Categories
Showbiz

Monika Beluçi për “Chi”: Një djalë më të ri se veten? Do ta shikoja pak a shumë si tim bir.

“Trupi i një djali të ri dihet që është i bukur , por mua nuk më thotë asgjë seksualisht”. Kështu Monica Belluçi, në një intervistë që pritet të botohet në revistën italiane Chi është shprehur për tendencën e fundit të kolegeve të saj për të pasur lidhje me djem shumë më të rinj se vetja . “Unë di ta dalloj freskinë që ka trupi i një djaloshi, por kurrë nuk mund ta shikoja në atë mënyrë. Do ta shikoja pak a shumë si të ishte im bir. Një burrë që ka jetuar dhe ka eksperience në jetën e tij më duket më i pjekur dhe njëkohësisht shumë më tërheqës për mua “. Në lidhje me jetën e saj me Vincent Cassel, Monika thotë se është e lumtur. ‘Jetojmë të dy momentin dhe ditën. Them me vete jeto sot se nesër nuk i dihet”. Sa për dy vajzat e saj ajo thotë se është e lumtur. “Unë kam një feminilitet që nuk do të kishte kuptim nëse nuk do të kalonte fazën e shtatzanisë dhe të bërit nënë”.

Categories
Showbiz

Brad Pitt, imazhi i ri i Chanel No. 5

Edhe Brad Pitt bëhet pjesë e historisë së Chanel No.5. Aktori amerikan do të jetë i pari mashkull, imazhi i të cilit do të përdoret për reklamimin e parfumit. Para tij ka qenë Gaspard Ulliel, i cili në fakt është limituar vetëm me një spot publicitar pa vazhduar më tej prezantimin e parfumit. Ndërsa Brad bëhet tashmë pjesë e personazheve të famshëm të cilët janë tepër të lidhur me Chanel No.5. Kanë qenë Nicole Kidman, Audrey Tautou dhe Catherine Deneuve. Reklama do të xhirohet gjatë kësaj jave në Londër. Për momentin nuk janë zbuluar detaje të tjera por as komentet e bashkëshortes së tij Angelina në lidhje me këtë hap të Pitt.

Categories
Showbiz

Monika Beluçi: Më mirë rrudhat sesa një fytyrë plastike

Për ndërhyrjet qoftë të vogla, qoftë të mëdha plastike Monica Belluçi thotë jo. Ose të paktën kështu tregon në intervistën e kopertinës së Vanity Fair. Dhe shpjegon kështu zgjedhjen e saj që bie ndesh me tendencën e kohës: Përballë një fytyre plastike unë preferoj rrudhat. Monika 47 vjeçare, sapo ka përfunduar së xhiruari “Rhinos Season” të iranianit Bahman Ghobadi, film që tregon kushtet e femrave, pasi u prezantua në Venecia me një “Un été brûlant” të Philippe Garrel. Aktorja, ish modele duket se është kundër bisturive si një armë për të luftuar plakjen dhe tregon për të përjavshmen eksperiencën e saj: “Unë? Vetëm një trajtim me vitamina, një herë. Nuk e dua idenë që të ndërhyj në fytyrën time dhe sinqerisht mendoj se për një aktore këto ndërhyrje janë shumë të rrezikshme” thotë. Pra nuk do të përfundojë në bisturi për bukurinë aktorja tërheqëse e “Malena”. Dhe as ka frikë nga vitet që kalojnë. As menopauza nuk e tremb. “Jam mendërisht gati, nuk kam frikë. Si një mbështetëse e madhe e omeopatisë, mendoj se do të marr maksimumin e mundësive që ofron. Më pas do të shoh nëse kam nevojë për kurat hormonale të zakonshme”. Monika thotë edhe se është e lumtur pasi me kalimin e kohës bie dëshira dhe nevoja për të joshur të tjerët: “Po, çfarë lehtësimi nga një mundim i tillë ! Bëhet më ironike dhe e veçuar, dhe ndjen pak më shumë dhimbshuri dhe dashuri për veten tënde”. Po të dëgjosh atë më mirë është të jesh afër të 50-tave se afër të 20-tave. “Bukuria ikën dhe ti bën llogaritë me rërën që shket dhe çon tutje bukurinë. Por unë e shoh të ikë tutje pa shumë dhimbje. E çfarë do të thotë një rrudhë më tepër? Do të bëj më pak skena dhe foto nudo. Unë ndihem mirë në moshën që kam. Jo kirurgji dhe jo botox. Ndoshta nuk kam qenë kaq mirë sa jam në moshën 20 dhe 30 vjeç. Nuk do të doja të kthehesha pas”.

