodhimit 1993-1994) dhe Euro 2 (viti i prodhimit 1997), duhet të marrin masat për arritjen e standardit Euro 3.

Këto propozime ishin parashikuar që të hynin në fuqi që në 1 janar 2017, por për shkak se nuk kaloi në kohën e duhur, tashmë duhet të rishikohen datat.

Si do të nxitet përdorimi i mjeteve që nuk ndotin mjedisin?

Si fillim, doja ta vija theksin se jo vetëm makinat, por çdo nismë që shkon në përmirësim të situatës së ndotjes mjedisore, do të nxitet fort nga Ministria e Turizmit dhe Mjedisit. Prej marrjes së detyrës nisëm punën për analizën e situatës dhe gjetjes së zgjidhjeve të pranueshme që shkojnë në drejtim të synimit madhor, mjedisit të shëndetshëm. Për të gjitha sipërmarrjet, bizneset, kompanitë që punojnë në Shqipëri është kërkuar dhe do të vijojë të kërkohet zbatimi i lejeve mjedisore, standardeve mjedisore. Koha kur mjedisi trajtohej si malli pa zot, pasuria e të gjithëve dhe përgjegjësia e askujt ka marrë fund.

Politikat, ndryshimet e legjislacionit dhe kontrolli do të jenë rigoroz. Ndaj dua që edhe në këtë hapësirë komunikimi me qytetarët, të bëj apelin të merren masa për respektim të standardeve mjedisore. Në këtë kuadër, edhe nxitja e përdorimit të makinave që ndotin sa më pak mjedisin si dhe rinovimi i strukturës së mjeteve në vend, do të jenë pjesë e diskutimeve në masat fiskale lehtësuese.

Rinovimi i strukturës së mjeteve duhet të shkojë paralel me nxitjen e masave për importimin e mjeteve Euro 4, Euro 5 dhe 6 dhe për të përmirësuar cilësinë e karburantit që tregtohet në Shqipëri, rritjen e ndërgjegjësimit publik, nxitjen e iniciativave ekonomike të transportit publik dhe atij ekologjik, nxitjen e investimeve private në transportin publik.

Të dhënat zyrtare tregojnë se në Shqipëri, mosha mesatare e makinave është mbi 20 vjet, shumë më e lartë se mesatarja e Europës prej 10 vitesh. Çfarë masash do të ndërmerrni për të nxitur përdorimin e makinave të reja?

Është e patolerueshme që Shqipëria të vazhdojë të mbushet me makina që janë afër fundit të jetës së tyre. Ka ardhur koha që të ndërhyjmë për të zgjidhur këtë problem që ndikon drejtpërdrejt në cilësinë e ajrit urban e për pasojë, edhe në cilësinë e jetës së qytetarëve shqiptarë, shëndetin dhe mirëqenien e tyre. Pasqyra që na ofron realiteti ynë tregon qartë nevojën për ndërmarrjen e menjëhershme të masave dhe lehtësive për futjen në treg të makinave më afatgjata.

Ndër këto vlen të theksoj rinovimin e strukturës së mjeteve që duhet të shkojë paralelisht me nxitjen e masave për importimin e mjeteve Euro 5 dhe 6, përmirësimin e cilësisë së karburantit që tregtohet në Shqipëri, nxitjen e iniciativave ekonomike të transportit publik dhe atij ekologjik, nxitjen e investimeve private në transportin publik.

Unë do të isha shumë dakord që të flisnim drejtpërdrejt edhe për makinat elektrike, të cilat janë një tendencë e kohës dhe që kërkohen gjithmonë e më shumë dhe ka shembuj edhe në Shqipëri të përdorimit të tyre, edhe efikas, edhe të kursyer, por natyrisht me norma shumë herë më të ulëta se makinat diesel për sa i përket ndotjes së ambientit.

Gjithashtu duhet punuar për rritjen e ndërgjegjësimit publik, për të luftuar atë mentalitet shpërfillës dhe pasiv ndaj zgjidhjes së problematikave sidomos mjedisore. Një shoqëri e ndërgjegjësuar, e vëmendshme dhe proaktive ndaj mjedisit, ndikon fort në parandalimin e ndotjes dhe për pasojë zvogëlon kostot për ruajtjen e mjedisit.

