Categories
Dieta

Portokalli ndihmon rënien në peshë

Portokalli është një frut ideal për ta përfshirë në dietën tuaj, pasi ai është i pasur me fibra, ofron ndjenjën e ngopjes dhe ndihmon në rënien më të shpejtë nga pesha.

Dieta me agrume nënkupton që dita të fillohet me një portokall për drekë dhe darkë në pjatë të gjendet edhe një pjesë e bukës së thekur. Nuk lejohet konsumimi i pijeve alkoolike, ndërsa gjërat ushqimore duhet të konsumohen sipas radhës, nuk bën të anashkalohet asnjë prej tyre.

Dieta zgjat 15 ditë, përbëhet prej tri cikleve, që zgjasin nga pesë ditë. Me të mesatarisht humben shtatë kilogramë. Portokalli ofron ndjenjën e ngopjes. Dihet që vajrat e portokallit e reduktojnë urinë, por edhe me këtë, nuk gjen aplikim në terapitë dietetike për ndonjë afat më të gjatë.

Portokalli është i pasur me vitaminë C. Përveç kësaj e përshpejton sistemin e tretjes.

Portokalli më së miri do të ndihmojë në detoksimin e organizmit dhe kthimin e tretjes në funksion të plotë pas sulmit të sheqerit dhe yndyrave gjatë festave të fundvidit.

Categories
Shëndet

Dobite e qershive, frutat që na bëjnë të ndjehemi mirë

Qoftë forma e tyre e vogël, dhe e rrumbullakët, apo ngjyra mjaft tërheqëse, që na çon në fëmijëri. Qershitë, më shumë se një frut janë shija e sezonit.

Duke patur parasysh që kanë pak kalori, dhe shumë veti shëndetësore mos hiqni dorë prej tyre, por duhet të jenë të freskëta dhe të pjekura mirë.

Nuk dihet me saktësi se kur u përhap qershia në mesdhe, por sigurisht që bëhëet fjalë për rreth 3 mijë vjet më parë.

Mike të linjave

Qershitë të japin ndjesinë e ngopjes, e mbi të gjitha kanë pak kalori. Janë një vakti i mirë rifreskues për pasditet e nxehta të verës. Për më tepër, bishtat e qershisë të zjera me ujë, me pak kanellë dhe murriz krijojnë një çaj dezintoksikues, diuretik dhe qetësues, dhe shumë të nevojshme për të luftuar celulitin.

Një koncentrat të mirash

Këto fruta të vogla dhe të parrezistueshme përmbajnë vitaminë A, C dhe ato të grupit B. Janë një burim i fortë oligoelementesh dhe mineralesh, mes të cilave, hekuri, kaliumi, magnezi. Të pasura me antioksidantë, të nevojshme për të neutralizuar radikalet e lira dhe të luftojë plakjen.

Të japin energji

Sipas disa studimeve të fundit, qershitë janë një ushqim i rëndësishëm për ata që bëjnë sport apo një jetë aktive. Avantazhet më të mira merren duke pirë lëngun e tyre dhe disa kokrra në mëngjes.

Dhe për ta mbyllur me bukurinë

Përveçse të bukura për tu parë, qershitë na bëjnë dhe ne të bukur, sidomos lëkurën. Me 6 qershi të pjekura, një fetë kastraveci dhe një lugë kos natyral, i përzjen bashkë në mikser, e lë të pushojë 10 minuta, përgatit një maskë rifreskuese dhe rivitalizuese për tu aplikuar në zonën përreth syve. Në këtë mënyrë largoni qeset që formohen, rrudhat dhe shikimin e lodhur.

Por jo vetëm kaq. Me 150 gram tul qershie, në frulator dhe duke i shtuar një lugë vaj ekstra të virgjër, krijohet një maskë antirudhëqë lihet për 10-15 minuta.

