Categories
Shtëpia

Lule… në kornizë!

Besoj se të rrallë do të jenë njerëzit të cilët nuk i duan lulet. Edhe në rast se jo të gjithë e kanë kohën apo luksin që të kujdesen për to (lule me vazo) në shtëpi, të gjithëve u pëlqen ideja që të kenë një vazo me lule të freskëta. Ekspertët e mjedisit por edhe ata të arredimit të shtëpive besojnë se lulet luajnë një rol thelbësor në rregullimin e psikologjisë së natyrës njerëzore, përmes aromës, ngjyrave dhe rolit tejet natyral në të arreduarit të një ambienti.
Por, tashmë kemi edhe forma të tjera të të përdorurit të luleve natyrale.
Përvishni mëngët, lexoni hapat dhe shihni fotot: një projekt i ri po vjen dhe atë mund ta bësh edhe ti…

Çfarë ju nevojitet:

– Lule të freskëta të prera
– Gazetë ose letër çfarëdo
– Një kornizë prej xhami
– Ngjitës

Si ta realizojmë?

Zgjidhni një lule të cilën ju e keni shumë përzemër dhe pasi ta hiqni nga kërcelli i saj (psh orkide të vogla, manushaqe, zambakë të verdhë), formoni një numër të caktuar prej tyre, kini kujdes që të jenë të të njëjtës madhësi. Pasi i lini për 24 orë brenda një blloku apo një libri, kini kujdes që të nësërmen ti lagni pak dhe ti fshini sërsh më një copë të hollë.

Pasi e realizuat këtë, merrni gazetën apo letrën të cilën keni zgjedhur (mund të jenë e bardhë, gazetë me shkrime që të jetë kreative ose edhe njëngjyrëshe që të përshtatet me ngjyrën e luleve që keni zgjedhur).
Përdorni një furçë për të plikuar një ngjitës për të fiksuar lulet në letrën e përzgjedhur dhe pasi i vendsni në një formë horizontale apo edhe rrotull fletës, kini kujdes që kjo letër të jenë prerë (ridimensionuar) për tu vendosur brenda një kornize prej xhami.

Pasi ta vendosni atë, zgjidhni vendin ku do e vini kornizën tuaj, që lulja juaj e preferuar të jetë pjesë e ditëve tuaja brenda në shtëpi.

Suksese në projektin e ri! :)

Categories
Shtëpia

Si të organizoni çorapet

Ne qofte se corapet tuaja i mbani si ne kete foto, eshte koha per nje organizim te ri:
corape te crregullta

Organizoni corapet tuaja duke ndjekur keto modele meposhte:
organizo corape_03

shembull

organizo corape_02

socks

organizo corape_01

Categories
Uncategorized

Shkëleqni këpucët e lëkurës

Për të shkëlqyer një palë kepucë lëkure mund të përdoren solucione të ndryshme, por në kushtet e shtëpisë mund të perdorni një leckë me vaj ulliri. Efekti do të jetë shumë i mire dhe këpucët nuk do të dëmtohen.

Categories
Lifestyle

Maskë për flokë të ashpër me banane

Maskat të bëra vetë në shtëpi janë një mënyrë perfekte për të rikthyer në jetë flokun e dëmtuar, për ta bërë të shkëlqyer dhe të butë, pa dëmtime kimikatesh apo produkte të shtrenjta parukerie.

Të bësh një maskë për flokë të ashpër nuk është e vështirë dhe s’kërkon aftësi të mëdha, për sa kohë që ju gjeni përbërësit lehtësisht dhe…keni kohë!

Një maskë për flokë të ashpër nga më të njohurat në të gjithë botën, është ajo e bananes.

Maskë për flokë të ashpër me banane

Për t’i bërë sa më të butë flokët tuaj, merr një banane të qëruar, shtype në një enë dhe shtojini lëng arre kokosi (merrni arrën e kokosit dhe e shtrydhni vetë ose lëng i cili gjendet gati në farmacitë bimore), shtojini një lugë vajë ulliri. Trazojini bashkë gjersa të bëhët një maskë e njëtrajshme dhe aplikojeni në flokët tuaj, duke lënë pa lyer rrënjën.

Lërëni vetëm 5 minuta në flokët tuaj dhe më pas shpërlaheni me ujë të ngrohtë dhe shampoo.
Kjo maskë rekomandohet të bëhet 3 herë në muaj, gjersa t’i rikthehet vitaliteti flokëve tuaj.

Categories
Kuzhina

Makarona të dehura

Po po… mund t’i dehim edhe makaronat! Emrin makarona të dehura kjo pjatë e ka marrë për shkak të salcës aromatike me verë të kuqe.

Përbërësit:

  • 1 pras
  • 400 gr makarona
  • 1 gotë verë e kuqe
  • 50 gr djath pecorino ose kaçkavall
  • 30 gr gjalp
  • Kripë
  • Piper
  • Arrë moskat
  • 1 lugë e vogël sheqer

Pregatitja:

Makarona të dehura

E grijmë imët prasin dhe e kavërdisim bashkë me gjalpin në tigan. Më pas shtojmë verën sheqerin dhe arrën moskat dhe i lëmë për disa minuta në zjarr mesatar. Masën e pregatitur e hedhim në një mikser dhe aty shtojmë kripën dhe piperin dhe e grijmë deri sa të përftojmë një salcë homogjen. E hedhim sërisht salcën në tigan dhe shtojmë pak ujë nga zierja e makaronave. Shtojmë mbi të makaronat dhe djathin e grirë. Kjo pjatë mund të serviret me disa feta djathi dhe disa rrathë të hollë prasi.

Përgatiti: Romina Ziu