Duke iu kthyer realitetit tonë, më lejoni të përmend edhe anën tjetër të problemit të makinave në fund të jetës. Është pikërisht grumbullimi i tyre në të ashtuquajturat varreza makinash dhe pika skrapi, të cilat i shohim rëndom në krah të rrugëve kombëtare. Është e pafalshme që në akset kryesore kombëtare, të gëlojnë pikat e grumbullimit të skrapit dhe varrezat e makinave, të cilat për shkak të një vakumi ligjor nuk kanë asnjë kriter sesi duhet të funksionojnë konform rregullave.

Vetëm në Tiranë, duke punuar së bashku me Inspektoratin e Mjedisit dhe Bashkinë e Tiranës kemi inspektuar, paralajmëruar, gjobitur dhe mbyllur disa javë me parë mbi 180 pika të grumbullimit të skrapit, as më shumë e as më pak, por në mes të lagjeve më të banuara të Tiranës. Këto janë të gjitha biznese që dëmtojnë drejtpërdrejt jo vetëm imazhin e kryeqytetit, por mbi të gjitha ndotja e prodhuar e vajrave apo metaleve që përpunohen aty, është sëmundje për qytetarët, është direkt ndikim në shëndetin e njerëzve.

Për t’i dhënë fund kësaj situate, brenda 1 janarit të vitit të ardhshëm, Ministria e Turizmit dhe Mjedisit do të përcaktojë udhëzimin sesi duhet një pikë grumbullimi skrapi. Kjo po bëhet në grupe pune bashkë me drejtuesit e pushtetit vendor, për të vepruar konkretisht sesi duhet të luftojmë këtë fenomen që shkakton ndotje, por edhe prish imazhin e Shqipërisë, po aq sa edhe pikat e tjera me mbetje dhe papastërti.

Varrezat

Është e pafalshme që në akset kryesore kombëtare, të gëlojnë pikat e grumbullimit të skrapit dhe varrezat e makinave, të cilat për shkak të një vakumi ligjor nuk kanë asnjë kriter sesi duhet të funksionojnë konform rregullave

Cilat janë propozimet konkrete që ju keni si Ministri?

Kjo është parashikuar në Operacionin e nisur nga MTM “Pastrojmë Shqipërinë që duam”, prezantuar pak ditë më parë dhe që përmban fushat e zgjidhjes për çdo shkaktar të ndotjes mjedisore.
Për çështjen që interesoheni, për të përmirësuar situatën, Ministria e Turizmit dhe Mjedisit parashtron disa propozime mbi të cilat mund të bashkëpunohet me Ministrinë e Infrastrukturës dhe Energjisë, mes të cilave më lejoni të përmend: rishqyrtimin dhe konsultimin e draft-propozimit “Mbi masat kundër ndotjes së ajrit nga shkarkimet e mjeteve motorike”, për të mundësuar miratimin e tij; propozimin e masave rregullatore mbi tarifat efikase dhe stimuj për rinovimin e flotës së automjeteve”; aplikimin e taksës për të gjitha automjetet në mënyrë të pavarur nga mosha, por në mënyrë proporcionale në nivelin e teknologjisë dhe nivelin e shkarkimeve të vetë automjetit; rritjen e taksave në proporcion me cilindrat/ madhësinë e motorit; gradualisht përjashtimin nga taksat të automjeteve të reja me ndotje të ulët (si Euro IV dhe V ose automjetet hibride / elektrike).

Po kështu mund të shihet edhe fuqizimi dhe pajisja e disa institucioneve të varësisë me instrumente matës dhe pajisje që kryejnë matje reale në rrugë për shkarkimet.
Lidhur me parkun e mjeteve, Ministria e Turizmit dhe Mjedisit propozon që ulja e shkarkimit të mjeteve motorike të bëhet në bazë të dy propozimeve në vendimin e rënë dakord midis disa palëve, por që duke qenë se nuk kaloi në kohën e duhur, duhet të rishikohen datat.