Categories
Kuzhina

“Sangria”, Koktejli spanjoll i dashurisë

Sangria është një pije alkoolike e ëmbël me origjinë spanjolle, që shërbehet e freskët dhe konsumohet jashtë vakteve. Emri “Sangria” e ka prejardhjen nga fjala sangre, që do të thotë gjak, për shkak të ngjyrës së kuqe që ka . Kjo pije ka shumë variante recetash dhe ne do t’ju paraqesim një prej tyre. Gjithsesi linja bazë e Sangrias është : verë e kuqe, fruta dhe sheqer.

Përbërësit:

1 liter verë e kuqe

120 gr sheqer

1 shkop vanilje

2 shkopinj kanellë

6 copë karafil

1 gotë e vogël Brandy

1 mollë

2 portokall

2 limon

2 pjeshkë (mund të zëvendësohet më luleshtrydhe ose çdo lloj fruti tjetër )

500 ml ujë me gaz

Pregatitja

Zgjedhim një tas të madh mjaftueshëm që mund të mbaje përbërësit kryesorë si vera, sheqerin, likerin (brandy), aromatizuesit, po ashtu edhe lengun e një limoni dhe portokalli. Këto përbërës fillojmë t’i përziejmë mirë me njëra-tjetrën.

Më pas lajmë frutat, i heqim farat mollës dhe pjeshkëve dhe i prisim në kubik. Prisim në kubik edhe gjysmëm limoni dhe portokalli. Gjysmat e mbetura të limonit dhe portokallit i presim në feta .

I hedhim frutat tek tasi i verës dhe i përziejmë të gjitha bashkë. E vendosim Sangrian (masën) në frigorifer për disa ore (të gjithë natën nëse është e mundur). Kjo pasi e kemi mbuluar tasin me qese kuzhine. Në momentin e servirjes shtojmë ujin me gaz dhe pak akull.

Përgatiti: Romina Ziu

Categories
Shëndet

Gripi dhe frutat – më shumë fruta të mbani larg gripin

Fruta - Free for commercial use / No attribution required

Këshillohet pushim, konsumim të sa më shumë frutave dhe perimeve. Kjo ju ndihmon për të luftuar me sëmundjet sezonale si gripi, bronkiti apo të ftohurit.

Ndryshimet stinore nxisin sëmundjet

Me ftohjen e kohës shtohen edhe rastet e shqetësimeve të rrugëve të frymëmarrjes. Në fillim tek të sëmurët vihet re pak djegie fyti. Më pas kjo simptomë shoqërohet me simptoma të tjera si rrjedhje hundësh, kollë, lodhje dhe temperaturë.

Konsumimi i frutave dhe zarzavateve, i produkteve të pasura me vitamina dhe të veshurit mirë para daljes nga shtëpia janë faktorë shumë të rëndësishëm të cilët na mbrojnë nga infeksionet.

Edhe ilaçet janë efektivë

Në kurimin e këtyre shqetësimeve mund të përdoren spërkatës hundësh, gargara, spërkatës ose pastile për lehtësimin e dhimbjeve e fytit dhe shurup kundër kollës.

Edhe produktet e pasura me antioksidues luajnë një rol të rëndësishëm në largimin sa më të shpejtë të sëmundjes.

Categories
Shëndet

Forcimi i kockave me fruta dhe perime

Perime

Konsumimi i frutave dhe perimeve gjatë moshës së re ju ndihmon te forcimi i kockave dhe të keni kocka të shëndosha më vonë gjatë jetës.

Një hulumtim i realizuar kohë më parë ka vërtetuar se dendësia e kockave është më e madhe te personat që konsumojnë ushqim të pasur me fruta.

Autorët thonë se shpjegimi i këtyre rezultateve mund të jetë te ndikimi i frutave në nivelin e ekuilibrit acido-bazik në organizëm, në shkallën që është e dobishme për të pasur kocka të shëndetshme.

Megjithatë studiuesit thonë se ka nevojë për studime klinike shtesë, të cilat do ta konfirmon dhe qartësonin këtë lidhje.