Categories
Shtëpia

Gjumë të qetë nga ngjyra blu në dhomën e gjumit / Ju largon stresin

Ngjyrat e ndryshme kanë impakt të ndryshëm në trurin e njeriut. Thuhet se e kuqja sjell oreksin dhe njihet si ngjyra e kuzhinës. E gjelbra ka një efekt qetësues dhe dominon dhomat e ndenjes.

Po dhoma e gjumit? Blu, e kaltër nuk ka rëndësi, mjafton të luani me nuancat e blusë.

Ky nuk është supozim, e thotë shkenca.

Një studimi i Travelodge doli në përfundimin se e kaltra mund të ketë një ndikim real në cilësinë e gjumit.

Studiuesit gjetën se nga mijëra të anketuar, njerëzit që flinin në dhoma të lyera me nuancat e blusë ishin më të qetë në përgjithësi, në krahasim me ata që flinin në një dhomë të lyer me nuancat e ngjyrave të tokës.

Efekti qetësues i blusë, shprehet Chris Idzikowski nga Edinburgh Sleep Centre, lidhet me receptorët e specializuar të quajtur qeliza ganglion në pjesën e retinës së syve tanë, të cilët janë më të ndjeshëm ndaj ngjyrës blu.

Një tjetër studim shkencor ka dalë në përfundimin se çarçafët e bardhë luftojnë stresin, ankthin apo pagjumësinë. Mjafton të shtroni në krevatin tuaj çarçafë të bardhë, të lyeni muret ngjyrë të kaltër dhe kjo do të ndikojë drejtpërdrejtë në psikozën tuaj.

Categories
Shtëpia

Arredim/ Vjeshtë, edhe në shtëpitë tona!

Vjeshta ofron një pasuri frymëzimi, me shpërthimin e ngjyrave të bukura që ngjallin ndjenjën e ngrohtësisë dhe rehatisë. Por jo vetëm kaq! E kafta tokësore, portokalli e fortë, e kuqja janë ngjyrat e ftuara në këtë stinë dhe të përshtatshme për t’u përdorur edhe brenda ambienteve tona.

Nuk ka tendenca që ikin. Nëse jetoni duke menduar se për çdo sezon të ri, duhet ndryshuar tendenca e një viti më parë, gaboheni. Çdo gjë e projektuar për shtëpitë tona është paracaktuar nga një ndikim më i gjerë në trend. Nga vetë shijet dhe mënyra se si kemi organizuar jetën tonë. Nga ngjyrat e bojërave të drurit në zgjedhjet e mobiljeve minimaliste, janë zgjedhje që vetë ne i kemi në dorë. Ajo që shumica nga ne, përpiqen që të sjellin në sezone të ndryshme, janë veçse aksesorë në funksion të dizajnit tërësor të ambienteve tona.

Përderisa “trendet” ndryshojnë dhe zhvillohen, ata e bëjnë këtë me ritme të ndryshme – disa janë të vendosura për një vit, disa për vetëm një sezon. Arkitektë të dekoreve interiore të shtëpive por jo vetëm, sugjerojnë që, ju nuk keni për të ripërtërirë tërë shtëpinë tuaj për të qenë në tendencë, përkundrazi, vetëm me pak detaje ndryshoni shumë. E rëndësishme është që , fillimisht të vendosni një buxhet të caktuar për qëllimin tuaj dhe më pas, të nisni ndryshimet e vogla kudo nëpër shtëpi.

Por, çfarë sugjerohet si ndryshim më i leverdisshëm, me pak kosto, për të sjellë vjeshtë në shtëpitë tona?

– Bimë të thata, grurë, misër apo edhe gjethe të rëna janë mjetet që ju duhen për këtë stinë. Sigurisht, edhe pak kreativitet.

– Mos harroni frutat. E çuditshme, por gështenja, kunguj, molle, arra janë vetëm disa nga frutat e shumta me te cilat mund te krijoni dekore të mrekullueshëm.