Categories
Showbiz

Jolie rrezikon humbjen e Pax, nëna biologjike e tij është shëruar

Aktorja Angelina Jolie mund të humbasë njërin nga fëmijët e saj të adoptuar, Pax. Këtë lajm në fakt e ka zbuluar e përjavshmja amerikane “National Enquirer”, sipas së cilës nëna natyrale e vogëlushit vietnamez, tetë vjeçar ka arritur të kalojë periudhën e vështirë të jetës së saj, e cila lidhej me varësinë ndaj drogës dhe tashmë është rikthyer më e shëndetshme se më parë dhe po tenton të marrë djalin e saj. “Angelina po përjeton një periudhë tepër të vështirë, të një nëne adoptuese”, është shprehur një mik i afërt i aktores. Ndërkohë që sipas burimeve të tjera të “National Enquirer”, Jolie mund të ketë pranuar se është kundër rikthimit të Pax, pasi ai është tepër i vogël dhe mund të pësojë tronditje të rëndë psikologjike.

Në fakt, vogëlushi është fotografuar shpesh nga media në momente të ndryshme agresive, sepse nuk e përballon dot vëmendjen e tepër të medias. Një sjellje që në fakt ashtu sikurse edhe motrat e vëllezërit e tij, tregon se Pax ashtu sikurse ata kanë nevojë për qetësi.

Aktorja 36 vjeçare Angeline Jolie dhe bashkëshorti i saj Brad Pitt, kanë 6 fëmijë, 3 prej të cilëve të adoptuar. Fëmijët e Jolie dhe Pitt; Maddox, 10 vjeç, Pax, 8 vjeç, Zahara dhe Shiloh, nga gjashtë vjeç, dhe Knox dhe Vivienne, të dy nga tre, janë shpesh” të hutuar” dhe “të painteresuar” me karrierën e ngarkuar të nënës së tyre. Aktorja shprehet se ata janë shumë konfuz dhe nuk dinë se çfarë të mendojnë. Aktorja që rrit gjashtë fëmijë me burrin e saj Brad Pitt, pranon se fëmija i saj më i ri është “i painteresuar” në shikimin e filmave të saj dhe shpesh gabon atë në skenat e aktrimit me jetën reale.

“Pax, u mërzit në një skenë filmi sepse dikush ishte duke u përpjekur që ta lëndoj nënën e tij, ai i pa këmbët e mia të mbështjella dhe ai u çmend, dhe atëherë unë i shpjegova atij se unë jam mirë. Kurse vajza ime katër vjeçare Shiloh më ofron këshilla për stilin tim dhe donte që të më shkurtonte flokët”, shton aktorja. Të shndërruar sot në prindër të devotshëm, Brad Pitt dhe Angelina Jolie përkujdesen për çdo informacion që fëmijët e tyre mund të marrin mbi jetën e tyre të kaluar. Ata i kanë ndaluar fëmijët e tyre që të kërkojnë të dhëna në internet mbi ta. Dhe këtë e kanë bërë duke i bllokuar emrat e tyre si fjalë kyçe në motorët e kërkimit të internetit. “Unë nuk mund t’i imponoj askujt mendimin dhe liria e fjalës në internet i kapërcen të gjitha kufijtë, deri në atë pikë që cënon personalitetin tënd. Prandaj unë nuk mund të lejoj që fëmijët e mi në këtë moshë, të ndeshen me disa opinione për të cilat atyre u duhet shumë kohë deri sa t’i kuptojnë dhe arsyetojnë vetë”, është shprehur Pitt, babai 48-vjeçar i Knox, Vivienne, Shiloh, Maddox, Zahara dhe Pax.

Categories
Showbiz

Edhe Julia Roberts kundër botox

“Pasqyrë moj pasqyrë, kush është më e bukura në botë?”. Janë këto fjalët e artikuluara nga aktorja e famshme, Julia Roberts, gjatë interpetimit të saj në filmin “Borëbardha”, e cila pritet të dalë në sallat e kinemasë italiane, më datën 4 prill. Sigurisht që deri më sot, asnjëherë nuk është parë ndonjë shtrigë kaq e bukur, por truku qëndron në qendër. Ky lloj filmi tregon trajtimin e bukurisë ku Mbretëresha lufton për të mundur rrudhat, celulitin dhe çdo lloj parregullsie tjetër. Pa dyshim” që metodat e saj janë tepër natyrale që nga njëra anë të bëjnë për të qeshur por edhe të frikësojnë nga ana tjetër. Por që të bëjnë edhe të mendosh për kërkimet për “rininë me të gjitha kushtet”, edhe nëse ato janë ekstreme dhe të çuditshme dhe që pushtojnë vipat (për fat të keq edhe femrat e thjeshta), dhe që shumë shpesh përfundojnë me rinovimin e fytyrës dhe të trupit. Dhe pikërisht për këtë propozim, Julia Roberts është shfaqur kundër botox. “Një herë më injektuan botoks dhe fytyra më ngeli me një shprehi habie që nuk e ndryshoja dot më. Kjo gjë nuk më pëlqeu. Kam tre fëmijë dhe ata duhet ta dinë në çdo moment gjendjen dhe ndjenjat nëpërmjet mimikës. Kjo është thelbësore. Nuk gjykoj askënd. I respektoj ata që injektojnë botoks dhe që ndihen mirë me veten”, shprehet protagonistja e ‘Preety Woman’.