Categories
Sport

U dënua me 9 vite burg për përdhunimin e shqiptares, reagon Robinho

Pas vendimit të gjykatës së Milanos që e dënoi me 9 vite burg brazilianin ish-futbollist të Milan, reagon Robinho, për veprën penale të dhunimit seksual në grup ndaj një vajze shqiptare, asaj kohe 22-vjeçare, në ngjarjen e ndodhur në vitin 2013.

Sipas brazilianit që aktivizohet aktualisht te Atlético Mineiro, përfaqësuesit e tij ligjorë kanë marrë të gjitha masat e nevojshme.

“Të gjitha veprimet ligjore po ndërmerren aktualisht për vendimin e shkallës së parë”, deklaroi 33-vjeçari nëpërmjet një komunikate, ku mohon kategorikisht pjesëmarrjen e tij në krim.

Ish-futbollisti i Real Madrid, Manchester City dhe AC Milan, deklaroi se ishte vetëmbrojtur ndaj akuzave për një episodë të ndodhur disa vite më parë, duke konfirmuar se nuk ka marrë pjesë në asnjë rrethanë në atë çështje.

Burime pranë klubit aktual, Atlético Mineiro, deklaruan për ‘Efe’, raporton telespotrt se kjo ishte një çështje ngushtësisht personale, për të cilën klubi nuk do të pozicionohej.

Robinho u dënua nga drejtësia italiane me nëntë vite heqje lirie me akuzën e pjesëmarrjes në një përdhunim në grup ndaj një vajze 22-vjeçare nga Shqipëria, të ndodhur në një klub nate në Milano.

Gjykatësja mori vendimin në seancën e nëntë, duke dënuar futbollistin, që në kohën e ngjarjes luante për AC Milan, ndërkohë që gjithçka ka ndodhur më datë 22 janar të vitit 2013, me Robinho që shoqërohej edhe nga pesë shokë të tij.

Categories
Sport

Gara për president të FSHF-së, Duka ‘thumbon’ Bashkim Finon

Armando Duka komentoi zërat për një kandidim të mundshëm të ish-Kryeministrit Bashkim Fino për postin e presidentit të Federatës Shqiptare të Futbollit.

Në emisionin “Top Story” Duka vlerësoi figurën e Finos, ndërsa nuk ngurroi as të “thumbojë” kandidaturën e tij.

Unë nuk di shumë mbi kandidimin e Finos, ndonëse e njoh mjaft mirë atë, sepse kemi mbaruar shkollën bashkë. Nëse ka një projekt për futbollin, kandidimi i tij është i mirëpritur, por duke qenë se është pjesë e PS-së, është mirë që kandidimin ta zyrtarizojë nga selia e partisë”, tha kreu aktual i FSHF-së.

Categories
Sport

VIDEO/ Berisha bën mrekullinë, shikoni çfarë pritje!

Portieri shqiptar Etrit Berisha ka qenë deçiziv në ndeshjen e sotme të skuadrës së tij Atalanta përballë Beneventos.

Në minutën e 40-të, portieri shqiptar bën një pritje jetike për Atalantën. Sulmuesi i skuadrës mike Samuel Armenteros, pas një krosi godet me kokë nga një distancë e afërt me portën. Berisha hidhet dhe arrin të presë, duke shpëtuar kështu rezultatin. Ky ishte edhe rasti më i mirë për Beneventon, që vijon pa pikë në kampionat.

Më pas, në minutën e 75-të, Bryan Cristante shënon për vendasit. Ky ishte gol i vetëm i takimit, që i dha skuadrës bergamase tre pikë të rëndësishme për luftën për zonën europiane.

Me këtë fitore, Atalanta renditet në vendin e 10-të, 7 pikë larg vendit të 5-të që të çon në “Europa League”.

Categories
Sport

Bastexhinjve u buzëqesh fati, kompania do paguajë për golin e anuluar të Messit

Në ndeshjen e mbrëmshme të La Ligas mes Valencias dhe Barcelonës, Lionel Messit iu mohua një gol i rregullt, shkruan SYRI.net. Gjuajtja e tij e kaloi vijën fatale, por gjyqtari nuk akordoi gol.

Sfida përfundoi me rezultatin e barabartë 1-1, por një kompani bastesh ka marrë vendimin e papritur. “Betfair” do paguajë klientët e saj për golin e anuluar të Messit, madje do të shpërblejë dhe ata që kanë luajtur për fitoren e Barcelonës.

Kompania ‘Betfair’, në një gjest vullneti të mirë dhe të drejtësie ndaj klientëve të saj, jo vetëm do të paguajë bastet për ata që vendosën për një barazim, por edhe për ata që vunë baste për fitoren e Barcelonës”, shkruhej në mesazhin e kompanisë së basteve.

Categories
Sport

Shkarkohet De Biasi pas vetem 8 ndeshjesh

Pas vetëm 8 ndeshjesh të luajtura, ekipi spanjoll i Alavesit ka vendosur të shkarkojë nga posti i trajnerit, italianin Gianni de Biasi.

Vendimi i klubit i është komunikuar këtë të martë ish-trajnerit të kombëtares kuqezi, dhe lidhet me rezultatet e dobëta që ai ka arritur nën drejtimin e skuadrës.

Humbja fundit ishte pipkërisht fundjavën e kaluar në La Liga me rezultatin 1-2 në shtëpi përballë Eibar.

Ekipi do të drejtohet momentalisht nga Javier Cabello deri në caktimin e trajnerit të ri.

Deportivo Alaves ndodhet në vendin e 19-të të renditjes me vetëm 6 pikë që skuadra i ka marrë nën udhëheqjen e De Biasit.