– Përzierje. Për një shtëpi mikpritëse, që tregon njëkohësisht ngrohtësi dhe komoditet, mund të shtoni disa thekë të pëlhurave të ngrohta me lule, ose jastëkë me motive pyjore. Mbi një kolltuk mund të vendosni një batanije prej leshi të vjetër ose copa të kafta me vija.

– Frymëzim nga natyra. Për të pasqyruar stinëtn në një ambient të mbyllur zgjidhni ‘partnerin’ më të mirë: gjethet e rëna të pemëve. Si mund t’i përdorim? Një gjethe brenda një kornize e varur në mur, në ambientin e ndenjes. Të tilla mund të krijoni kolazhe me gjethe të shtypura, të vendosura në korniza ekzistuese, që nuk ju merr para shtesë, e lehtësisht të krijuara në shtëpi, që ju lejojnë të krijoni ndryshime me një ekran dinamik natyror.

– Një shije e mjaltit. Mjalti (honey)- një ton karamel që ka tërhequr ndër vite ideatorët e modës për të sjellë tendencat e stinës së vjeshtës. Kjo lloj ngjyre mund të përdoret lehtësisht në shtëpi: mbulese tavoline, mbulesa divanesh, jastekë, qirinj ose aksesore të vegjël në mobilje me këtë ngjyrë etj.

Categories
Shtëpia

Arredim/ Sillni verën në shtëpinë tuaj

Sigurisht nuk mund te ndryshojmë arredim dhe stil çdo sezon por mund te shtojmë disa detaje low cost dhe jo shume impenjative qe do te japin një pamje te freskët dhe gjallëruese shtëpisë te përshtatshme për sezonin e ngrohtë.

 

Ngjyra jeshile

 

Tendencat e fundit të interior design për 2018-ën, sjellin natyrën në shtëpinë tuaj! Nuanca jeshile, e aplikuar në mobilie, në poltrona dhe aksesorë të tjerë të nevojshëm për ambientet tuaja, i jep qëndrimit në shtëpi një ndjesi tejet moderne.

Art në mur

Po planifikoni ndryshime në ambientin e brendshëm të shtëpisë suaj?! Një zgjedhje alternative, varësisht buxheteve tuaja, janë elementët dekorative muralë. Janë më në modë se kurrë këtë sezon! Nga pikturat, tek suveniret artistike, pasqyrat, abazhurët e murit, etj. Ato jo vetëm shtojnë frymën moderne në hapësirat tuaja, por janë gjetja ideale për të transformuar mjeshtërisht dhe plot stil çdo ambient të preferuar! Ne iu sjellim sugjerimet e momentit.

Pure White

E bardha, do të jetë ngjyra dominuese për ambientet tuaja këtë sezon. E aplikuar në mure, në objekte, suvenire, e gjithçka tjetër, ky është momenti ideal që ta përfshini si nuancë në shtëpinë tuaj. Nuk do të zhgënjeheni!

Guaskat

 

Qofshin te vërteta apo false ato te japin menjëherë idenë e plazhin. Mund ti mbështetni thjesht ne rafte por edhe te krijoni dekore te bukura ne vazo xhami. Do te mjaftoje te vendosni pak rërë ne një vazo transparente te vendosni disa guaska dhe do te keni një dekor te thjesht dhe te bukur për tu pare.

Deti në shtëpi

Edhe pse larg detit për shembull mund të sjellim përjetimin e detit nëpërmjet fotove të ndryshme që pasqyrojnë momente në plazh, apo guaska të shpërndara nëpër shtëpi, jastëkë të bardhë, bojë qielli apo ngjyre rëre etj. Kuptohet që të gjitha ndërhyrjet që folëm janë të përkohshme sepse vera nuk zgjat përgjithmonë. Janë ndërhyrje që në radhë të parë duhet të rrinë shumë mirë me stilin e përdorur në ambient (klasik, modern, pop art, art deko, rustic etj) dhe  në radhë të dytë ato shumë shpejt do të zëvendësohen me elementet- tendencë të stinëve pasardhëse.

