Categories
Bota Personazhe

Ion Iliesku, ish-lideri rumun, do të gjykohet për krime kundër njerëzimit

Ish-presidenti i Rumanisë, Ion Iliescu, do të gjykohet për krime kundër njerëzimit, për shkak të rolit të tij pas revoltës së përgjakshme të Rumanisë, më 1989, e cila rrëzoi regjimin e diktatorit komunist, Nicolae Ceausescu.

“Është një moment veçanërisht i rëndësishëm për sistemin e drejtësisë në Rumani, i cili po e përmbush një borxh nderi për historinë”, tha kryeprokurori rumun, Augustin Lazar.

Njoftimi i tij pason hetimet disavjeçare, të cilat shpesh janë përballur me rezistencën e zyrtarëve për të hetuar periudhën e paslargimit të Ceausescut nga Bukureshti, më 22 dhjetor, 1989.

Iliescu ka qenë ministër i qeverisë para se të largohej nga Ceausescu në fillim të viteve 1970.

Ai është rizgjedhur udhëheqës i Frontit Kombëtar të Shpëtimit, një grup që ka marrë kontrollin e Rumanisë, pasi Ceausescu dhe bashkëshortja e tij, Elena, janë arratisur, si pasojë e revoltës që ka nisur në qytetin perëndimor të Timishoarës dhe është përhapur më pas në pjesën tjetër të vendit.

Pasi Iliescu ka marrë kontrollin më 22 dhjetor, 862 njerëz janë vrarë.

Iliescu, tani 89 vjeç, është zgjedhur president i Rumanisë më 1990, është rizgjedhur më 1992 dhe ka shërbyer një tjetër mandat nga viti 2000 deri më 2004.

Iliescu dhe ish-zëvendëskryeministri Gelu Voican Voiculescu akuzohen për “përhapjen e dezinformatave përmes paraqitjeve televizive dhe njoftimeve për shtyp”.

Deklaratat e tyre thuhet se kanë rritur rrezikun e “të shtënave kaotike dhe të urdhrave kontradiktorë ushtarakë”.

Iliescu po ashtu do të duhet të përgjigjet për akuzat për krime kundër njerëzimit, në lidhje me shtypjen e një proteste në Bukuresht më 1990, në të cilën kanë mbetur të vrarë së paku katër njerëz.

Edhe Iliescu, edhe Voiculescu mohojnë çdo keqbërje. Data për gjyqin nuk është caktuar ende.

Categories
Personazhe

Granit Xhaka rrëzon legjendën Federer nga froni, shpallët sportisti më me ndikim në Zvicër

Futbollisti kosovar Granit Xhaka është zgjidhur sportisti me më ndikim në Zvicër, duke lënë prapa presidentin e FIFA-s, Gianni Infantino dhe tenistin e famshëm Roger Federer.

Kjo është hera e parë që 26-vjeçari i Arsenalit është votuar si personaliteti me më ndikim në Zvicër, epitet të cilin vitin e kaluar e mbante Roger Federer. Karakteri dhe puna e tij në vitin 2018 kanë bërë që Xhaka njerëzit dhe futbolli zviceran të përshkruhet përmes tij, shkruan gazeta e përditshme zvicerane “ Aargauer Zeitung”.

E përditshmja zvicerane shkruan se ndeshja e dytë e Zvicrës ndaj Serbisë në Kupën e Botës verës në Rusi, e ka ndryshuar shumë historinë e sportit zviceran. Së pari, festimi i golit të barazimit nga Xhaka, i cili e bëri shqiponjën dykrerëshe – që është simbol në flamurin kombëtar shqiptar – të cilën pas tij e bënë edhe bashkëlojtarët Xherdan Shaqiri, që shënoi golin e fitores, dhe kapiteni Stephan Lichtsteiner. Por ishte Xhaka ai që e nxiti debatin e gjatë.

Sipas gazetës zvicerane, kuptimi i saktë i festimit me shqiponjë, qoftë politik apo shprehje gëzimi, nuk ka rëndësi. Fakti është se Xhaka ka shkaktuar tërmet në futbollin zviceran.

Po ashtu, gazeta e përmend edhe faktin sesi Xhaka ishte vendimtar në qëndrimin Vladimir Petkovic në stolin e ekipit kombëtar të Zvicrës. Pas Kupës së Botës shpërtheu debati për lojtarët me dyshtetësi në Zvicër. Sekretari i Përgjithshëm Alex Miescher i Federatës së Futbollit të Zvicrës, kishte ngritur pyetje nëse Zvicra duhej të mbështetej në lojtarë me origjinë të huaj. Përgjigja e Xhakës ndaj tij ishte: “Komentet e tij janë të kohës së gurit”.

Kjo bëri që Miescher të japë dorëheqje më vonë.

Pas eliminimit nga Kupa e Botës, shkruan gazeta zvicerane, Xhaka ka mundur lehtë ta nxisë shkarkimin e Petrovicit. Por, ai nuk e la në baltë trajnerin. Ai e bindi tërë ekipin të qëndrojë i bashkuar. Në vjeshtë, Zvicra e turpëroi Islandën 6-0, ndërsa Belgjikën 5-2. Dhe përsëri, Xhaka ishte figura kyçe.

