LSI nuk e ka pasur kurrë zakon sulmin e hapur ndaj ndërkombëtarëve. Madje kur në mandatin e kaluar njëri prej deputetëve të saj, Përparim Spahiu foli i autorizuar kundër rrolit të ndërkombëtarëve në reformën në drejtësi, brenda partisë u zhvillua një shoë i vërtetë gjoja për pezullimin e tij. Natyrisht e gjitha ishte një farsë, por ajo dëshmon kujdesin që ka pasur LSI-a për të mos u ngacmuar ballas me ndërkombëtarët.

Krejt e kundërta po ndodh tani pas qëndrimeve flagrante që po mban çifti Lu Vlahutin (lexo editorialin poshte) për mënyrën e zgjedhjes së prokurorit të përgjithshëm dhe për zgjedhjen e anëtarëve të Këshillit të emërimeve në drejtësi.

I pari Luan Rama foli për heshtjen e korruptuar të ndërkombëtarëve që kanë bërë sikur nuk kanë parë se si në këtë zgjedhje janë shkelur të gjitha kriteret që kërkon ligji. Pas tij nuk ka mbetur edhe Petrit Vasili i cili me një status në Facebook është tallur me kërkesën për kompromis për zgjidhjen e kryeprokurorit: “Kompromisi politik që zhbën kushtetutën dhe ligjin nuk mund të jetë pazari i radhës, qoftë ky i bërë në shqip apo në anglisht” shkroi ai. Dhe si gjithnjë më i ashpri është treguar ish ministry i drejtësisë Ylli Manjani që ka nxjerrë një document ku tregohet se shoqëria civile ka dështuar të dërgojë kandidaturat e saj për ngritjen e Këshillit të Lartë të Prokurorisë. Manjani ka kujtuar se ishin ambasadorët që kërkuan përfshirjen e shoqërisë civile dhe ka lëshuar mesazhin: ‘Ja dokumenti që tregon se sa e vdekur dhe e mbaruar është reforma që në nisje” (poshtë).

Deri më sot rrallë herë është parë q ëish partia e Ilir Metës të organizojë një sulm frontal si ky, kundër ambasadorëve.

©Lapsi.al