Natyralja

Largojeni nga qendra e tavolinës se mesit  souvenirin apo vazon e errët, zëvendësojeni atë me një vazo me ngjyrë të hapur apo transparente të mbushur plot me lule natyrale, apo mund të vendosni një shportë të mbushur me agrume (limona jeshile dhe të verdhë, portokalle), fare mirë mund të rrijë një vazo transparente  me gryke të gjere e mbushur pjesërisht me rëre dhe mbi rërë guaska të madhësive të ndryshme.

 

Categories
Shtëpia

ARREDIM/ Përbërësit idealë për kuzhinën perfekte

“Nuk ka rëndësi çfarë madhësie ka, kuzhina është ambienti ku të gjithë mblidhen…”

Kuzhina është pjesa e pandashme e shtëpisë sonë, pa të cilën femra nuk konceptohet (pa përjashtuar edhe meshkujt që gatuajnë për familjen) dhe që kuptimi i fjalës “nënë” asociohet në mënyrë të pashmangshme me këtë ambient. Aroma e kuzhinës është ndërlidhja. Dhe sigurisht, pak doza dashurie për të sjellë atë që mund të konsiderohet kuzhina perfekte.

Por, në aspektin e mobilimit është një përceptim po aq i ngjashëm sa i ndryshëm. Pse? Sepse ccdo familje kërkon që me elementët që do t’i japë kuzhinës do të fusë brenda edhe pjesëza nga vetja. Por cilat janë tendencat dhe zgjedhjet kryesore që e bëjnë një kuzhinë të jetë “perfekte”?

  1. Ngjyra e bardhë

Vijon të jetë mbretëresha e ngjyrave. Ekspertët e interior-dezajnit nëpër botë sugjerojnë se kësaj tendence po i vjen fundi, por se gjithnjë e më shumë familje po e zgjedhin dhe madje, edhe atë ekzistuesen, përpiqen që ta lyejnë apo ta ndryshojnë në drejtimin e dhënies së ndriçimit të bardhë. Kjo, pasi arsyeja kryesore e zgjedhjes së ngjyrës së bardhë është pikërisht ndriçimi që i jep ambientit tuaj. E plotësuar me detaje ngjyrash si: perde, aksesore doreza, peshqirë, kavanoza të mbushura me erëza dhe më gjerë, krijojnë thyerjen perfektë që të mos konsiderohent si “shumë e ftohtë”. Kujdes! E bukura e bardhë kërkon impenjim të madh në pastrim.

  1. Mermeri

Vijon të jetë tendencë e rëndësishme e arredimit të një kuzhine. Kuzhinat me mermer janë mjaft popullore kudo në votë, me një stil të trashë, një zgjedhje efikasë (në rastin e prerjes së produkteve të ndryshme  pa nevojën e një tabakaje prerëse), por ashtu edhe si thyerje ngjyre apo kombinimi me pllakat që përdoren për të veshur murin ku vendoset kuzhina.

  1. Xhami

Kuzhinat moderne përdorin shpesh vetrata xhami, të cilat janë funksionale dhe kreative, si dhe lejojnë qe të vendosim aty aksesorë të tjerë si gota, pjata apo produkte të ndryshme kuzhine ose produkte ushqimore. Ndërkohë që dera e xhamit përshtatet shumë mirë me çdo lloj stili dhe të krijon një përshtypje transparence, sidomos për të gjithë “kuzhinierët harraq”.

Categories
Shtëpia

Ide për ndryshimin e kuzhinës

Stilet subway, me banakun në qendër të kuzhinës janë ndër më modernët dhe të kërkuarit. Gjithashtu, ide të tjera janë kuzhinat suedeze, me lule dhe dru të ndërthurur në arredim. Kuzhinat klasike tërësisht dru kafe, nuk ikën kurrë nga moda dhe kërkesat. Mos harrojmë edhe kuzhinat moderne , shumë ngjyra, shkëlqim etj.

Categories
Shtëpia

Lule… në kornizë!