Kjo tregon se Xhaka është bërë zë dominues në futbollin zviceran. Ai nuk e drejton Zvicrën thjesht vetëm në fushën e lojës, por edhe jashtë saj.

Xhaka është vetëm 26 vjeç, por tashmë i ka bërë 72 paraqitje për Zvicrën. Duket e mundshme se kosovaru do të bëhet futbollisti me më së shumti paraqitje në fanellën helvetike. Sic po ecin gjërat, Xhaka do të emerohet edhe kapiten i ekipit kombëtar, pasi Lichtsteiner është në përendim të karrierës.

Fuqia e Granit Xhakës në sportin zviceran është e padiskutueshme. Mbase, ai ia dha edhe një mësim botës. Që prej festimit me shqiponjë kundër Serbisë në Kupën e Botës – gjest për të cilin u gjobit me 10 mijë franga – tash zor se dikush do të dyshojë se sporti nuk asgjë të bëjë me politikën.

Categories
Personazhe

Moderatorja Nevina Shtylla tregon arsyen pse u largua nga tv ‘Klan’

Nevina Shtylla është prezantuesja më e re e ekranit të “Top Channel”.

Pasi moderoi për një sezon nën logon e ‘Klan’ bukuroshja brune vendosi të largohej për të prezantuar përkrah Edi Manushit në emisionin ‘Procesi Sportiv’.

Largimi i saj ishte i papritur dhe kjo i ka habitur ndjekësit e saj në rrjetet sociale.

Së fundmi në një pyetje të drejtuar në ‘Instagram’ ata i thonë se nuk duhet të largohej nga ‘Klan’ pasi aty u bë kjo që është.

Këto fjalë duket se nuk i kanë pëlqyer moderatores dhe në përgjigjen e saj tregon se puna dhe përkushtimi e kanë bërë ajo që është sot.

Kjo që jam sot vjen falë të tjerë faktorëve, me në krye familjen time. Kam punuar me shumë përkushtim për gjithçka dhe besoj se e kam merituar çdo ‘feedback’ pozitiv dhe mbështetjen tuaj. “Klanit” i jam mirënjohëse për një sezon fantastik. Por në “Top Channel” mendoj se do të arrij maksimumin tim, me një investim të vazhdueshëm dhe mbi të gjitha të mirëmenduar”,- shkruan Nevina.

Me këtë përgjigje Nevina lë të kuptohet se arsye për largimin e saj është bërë ofrimi i një pozicioni më të mirë pune.

Categories
Personazhe

Profil/ Luka Modriç, nga lufta dhe jeta në kampet e refugjatëve deri tek shndërrimi në një yll botëror

Pa asnjë tatu. Pa rrëfime të shumta në gazetat rozë. Pa krehje të jashtëzakonshme, por me një model flokësh nga e kaluara. Nga jeta private e tij dihet shumë pak, që në futbollin modern duket sikur të jetë një person jashtë kohës.

Kapiteni i Kroacisë me një gjatësi prej vetëm 1,72 metra duket i tërhequr, flet rrallë dhe nuk ka dëshirë të dalë shpesh para kamerave televizive në konferencat e shtypit. Jashtë fushës së futbollit ai me dëshirë jeton i tërhequr. E ka të vështirë të flasë për veten, pati deklaruar njëherë për gazetën gjermane “Die Welt”.

Por në fushë ai është shef. “Lufta dhe jeta në kampet e refugjatëve, më kanë forcuar”, deklaroi Luka Modriq njëherë për media. Në fillim të luftës së Kroacisë, në vitin 1991 ai u detyrua të largohet nga fshati i lindjes, së bashku me familjen. Një hap që e ka forcuar për t’u përballur sot me sukses edhe në konkurrencën e një ekipi si Real Madridi. “El Pony”, siç e quajnë bashkëlojtarët, mban sot në fanellë numrin 10 – një vlerësim i lojërave të mrekullueshme të Modriqit. Luka Modriq është një artist dhe luftëtar me top. Veçoria e lojës së tij – pasimet me pjesën e jashtme të këmbës së djathtë, me një saktësi të jashtëzakonshme në gjatësi prej 30 – 40 metra.

“Lojtari më i mirë kroat i të gjitha kohërave”

Modriq vrapon shumë në fushë, tërë kohën është në lëvizje. Vrapon përpara dhe kthehet pas, mban përgjegjësi për lojën dhe gabon shumë pak me top. Përkundër shtatit jo tepër të lartë, Modriq ka një bilanc shumë të mirë të dueleve dhe një mbikqyrje të lojës. Falë këtyre veçorive dhe sukseseve të arritura gjatë këtij viti, Luka Modric u shpall lojtari më i mirë në botë dhe ka lënë pas vetes kandiatët e tjerë si Mohamed Salah apo Christiano Ronaldo.

