Categories
Showbiz

Ertugrul të sillet me forcë në gjykatë

Një gjykatë turke ka vendosur që aktori i njohur, Engin Altan Duzyatan, të sillet me forcë para trupit gjykues për të dhënë dëshminë e tij në lidhje me një grup hakerash që akuzohen se kanë vjedhur llogaritë e rrjeteve sociale të 58 personave VIP në Turqi.

18 persona, 3 prej të cilëve nën masën e sigurisë ‘arrest me burg’ po gjykohen për shantazh me qëllim përfitimin e shumave të mëdha të parave nga personazhet e njohur. Ata u vidhnin fjalëkalimet e rrjeteve sociale si Instagram dhe Tëitter këngëtarëve dhe aktorëve turq, e më pas i shantazhonin.

Në mesin e shumë personazheve të njohur që ranë pre e hakerave është edhe Nesliah Duzyatan, bashkëshortja e aktorit, Engin Altan Duzyatan i cili luan rolin e Ertugrul në serialin me të njëjtin emër.

Në seancë gjyqësore është thirrur si dëshmitar edhe Duzyatan. Mosparaqitja e të cilit ka detyruar trupin gjykues të vendosë ‘sjelljen e tij me forcë’ për të dëshmuar.

/tvklan.al

Categories
Film / Kinema

Ndërpriten xhirimet e Ertugrul

Xhirimet e serive të reja të telenovelës më të ndjekur dhe të dashur sidomos për publikun shqiptar, “Ertugrul”, janë ndërprerë menjëherë. Shkak për këtë ndërprerje është bërë një zjarr masiv që ka përfshirë të gjithë zonën gjatë setit, në Riva.

Zjarri shpërtheu papritur në gardërobën e aktorëve, duke djegur një pjesë të mirë të kostumeve që do përdoreshin gjatë filmit. Kompania e sigurisë është lajmëruar menjëherë pas shpërthimit në sheshxhirim dhe, përveç dëmeve materiale, nuk raporton për të lënduar në njerëz.

Sipas deklaratës së kompanisë së produksionit “Tekden Film”, në kontejnerët e kostumeve, një zjarr shpërtheu për shkaqe ende të papërcaktuara. Meqenëse një pjesë e kostumeve kanë rezultuar të papërdorshëm për shkak të përfshirjes nga flakët, kompania ka ndërprerë xhirimet deri në një kohë të pacaktuar.

Ndërkohë, policia po vijon hetimet për shkaqet e zjarrit, ndërsa fansat e aktorit kryesor kanë shprehur shqetësim edhe në rrjetet sociale duke kërkuar më shumë informacion për ngjarjen, e cila për fat të mirë, kaloi pa të lënduar, shkruan class.

Categories
Showbiz

Ertugrul ‘trondit’ tregun e filmit

Raportimet e fundit mediatike në Turqi flasin për largimin e personazhit kryesor, Engin Altan Duzyatan, nga seriali “Ertugrul”, në fund të sezonit dhe për një marrëveshje astronomike që ai pritet të firmosë me një tjetër kompani produksioni.

Analisti i “HT Magazin” Mustafa Dogan shkruan se kontributi i Duzyatan në kthimin e “Ertugrulit” në fenomen është shumë i madh ndërsa tashmë po korr frutet e punës së madhe prej tre vitesh.

Ai nënvizon se me 150 mijë lirat (33 mijë euro) që merr për çdo seri të re (që zakonisht transmetohet çdo javë nga tetori në Qershor), Duzyatan është në listën e aktorëve më të paguar në vend, por gjërat do të ndryshojnë vitin e ardhshëm.

Duzyatan është kthyer në një prej aktorëve më të kërkuar dhe që prej muajit Prill të vitit 2017 ka nisur kontaktet për projektin e radhës. Sipas “HaberTurk”, bisedimet kanë avancuar duke arritur në fazën e hedhjes së firmave.

Sipas gazetës turke, nëse kjo marrëveshje firmoset në kushtet e dakordësuara deri më tani, do të krijojë një tronditje në treg, pasi jo vetëm do ta bënte Duzyatanin aktorin më të paguar, por edhe me diferencë të madhe në krahasim me të tjerët.

Ai mund të marrë 4 milionë lira turke (rreth 900 mijë euro) vetëm për firmën dhe zotimin për angazhim përgjatë katër viteve të ardhshme, ndërkohë që për çdo seri të serialit të ri do të paguhet 250 mijë lira (55 mijë euro).

Mustafa Do?an paralajmëron se nëse marrëveshja firmoset me këto kushte, do të shkaktohet “tërmet” në treg, pasi edhe aktorët e tjerë do të kërkojnë shifra të tilla astronomike dhe nuk dihet nëse tregu do ta përballojë.

Ai madje paralajmëron edhe falimentimin e kompanive të produksionit, siç ka ndodhur me “Endemol Shine”, kompanisë që prodhoi “Fate të Kryqëzuara”. /tvklan.al