Besoj se të rrallë do të jenë njerëzit të cilët nuk i duan lulet. Edhe në rast se jo të gjithë e kanë kohën apo luksin që të kujdesen për to (lule me vazo) në shtëpi, të gjithëve u pëlqen ideja që të kenë një vazo me lule të freskëta. Ekspertët e mjedisit por edhe ata të arredimit të shtëpive besojnë se lulet luajnë një rol thelbësor në rregullimin e psikologjisë së natyrës njerëzore, përmes aromës, ngjyrave dhe rolit tejet natyral në të arreduarit të një ambienti.
Por, tashmë kemi edhe forma të tjera të të përdorurit të luleve natyrale.
Përvishni mëngët, lexoni hapat dhe shihni fotot: një projekt i ri po vjen dhe atë mund ta bësh edhe ti…

Çfarë ju nevojitet:

– Lule të freskëta të prera
– Gazetë ose letër çfarëdo
– Një kornizë prej xhami
– Ngjitës

Si ta realizojmë?

Zgjidhni një lule të cilën ju e keni shumë përzemër dhe pasi ta hiqni nga kërcelli i saj (psh orkide të vogla, manushaqe, zambakë të verdhë), formoni një numër të caktuar prej tyre, kini kujdes që të jenë të të njëjtës madhësi. Pasi i lini për 24 orë brenda një blloku apo një libri, kini kujdes që të nësërmen ti lagni pak dhe ti fshini sërsh më një copë të hollë.

Pasi e realizuat këtë, merrni gazetën apo letrën të cilën keni zgjedhur (mund të jenë e bardhë, gazetë me shkrime që të jetë kreative ose edhe njëngjyrëshe që të përshtatet me ngjyrën e luleve që keni zgjedhur).
Përdorni një furçë për të plikuar një ngjitës për të fiksuar lulet në letrën e përzgjedhur dhe pasi i vendsni në një formë horizontale apo edhe rrotull fletës, kini kujdes që kjo letër të jenë prerë (ridimensionuar) për tu vendosur brenda një kornize prej xhami.

Pasi ta vendosni atë, zgjidhni vendin ku do e vini kornizën tuaj, që lulja juaj e preferuar të jetë pjesë e ditëve tuaja brenda në shtëpi.

Suksese në projektin e ri! :)

Categories
Shtëpia

Si të organizoni çorapet

Ne qofte se corapet tuaja i mbani si ne kete foto, eshte koha per nje organizim te ri:
corape te crregullta

Organizoni corapet tuaja duke ndjekur keto modele meposhte:
organizo corape_03

shembull

organizo corape_02

socks

organizo corape_01

Categories
Shtëpia

Letra murale, a duhet ta përdorim?

Arti i të arreduarit të shtëpisë me letra murale është një ndër format më të vjetra që njeh arredimi vetë. Shumë nga ekspertët më të famshëm të interior design sugjerojnë se është një modë pa plakje dhe një trend që kurrë sdo të bie poshtë.

Çfarë dobie ka letra murale:

a. Soxhorno: dekorimi i një faqe muri ose dy me të i jep ngjyrat e duhura ambientit, duke shtuar këtu faktin se kombinimi i arredimit shtohet në mënyrë perfekte. Psh. Kur vendos një letër muri që ngjason me lulet e kolltuqeve ose me disa jastëkë në divane.

b. Dhoma e gjumit: shpeshherë, të shumtë janë ata që zgjedhin të vendosin letër murale në pjesën e murit ku qendron koka e krevatit të gjumit ose kur zgjidhet një letër moderne, por e miksuar me vintage për të gjithë dhomën.

c. Sallon: një ndër idetë me praktike e të vendosurit një letër murale në një sallon të shtëpisë suaj është kur në mur vendosni një pasqyrë dhe letra pas saj i jep dritë apo ngjyra.

d. Televizori: ekspertët mendojnë se letra murale me një televizor mbi të është ndër dekoret më të përdorura në një ambient ndenjeje, ku nuk sugjerohet të vendoset asnjë dekor tjetër.