Për yllin e Real Madridit ishte ky edhe një vlerësim tjetër këtë vit. Në Kampionatin Botëror në Rusi, ai u shpall lojtari më i mirë, ndonëse Kroacia humbi finalen kundër Francës. Para pak ditësh ai u shpall edhe lojtari më i mirë në Evropë.

“Luka nuk është vetëm lojtari më i mirë aktualisht, por ai është lojtari më i mirë kroat i të gjithë kohërave”, deklaroi kolegu i tij nga ekipi kroat Ivan Rakitiq, i cili në fushë me Barcelonën është shpesh kundërshtari i tij i rreptë. Luka Modriq ka bindur tani edhe kritikët më të mëdhenj në vend, se ai i takon grupit të lojtarëve më të mirë në botë.

Luka dhe “kumbara”

Luka Mordic është përballur në Kroaci me procesin kundër vëllezërve Zdravko dhe Zoran Mamic, të cilët atje akuzoheshin për manipulime në sport. Modriq ka qenë dëshimtar në procesin kundër tyre, për kohën kur në vitin 2008 kaloi nga Dinamo Zagreb në Tottenham Hotspur. Në fillim pati deklaruar se ai dhe ish – bosi i Dinamos kanë ndarë paratë, ndërsa më pas e ka tërhequr këtë dekalratë me fjalët se nuk i kujtohen detajet nga kontrata. Në rast se dëshmohet se e ka shkelur betimin, Luka Modric mund të dënohet deri me gjashtë vjet heqje lirie.

Gjykata në Osijek ishte e mendimit se vëllezërit Mamiq kanë manipuluar me kalimin e lojtarëve në vlerë prej 15 milionë Euro, nga të cilat nuk kanë paguar tatime në vlerë prej 1,6 milion Euro. Fajtori kryesor Zdravko Mamic konsiderohet nga shumëkush si “kumbara” i futbollit kroat. Por ai i është shmangur vuajtjes së dënimit duke shkuar në Bosnjë-Hercegovinë. Vendimi për dënimin e tij ende nuk është në fuqi.

Dashuria, urrejtja dhe patriotizmi

Modrici e duan shumë për aftësitë e tij në fushën e blertë. Por paraqitjet e tij në gjykatë i kanë shuar shumë simpatitë ndaj lojtarit më të mirë kroat. Shumë simpatizantë të futbollit nuk kanë mirëkuptim për deklaratat e tij kundërthënëse në procesin kundër vëllezërve Mamiq. Një ditë pas kthesës spektakolare në procesin Mamiq, në vendlindjen e tij Zarë, u nxorrën parulla kundër Modriqit.

Ndaj figurës së Modriqit ekziston një lloj ambivalence. Megjithatë mbizotërojnë euforia dhe krenaria pas sukseseve në Kampionatin Botëror në Rusi. Sportistët në Kroaci konsiderohen kaherë si ambasadorët më të mirë të këtij vendi. Politikanët shpesh thonë për sportin se ai ka një rol qendror për identitetin e këtij vendi. Ndaj sportistëve u falen shpesh edhe gabimet, për shkaqe patriotike.

Fundi i një epoke

Me zgjedhjen e Modricit si lojtari më i mirë në botë, i jepet fund një epoke të fitoreve të dy futbollistëve: Christian Ronaldo dhe Lionel Messi. Zgjedhja e Modriqit është një sinjal i duhur, përkundër irritimeve rreth deklaratave të tij në rastin Mamic. “Lojtari Modric simbolizon modernen e futbollit të sotëm”, thonë ekseprtët. “Modriqi nuk është ndonjë lojtar mendjemadh. Ai është në radhë të parë një Teamplayer, zemra e ekipit, motori i tij. Ai ndërlidh pjesët e një ekipi dhe i bën edhe më të mira ato”, thotë Aleksander Holiga, nga portali kroat Telesport. /burimi: Deutche Welle

Categories
Personazhe

E mbani mend nënën e Elsës te ‘Pallati 176’, ja si duket sot aktorja Pavlina Mani

Pavlina Mani është një aktore e mirënjohur shqiptare e cila spikati në shumë role, duke filluar në 1966 në “Oshtimë në bregdet”, kur ishte ende studente, por edhe me pjesën Pallati 176, ne rolin e nënës së Elsës, një komedi e cila vazhdon dhe sot të pëlqehet nga të gjithë.

Seriali i njohur ‘Njerëz dhe Fate’ ishte një nga serialet e para shqiptare që do të mbetet gjatë në memorien e të gjithë publikut, për arsyen se trajtonte problematika të familjeve shqiptare dhe Pavlina luante rolin e Dritës, nënës së Florit.

Ajo spikati shumë me rolin e saj në këtë serial.

Ky ishte roli i fundit i aktores Pavlina Mani, e cila pas mbarimit të xhirimeve të serialit u largua së bashku me familjen e saj drejt Shteteve të Bashkuara të Amerikës.

Ajo jeton në Amerikë prej më shumë se 16 vitesh dhe pamja e saj ka ndryshuar jashtëzakonisht shumë.