Shkencë

Krijimi i Universit – Habit shkencëtari i Harvardit: Universi ynë është krijuar në laborator

Misteri më i madh në lidhje me historinë e universit tonë është ajo që ndodhi para shpërthimit të madh. Nga erdhi universi ynë? Gati një shekull më parë, Albert Ajnshtajni kërkoi alternativa të gjendjes së qëndrueshme ndaj modelit të shpërthimit të madh. Kjo, pasi një fillim në kohë nuk ishte filozofikisht bindëse për mendjen e tij.

Tani ka një larmi hamendësimesh në literaturën shkencore për origjinën tonë kozmike, duke përfshirë idetë se universi ynë doli nga një luhatje vakumi, ose se është ciklike me periudha të përsëritura të tkurrjes dhe zgjerimit, ose se është zgjedhur nga parimi antropik jashtë peizazhit të teorisë së vargjeve multiverse – ku, siç thotë kozmologu i MIT Alan Guth “gjithçka që mund të ndodhë do të ndodhë… në një numër të pafund herësh”, ose që doli nga kolapsi i materies në brendësi të një vrime e zezë.

Një mundësi më pak e eksploruar është se universi ynë është krijuar në laboratorin e një qytetërimi teknologjik të përparuar. Meqenëse universi ynë ka një gjeometri të sheshtë me një energji neto zero, një qytetërim i avancuar mund të kishte zhvilluar një teknologji që krijoi një univers fëmijë nga asgjëja përmes tunelit kuantik.

Një shkencëtar i Universitetit të Harvardit ka befasuar me teorinë e tij sipas të cilës universi ynë u krijua në një laborator nga një formë jete më e lartë. Media të huaja citojnë profesorin Avi Loeb, autor i disa librave mjaft të shitur dhe ish-drejtues i departamentit të astronomisë në Harvard, shkroi këtë javë një artikull në Scientific American, ku hidhte idenë se universi mund të jetë formuar nga një “civilizim teknologjik i avancuar”.

Lexo edhe  Investon 42 milionë dollarë për një orë që do të zgjasë 10 mijë vjet

Nëse dicka e tillë do të vërtetohej, atëherë historia e origjinës do të unifikonte idenë fetare të një krijuesi me idenë laike të gravitetit kuantik.

“Duke qenë se universi ynë ka një gjeometri të sheshtë me një energji neto zero, një qytetërim i avancuar mund të ketë  zhvilluar një teknologji që krijoi nga asgjëja një univers-fëmijë  përmes tunelit kuantik”, thotë Loeb.

Një nga idetë që ai paraqet në artikull në mbështetje të pohimeve të veta, është edhe ajo e sistemit të klasifikimit të qytetërimeve. Kështu sipas tij, në një civilizim teknologjik të nivelit të ulët, njerëzit renditen në nivelin e klasës C (apo një civilizim që varët nga ylli i tij ”. Në nivelin më të lartë apo klasa A bëjnë pjesë ata që arrijnë të krijojnë universe-fëmijë në laborator, çka i bënë sipas tij, më të avancuar.

Lexoni edhe: