Kakavijë, prangoset shtetasja greke, u kap me kanabis në makinë

 

Një shtetas greke është prangosur në pikën e kalimit kufitar në Kakavijë. Gjatë kontrollit në mjetin e saj me targë TKZ 5848 policia ka gjetur disa kg lëndë kanabis sativa të fshehura në brendësi të derës. 49-vjeçarja, Dhimitra Tulika, është shoqëruar drejt Drejtorisë së Policisë së Gjirokastër ku po merret në pyetje nga oficerët e Sektorit Kundër Trafikut të Lëndëve Narkotike. Ende policia nuk bën të ditur sasinë e lëndës së drogës së sekuestruar, ndërkohë që mësohet se shtetasja greke udhëtonte nga Saranda drejt Larisës.