Prej muajsh mediat dhe shoqëria shqiptare janë duke u marrë me pyetjen e madhe se a ka marrë para Tahiri nga Habilajt dhe nëse po, sa ka marrë, por deri më sot askush nuk është kujtuar që të merret me ish-Drejtorin e Përgjithshëm Haki Çako.

Pak muaj më parë Open Data Albania ka publikuar formularin e vetëdeklarimit të Haki Çakos, në atë kohë Drejtor i Përgjithshëm të Policisë së Shtetit.

Ndonëse nuk vihet re ndonjë pasuri në shifra marramendëse siç jemi mësuar tek deputetët apo politikanët, ajo që bie në sy është shuma 37 mijë euro që ish-numri një i policisë mbante CASH në shtëpi.

Në statusin në “Facebook” Open Data Albani ngriti në atë kohë dyshime për një shkelje të mundshme ligji nga ana e Çakos duke cituar edhe nenin që rregullon çështje të deklarimit dhe kontrollit të Pasurisë së Zyrtarëve të Lartë.

Por që prej asaj periudhe dhe deri më sot, askush nuk u mor me çështjen se nga buronin këto para që mbante në shtëpi Haki Çako, kjo dilemë vazhdon edhe sot që ai nuk ëhstë më Drejtor i Përgjitshëm i Policisë. /Syri.net