Për kocka të shëndetshme, hani këto ushqime

Nëse i keni parë ato reklamat me mustaqe qumështi, e dini se për kocka të forta ju nevojitet kalcium. Dhe kjo nuk ka të bëjë vetëm më ndërtimin e kockave të forta, por ka të bëjë që të mos i humbni ato. Sa më pak kalcium merrni, aq më shumë kocka humbisni. Neglizhojeni këtë ushqyes dhe muskujt( të cilët kanë nevojë për kalcium për të funksionuar), do sillen si shushunja që thithin minerale nga kockat. Por sa duhet të merrni? Meshkujt dhe femrat para menopausës të cilat nuk janë shtatzanë duan pak a shumë të njëjtën sasi- 1,000 mg në ditë; kur vjen menopausa dhe densiteti i kockave fillon të rëndojë me nivelet e estrogjenit, femrat kanë nevojë një të tretën më shumë, pra në total 1,300 mg.

Sigurisht që qumështi është plot me kalcium. 2 deri në 3 gota në ditë qumësht me pak yndyrë, ose një kos në ditë, realizon atë cfarë doni. Por nuk është vetëm qumështi kryesori; në fakt kalciumi nuk është mbështetësi kryesor i skeletit. Ndërtues të tjerë të skeletit përfshijnë sardele, salmon, bizele, brokoli dhe perime jeshile me gjethe ,si spinaqi. Edhe lëngjet e portokallit ose grejfrutit forcojnë kockat. Sipas një studimi lëngu i freskët i shtrydhur, cdo ditë për dy muaj, rriti densitetin e kockave me 6%.

Teksa kalciumi njihet si superheroi i skeletit, kërkon dhe shumë mbështetje për ta bërë këtë. Njihuni më poshtë me super miqtë e kalciumit.

Vitamina D: Mund të hani cfarë ushqimesh të dëshironi të pasura me kalcium, por pa vitamin D, nuk ju ndihmojnë dot. Arsyeja:Vitamina D ndihmon trupin të thithë kalcium. Salmoni, sardelet dhe karkalecat janë burimet natyrale të vitaminës D, por atë mund t’a gjeni dhe tek lëngu i portokallit. Është e vështirë të merrni të gjithë vitaminën D vetëm nga ushqimet, kështuqë mundet të merrni dhe suplemente D3.

Vitamin K: Për të ngritur nivelin e vitaminës K në trup provoni spinaq, lakër dhe brokoli.

Kalium: Ky është një tjetër mineral i fortë, por i heshtur që nxit densitetin e kockave dhe neutralizon acidet që largojnë kalciumin nga kockat. Përdorni patate të ëmbla, kos dhe banane.

Proteinat: Strategjia e fundit për skeletin është të merrni mjaftueshëm proteina. Nëse po konsumoni kalcium dhe vitamin D, studiuesit thonë se është shumë mirë të ndihmoni densitetin e kockave me më shumë proteina.

Similar Posts