Sao Tome dhe Principe njohin pavarësinë e Kosovës

Shteti Sao Tome e Principe është shteti i radhës që e ka njohur Republikën e Kosovës. Media kosovare informon se sipas MPJ-së, ky është shteti i 89-të që e ka njohur vendin tonë për shtet të pavarur. “Qeveria e Sao Tome e ka njohur Kosovën si një shtet sovran dhe anëtar të plotë të bashkësisë ndërkombëtare”, thuhet në deklaratë për shtyp të Këshillit të Ministrave të këtij vendi. Vendimi u miratua në seancën e fundit të Këshillit të Ministrave të Sao Tome, të mbajtur të mërkurën, dhe u miratua pa hollësi të mëtejshme. “Këshilli i Ministrave ka marrë vendim për njohjen ndërkombëtare të Kosovës”, thuhet në vendim. Ky shtet-ishull gjendet në Oqeanin Atlantik, në perëndim të kontinentit afrikan dhe në brezin ekuatorial. Ka diku mbi 160 mijë banorë, kurse gjuhë zyrtare është portugalishtja, pasi në të shkuarën ka qenë koloni e Portugalisë.