Categories
Sport

Stramaccioni: Interi im do të flasë në fushë

Trajneri i ri i ziklatërve është tepër i bindur në fitoren e skuadrës së tij në ndeshjen e radhës. “Asnjë premtim vetëm fakte. Shoqëria më ka kërkuar vetëm një gjë të thjesht, të mundim Genoa. Unë jam një trajner që po rritem”, shprehet ai. Po ashtu, Stramaccioni ka folur edhe për batutën e Mourinhos: “Mendoj se nuk e di se kush jam”.

-Si ndjeheni pak orë para fillimit të ndeshjes?

Jam i kënaqur nga java pozitive, kemi punuar shumë dhe kemi filluar të njihemi. Përsëris, jemi gati për ndeshjen.

-Pse tifozët në këtë ndeshje duhet të kenë besim?

Mjaft me fjalë, premtime, duhet të përgjigjemi në fushë, këtë do u thosha tifozëve. Kjo është dëshira ime dhe e skuadrës gjithashtu. Në këtë skuadër kam gjetur profesionistë të mëdhenj, të cilët dëshirojnë të lënë pas periudhën negative të kohëve të fundit. Është disi banale ta them, por mjaft më me fjalë, të dielën do ët jemi të gjithë në fushë dhe do të japim maksimumin, madje edhe më shumë.

-Si është mbërritja juaj tek Inter?

Këtu ka profesionistë të nivelit të lartë. Të gjithë gjithnjë kanë dhënë maksimumin dhe do të vazhdojnë me të njëjtin ritëm edhe në drejtimin tim. Këtë gjë do të kishin bërë edhe me një tjetër trajner që do të ishte emëruar në vendin tim. Ka qenë një javë tepër e mirë, jam i kënaqur edhe pse jam i ri e di të dallojë nëse java është e mirë apo e keqe.

-Si do të jetë Interi nesër në fushë?

Kam filluar të punojë duke kërkuar të vë në fushë idetë e mia. Të dielën më 1 prill do të shohim Interin më të mirë. Gjatë këtyre ditëve kam pasur përgjigje të mira, madje do të thosha shumë të mira. Një teknik në kushtet e mia duhet të shoh atë që ka qënë deri më dje dhe ajo që shtë sot në fushë. Përzgjedhjet e mia bazohen mbi atë që shoh në fushë. Interi ka shumë cilësi. Mua më intereson e tashmja.

 -Në mbrëmje kur ktheheni në shtëpi e shiheni në pasqyrë, çfarë mendoni?

Unë jam një djal i thjeshtë. Jam krenar që jam këtu, jam trajneri i Interit dhe dua që të jap maksimumin tim me këtë fanellë. Andrea Stramaçioni si njeri qëndron i njëjtë, nuk ndryshon.

-Çfarë kërkoni nga vetja dhe nga skuadra?

Të japim një sinjal që jemi, dëshirojmë të përgënjeshtrojmë shumë gjëra që janë thënë. Dhe në sport ka vetëm një mënyrë; rezultati i mirë. Zero premtime, vetëm fakte.

–Nesër në 15.00 do të ketë emocione të shumta?

Emocioni më i madh ishte futja ime në dhomën e zhveshjeve. Ishte diçka e çmendur. Ndërsa nesër në 3.00 fillon fërshëllima e nisjes dhe mendon vetëm për garën dhe djemtë e skuadrës.

-Keni marrë mesazhe të tjera nga Mourinho?

Mendoj se Mourinho nuk e di se kush jam. Gjithsesi faza e falënderimeve është arkivuar, tashti mendojmë për lojën.

-Moratti ju ka thënë se duhet të fitoni, tashti çfarë ju thotë?

Prezenca e tij këtu është e vlerësuar, është sinjali më i fortë për momentin në shtëpinë e Interit dhe bashkimi përreth skuadrës. Fakti që Moratti ka qenë këtu më pëlqen. Më ka pyetur vetëm sesi ishin lojtarët. Presidenti është shumë i kujdesshëm për dinamikat e skuadrës.