Ky vendim përcaktonte që “mbas datës 1 janar 2017, lejohet të importohen në Republikën e Shqipërisë vetëm mjetet motorike të kategorisë M1, M2 dhe N1, N2 të reja dhe të përdorura, që plotësojnë standardet Euro 5 të shkarkimeve në ajër; mjetet motorike ekzistuese në qarkullim, kategoria M dhe N, shkarkimet e të cilave iu përkasin standardeve Euro 1 (viti i prodhimit 1993-1994) dhe Euro 2 (viti i prodhimit 1997), marrin masat për arritjen e standardit Euro 3, brenda datës 1 korrik 2017”.

Cilat mund të jenë afatet e reja?

Ministria e Turizmit dhe Mjedisit do të ndërmarrë së shpejti iniciativën dhe do të koordinojë me Ministrinë e Infrastrukturës dhe të Energjisë si dhe me Ministrinë e Financës dhe të Ekonomisë që, brenda gjashtëmujorit të parë të vitit 2018, të hyjnë në fuqi rregullat e reja dhe standardet e propozuara nga kjo iniciativë ligjore, me qëllim fillimin e një epoke të re. Mjedisi është shëndet, është mirëqenie, është zhvillim, është nxitje për rritjen ekonomike, është kusht parësor për zhvillimin e turizmit.

Për të gjitha këto arsye madhore, operacioni “Pastrojmë Shqipërinë që duam, 24 nëntor – 24 maj”, do të mundësojë Shqipërinë e pastër në prag të sezonit turistik. Shqipëria e pastër nuk do të vijë vetëm nga aksioni në terren, por nga zgjidhja e problematikës në burim, zgjidhja e problematikës së ndotjes, dhënies fund njëherë e përgjithmonë kulturës së pandëshkueshmërisë dhe papërgjegjshmërisë së trajtimit të mjedisit.

Afatet

Ministria e Turizmit dhe Mjedisit do të ndërmarrë së shpejti iniciativën dhe do të koordinojë me Ministrinë e Infrastrukturës dhe të Energjisë si dhe me Ministrinë e Financës dhe të Ekonomisë që, brenda gjashtëmujorit të parë të vitit 2018, të hyjnë në fuqi rregullat e reja dhe standardet e propozuara nga kjo iniciativë ligjore, me qëllim fillimin e një epoke të re / Monitor.al

Categories
Makina

“Tesla do fillojë të ndjejë dhimbjet” – shprehet pronari i Jaguar I-Pace Team

Jaguar shpreson se I-Pace do të jetë tepër kompeditive, si në pista ashtu edhe në dyqane.

Viti që vjen, pritet një vit goxha i mirë përsa i përket makinave elektrike të grupit Jaguar Land Rover. Range Rover Sport i ri P400e, pati goxha sukses pas prezantimit në L.A Auto Show, dhe hodhi hapin e parë të madh drejt elektrifikimit. Vitin që vjen, Jaguar I-Pace do ti shtohet gamës, SUV i parë 100% elektrik nga britanikët.

Veç të tjerave, në L.A Auto Show u prezantua edhe modeli i dedikuar për motorsport i quajtur I-Pace eTrophy. Debutimi i saj do të bëhet vitin e ardhshëm si makinë suporti në Formula E.

Në një bisede të hapur me Bobby Rahal, veteran i motorsportit dhe pronar i Jaguar I-Pace Team, ai u shpreh hapur për zhvillimin e teknologjive të tilla. Për të, ky është “një territor i ri”. Ai ka qënë menaxher dikur në skuadrën e Jaguar në Formula 1, dhe sot, pak vite më pas, ka ndërruar pak fare drejtimin.

“Unë mendoj se do të jetë gallatë dhe sfiduese, por ne jemi gati për t’a përballuar. Idea është që të fitojmë.” – u shpreh ai.

Skuadra Rahal Letterman Lanigan Racing Team do të “hedhe në fushë” dy makina përgjatë sezonin 2018/2019.

Rahal jo vetëm që është një ekspert i garave, por edhe një dealer i çertifikuar i Jaguar.

