Categories
Shkencë

Një asteroid më i madh se Piramida e Gizës po i afrohet tokës, ja data kur mbërrin

Astreologët kanë e kanë bërë tashmë fakt të kryer se një asteroid gjigant, më i madh se piramida e Gizës, do të kalojë afër tokës javën e ardhshme me një shpejtësi prej 20 mijë milje në orë ose ndryshe 32 mijë e 400 km/h, citojnë mediat e huja NASA-n.

Sipas shkencëtarëve që studiojnë fenomenet kozmike asteroidi i emërtuar “2016 NF23” pritet të kalojë rreth tokës më datën 29 gusht.

Afërsia e tij me tokën do të jetë sa 13 herë distanca ndërmjet tokës dhe hënës, raporton edhe Daily Mail. Asteroidi thuhet se ka një madhësi dy herë më të madhe se një aeroplan Boeing 747.

Ky kalim i asteroidit konsiderohet si i rrezikshëm, megjithatë ende mbetet të shihet trajektorja e rënies së tij.

Categories
Shkencë Uncategorized

Sot qielli mbulohet nga rënia e yje

Yjet që bien, konsiderohen si lotët e Shën Lorencos

Sytë nga qielli për të admiruar yjet që bien. Shën Lorenco, e cila njihet masivisht si nata kur bien yjet, ose nata e dëshirave festohet më 10 gusht.

Ata bien gjithnjë në të njëjtën periudhë të vitit, kur fenomeni i rënies së yjeve është më i dukshëm.

Në fakt spektakli qiellor mund të shijohet për shumë ditë, por maksimum i vizibilitetit do të jetë mes 12 dhe 13 Gushtit.

Nga pikëpamja shkencore, fenomeni verifikohet kur Toka kalon pranë kryqëzimit të orbitës së saj me kometën Sëift-Tuttle, e cila lëshon këtë re yjesh teksa bën trajektoren e saj rreth diellit.

Këto copa yjesh, duke penetruar më pas me shumë shpejtësi në atmosferën tonë, digjen duke lëshuar në qiell edhe bishtin karakteristik.

Kushtet optimale për t’i vrojtuar më mirë krijohen larg dritave të qyteteve, në gjysmën e dytë të natës, mundësisht në vende të errëta dhe atëherë mund të arrihet të dallohen qindra yje që bien, për qindra dëshira.

Categories
Shkencë

Përgatituni për eklipsin hënor më të gjatë të shekullit, ja kur do të ndodh dhe sa do të zgjasë

Fundjavën e fundit të këtij muaji, mes të premtes dhe të shtunës së 27 dhe 28 korrikut të gjithë të apasionuarit pas ngjarjeve qiellore do të kenë mundësi të shohin eklipsin më të madh të Hënës të shekullit të XXI.

Eklipsi hënor do të shihet në pjesën më të madhe të Europës, Azisë, Australisë, Afrikës dhe një pjesë të Amerikës Jugore.

Amerika Veriore dhe ajo Qendrore nuk do të mund ta shohin këtë eklips, megjithatë astronomët janë përgatitur për ta shijuar këtë moment dhe pritet që ta transmetojnë LIVE në internet.

Kjo ngjarje e rrallë qiellore është rezultat i disa ngjarjeve astronomike, që do ta zgjasin fenomenin. Gjatë eklipsit, Hëna do të kalojë përmes hijes më të errët të Tokës, e njohur si Umbra, duke shkaktuar një shkëlqim të kuq, e cila i jep emrin “Hëna e përgjakur”.

Nuk ka nevojë për të pasur një pajisje specifike për të parë eklipsin më mbresëlënës të shekullit. Na duhet vetëm të shpresojmë që qielli të jetë i kthjellët.

Eklipsi total fillon në orën 19.30 dhe do të përfundojë në 21.13. Kulmi i eklipsit do të jetë në orën 20:22.

Ky do të jetë eklipsi i dytë hënor për 2018-ën. I pari ndodhi më 31 Janar dhe zgjati në total 3 orë dhe 23 minuta. Megjithatë koha që eklipsi ishte i plotë, ishte 1 orë e 16 minuta.

Por eklipsi i ri hënor pritet të zgjasë 1 orë e 43 minuta dhe gjithsej 4 orë, duke u bërë kështu eklipsi më i gjatë për këtë shekull.

Categories
Shkencë

Baza në Hënë dhe Mars për të shpëtuar njerëzimin nga Lufta e Tretë Botërore

Kompania “SpaceX” e miliarderit amerikan Elon Musk, që lëshoi në shkurt një raketë të fuqishme në drejtim të Marsit, mund të zhvillojë që vitin e ardhshëm fluturime testuese të anijes së saj hapësinore ndërplanetare, në perspektivën për të garantuar mbijetesën e qenies njerëzore, njoftoi të dielën drejtuesi i saj.

Kjo anije do të kryejë fluturime të shkurtra, të tipit vajtje-ardhje, me shumë mundësi në gjashtëmujorin e parë të vitit të ardhshëm”, theksoi Musk gjatë konferencës “SXSW” në Austin, Teksas.

“Qëllimi afatgjatë i këtij projekti është të ndërtohet një bazë në Hënë ose në Mars, që do të mundësonte garantimin e mbijetesës së qenies njerëzore dhe do të favorizonte rigjenerimin e saj në tokë në rastin e një Lufte të Tretë Botërore”, shpjegon miliarderi.

“Në fakt ekziston mundësia që njerëzimi të përballet me një epokë të errët, veçanërisht nëse ka një Luftë të Tretë Botërore”, theksoi miliarderi që është edhe pronari i prodhuesit të automjeteve elektrike “Tesla”.

Ne duam të garantohemi që të ketë jashtë (Tokës) një fije civilizim, në mënyrë që të rigjallërojmë civilizimin dhe ndoshta në këtë mënyrë të zvogëlojmë kohëzgjatjen e Epokës së Errët”, vazhdoi ai.

Në këtë perspektivë, një bazë hënore dhe një bazë detare që ndoshta mund të ndihmojë në rigjenerimin e jetës këtu në Tokë do të ishte shumë e rëndësishme.

Elon Musk, 46 vjeç, është një prej inovatorëve më të mëdhenj në SHBA. /bota.al

Categories
Shkencë

Shkencëtarët mendojnë se ‘universit mund ti ketë ndodhur diçka e papritshme’, ose ….

Astronomët që përdorin teleskopin Nasa-Humble kanë bërë matje të sakta të madhësisë së zgjerimit të Universit.

Vlerësimet e fundit janë bërë afërsisht 100 vjet pas matjeve të para të kryera për matjen e zgjerimit të Universit.

Këto matje i “kanë detyruar shkencëtarët” të mendojnë se “diçka e papritshme” mund të ketë ndodhur në Univers.

Shkencëtarët kanë gjetur se shpejtësia e zgjerimit të Universit është rritur. Rezultatet e reja konfirmojnë një ndryshim të rritjes së shpejtësisë së zgjerimit që tregon se tani Universi po zgjerohet më shpejt se më parë.

Shkencëtarët nuk arrijnë ta shpjegojnë dot këtë divergjencë me teoritë ekzistuese të fizikës dhe mendojnë se duhet ndoshta një “fizikë e re” për të shpjeguar këtë divergjencë.

Komuniteti i shkencëtarve të hapsirës janë realisht të angazhuar për të kuptuar këtë divergjencë” ka deklaruar në një njoftim për shtyp fituesi i çmimit Nobel Adam Riess, i cili kryen kërkime shkencore në Institutin e Shkencave të Teleskopisë Hapësinore (STScI) dhe në Universitetin Johns Hopkins.