Si të kontrolloni peshën gjatë shtatzënisë

Dieta është mjaft e rëndësishme për zhvillimin fiziologjik të shtatzënisë, të lindjes dhe të periudhës pas saj. Pra, është mirë të merrni një sasi të duhur kalorie dhe të bëni një zgjedhje cilësore të ushqimeve, të orientuar nga nevojat e periudhës

Njihni Body Mass Index

E rëndësishme është të njihni peshën tuaj dhe ta vlerësoni atë në varësi të gjatësisë përpara konceptimit për të llogaritur më pas, Body Mass Index (pesha në kilogram /gjatësia në metra): vlera më të vogla se 20 flasin për një nënpeshë; vlera mes 20dhe 25 për një normo-peshë; vlera mes 25-30 për mbipeshë dhe më të larta se 30 për obezitet. Një grua jo shtatzënë që ka normopeshë (pra peshë normale) që bën një aktivitet normal fizik ka nevojë për 2500 kcal në ditë. Në tremujorëshin e parë të shtatzënisë, nevojat kalorike ngjiten në 2650 dhe në tremujorin e dytë dhe të tretë në 2800 kcal. Për fat të keq, përhapja e ushqimeve hiperkalorike bën që shumë thjeshtë të kalohet në një ditë konsumimi i mbi 3000 kcal, gjë që shton yndyrën dhe peshën duke sjellë efekte negative jo vetëm për nënë, por edhe për rritjen e fetusit dhe për lindjen. Shtimi i peshës gjatë shtatzënisë për të nëntë muajt duhet të jetë 12 deri në 13 kilogramë. Por për femrat që janë mbipeshë, pra e kanë

Body Mass Index (BMI)>25 duhet të jetë nga 7-11 kg.

Për femrat që janë nën peshe (flasim përBMIpara shtatzënisë, siç e shpjeguam më sipër) d.m.th.BMI<20 kilet që shtohen duhet të jenë nga 14-16 kg.

Çfarë ju këshillohet të hani

Është mirë të hani vakte jo voluminoze dhe të shpeshta duke evituar një periudhë të gjatë pa ngrënë gjatë ditës dhe natës. Praktikoni dietën e 5 vakteve, dy prej të cilave janë paraditja dhe pasditja.

Hani ngadalë në mënyrë që më pas të mos ndiheni të fryra. Ushqimet më kalorike i hani në mëngjes dhe në drekë dhe evitojini në ditët kur aktiviteti juaj fizik është i vogël. Çfarë është më mirë të hani:

Sheqerna komplekse: bukë, makarona, oriz, çereale. Absorbimi i tyre është më i ngadaltë dhe më pak i dëmshëm për metabolizmin

Eliminoni sheqernat e thjeshta që përmbahen në ëmbëlsira, pije me gaz apo pije të tjera të ëmbla

Proteina: janë të vlefshme për rritjen fetale. Mishin mundësisht mishin e bardhë, peshk e në mënyrë të veçantë peshq të vegjël, vezën, sojën, qumështin e skremuar pjesërisht.

Yndyra: Preferoni vaj ulliri, por kujdes për sasinë pasi është hiperkalorik. Kufizoni në maksimum përdorimin e gjalpit dhe të margarinës. Hiqeni gjithmonë yndyrën që shikoni në ushqime.

Vitamina dhe minerale: Hani frutë sa të doni. Më mirë atë të freskët të sezonit dhe vitaminë C. Konsumoni përditë perime, qumësht dhe djathë lope. Djathi është një burim shumë i mirë kalciumi.

Kripë gjelle: Në sasi të modifikuara

Pije: Preferoni ujin dhe pini në sasi të mjaftueshme gjatë vakteve. Dhe pini shumë ndërmjet vakteve.

 

Çfarë duhet të evitoni

Pijet alkoolike dhe superalkoolike të dëmshme për nënën dhe për fetusin. Pijet që ndikojnë në tension dhe sistemin nervor si kafeja dhe çokollata apo kakaoja dhe çaji. Evitoni sallamet dhe të konservuarat në përgjithësi. Kujdes nga midhjet, mishi i gjallë apo i zier pak pasi mund të transmetohen sëmundje tek fetusi. Mos hani ushqime me temperaturë shumë të lartë ose shumë të ulët. Jo ushqimeve pikante dhe atyre të tymosura.

Sugjerime anti-përzierje

Në mëngjes hani ushqime të thata krokante, crackers, feta të biskutuara, bukë tost. Evitoni ushqimet e pasura me ujë ose me lëngje. Këto përkujdesje të vogla do të bëjnë që ju të kaloni krizën e mëngjesit dhe të merrni ushqimet tradicionale, gjatë pjesës tjetër të ditës.

Comments are closed.