“Disa prodhues e kanë kuptuar pak vonë realitetin e re. Por sot, nëse sheh kompanitë këtu, të gjitha janë bërë elektrike.” – shprehet ai.

Me një autonomi prej rreth 220 miliesh ose 350 kilometrash, me një motorr 90 kWh, dhe përshpejtim 0-100km/h për sekonda, I-Pace bëhet rival i drejtpërdrejtë i Tesla Model X. Ai beson se ndërkohë që kompanitë e tjera do të prodhojnë për masën, Tesla do të dështojë në këtë drejtim.

“Me intuitën time unë mendoj se Tesla do t’i ndjejë dhimbjet më shumë nga të gjithë.” – shprehet Rahal.

“Njerëzit zgjedhin Tesla sepse askush më parë nuk e ka patur atë. Tani ata kthehen tek Mercedes apo Jaguar, apo Land Rover apo çfarëdo që ka qënë. Struktura që këto kompani kanë është më e mirë se ajo e Tesla…sepse Tesla nuk ka një të tillë.”

Që të shohim se si I-Pace do të veprojë kundrejt Tesla, do ta shohim 3-mujorin e dytë të vitit 2018.

Categories
Makina

VIDEO/ A është Mercedes S-Class 2018, vetura më e mirë në botë? Shikojeni vetë

Ikona e Mercedes-Benz është përditësuar tërësisht për MY2018, me teknologji të re dhe motorë të fuqishëm. Por, a është kjo e mjaftueshme për të shmangur sfiduesit tjerë në segmentin luksoz?

Kompania gjermane ka mbajtur ndryshimet vizuale në minimum, me dritat LED të ridizajnara, një grilë e re radiatori dhe parakolpi që janë dallimet kryesore. Ndërsa pjesa mekanike e përditësimit është një histori krejtësisht ndryshe.

Kjo për shkak se Mercedes-S Class 2018, është modeli i parë i kompanisë për të shfaqur gjashtë motorë të drejtpërdrejtë, si në benzinë po ashtu edhe naftë.

Motori me benzinë 3.0 litër mund të gjendet në modelet S 450 dhe S 500, duke prodhuar përkatësisht 367 kuaj fuqi dhe 435 kuaj fuqi.

Sa për njësinë me naftë 3.0 litra, shifrat janë 286 kuaj fuqi për S350d dhe 340 kuaj fuqi për S 400d. Te gjitha modelet përdorin transmetim automatik 9G-Tronic, përjashtim modelet V12.

Adaptimi i arkitekturës elektrike prej 48 volt e bën gjithashtu S-Class kompakte me një sërë tipash ndihmëse së shoferit, duke përfshirë një funksion gjysmë autonom.

Brendësia e bukur në makinë kombinon luksin dhe teknologjinë në një mënyrë shumë mbresëlënëse, duke shfaqur një palë ekranë të ri dixhital prej 12,3 inç që janë vendosur nën të njejtin panel xhami, ndërsa timoni i ri ofron një ergonomikë më të mirë në sajë të kontrolleve të ndjeshme ndaj prekjes.

Për shumë kënd Mercedes S-Class është automoboli më i mirë në botë, por a vlen kjo edhe për modelin e fundit? Le të zbulojmë se çfarë kanë për të thënë për këtë Carwow dhe Mat Watson.

Categories
Makina

Dubai, policia patrullë me Lamborghini (video)

lamborghini-dubai-police

Dubai njihet si një qytet me shumë pasuri, të cilat vijnë nga industria e naftës, por edhe nga fusha të tjera. Ndaj grabitësit apo shkelësit e ligjit nuk e kanë problem të blejnë makina superperluksoze dhe të shpejta. Ndaj si kundërpërgjigje, policia e këtij qyteti ka futur në patrullim një Lamborghini Aventador. Makina, e cila kushton rreth 300 mijë euro, arrin një shpejtësi 100 km/h brenda tre sekondave. Edhe pse Lamborghini është një makinë që shpenzon shumë karburant, të paktën policët do të kenë mundësi të kapin grabitësit…

dubai-police-supercars-full