Gërhitja është një tingull i ngjirur dhe i vrazhdë që krijohet kur keni bllokim të pjesshëm të frymëmarrjes gjatë gjumit për shkak të një problemi të caktuar.
Shpeshherë gërhitja mund të jetë tregues i problemeve serioze me shëndetin. Për më tepër, ajo mund të jetë shumë e bezdisshme për partnerin/en tuaj.
Më shumë se gjysma e të rriturve gërhasin në një periudhë të caktuar kohe gjatë jetës së tyre. Gërhitja ndodh kur ajri kalon në indet e fytit dhe shkakton vibrim të tyre ndërsa merrni frymë, prandaj krijohet edhe ai tingulli karakterizues.
Por a ka një kurë për këtë? Dr. Andrew Thornber, thotë se çelësi është ndryshimi i stilit të jetës. Këto janë këshillat për të ndaluar gërhitjen në mënyrë natyrale.
Përdorni produkte me mente
Masazhoni pak vaj menteje përreth hundës dhe ju ndihmon të hapni vrimat e hundës për të marrë frymë më mirë.
Mbajeni dhomën të lagësht
Ajri i thatë nuk ndihmon as hundën e as fytin, kështu që mbajeni dritaren pak të hapur.
Provoni shiritat e hundës
Shiritat ndihmojnë në hapjen e hundës, të ndihmon të marrësh frymë më lehtë dhe të lehtësosh të gërhiturat.
Ndodh shpesh të themi se gjatë ditës ndihemi të lodhur, se nuk kemi përqëndrimin e duhur, humorin dhe aftësinë për të bërë diçka. Gjithçka lidhet me gjumin dhe me aktivitetin e trurit tonë. Nëse flini aq sa duhet dhe siç duhet, ju do shihni që gjithçka do të jetë normalizuar.
Sekreti si të bëjmë gjumë të qetë?
Ja se cilat janë rregullat që duhet t’i vendosni vetes!
1. Respekto oraret
Flini çdo natë në të njëjtën orë. Vini re se kur ndjeni lodhje në mbrëmje, e kur të mos i rezistoni dot më, atëherë shkoni në shtrat për të fjetur. Zgjohuni në mëngjes gjithmonë në një orë fikse. Do shihni se nëse respektoni çdo natë orarin e gjumit, po në të njëjtën orë do zgjoheni çdo ditë, pa pasur nevojë për alarm.
2. Ndonjëherë “gjumë pasditeje”
Gjumë të shpejtë, për të rikthyer orët e humbura. Nëse ndodh që gjatë një dite nuk keni respektuar orarin e gjumit, atëherë rikuperojeni atë me dhjetë minuta. Do e shihni që do ndiheni më të freskët dhe më të çlodhur.
3. Shmang gjumin para gjumit
Jo gjumë, përpara gjumit. Ndodh të “kapni mat” veten ndonjëherë e të shihni se jeni duke fjetur në divan gjatë orëve të mbrëmjes. Zgjohuni! Bëni diçka që t’ju vërë në lëvizje dhe jini të përpiktë me orarin që i keni çdo natë.
Të shumtë janë ata njerëz të cilët ankohen për një gjumë jo të mirë! Ata shpesh për këtë fajësojnë organizmin e tyre! Por nuk është kështu, sepse janë disa sjellje para gjumit ato të cilat jua prishin atë. Mësoni disa zakone të këqija që ju dëmtojnë aktivitetin tuaj qetësues gjatë gjumit të natës:
1. Një darkë e rëndë:
Në darkë do të ishte mirë që të hani në mënyrë të ekuilibruar dhe sidomos të lehtë. Këtë duhet ta ktheni në një zakon. Kjo gjë do t’u bëjë mirë jo vetëm linjave tuaja, por edhe gjumit tuaj: disa studime kanë treguar se
sjelljet jo të rregullta të ushqyerjes, si ngrënia natën vonë, mund të dëmtojnë natën tuaj apo gjumin.
2. Përdorimi i pastës së dhëmbëve me mente:
Larja e dhëmbëve para gjumit është shumë e rëndësishme për higjienën orale, por përdorimi i një kolinozi me mente mund t’ju nxjerrë gjumin. Sipas disa kërkimeve, parfumi i mentes e stimulon trurin që të qëndrojë i zgjuar. Kështu që
më mirë zgjidhni një shije tjetër më “relaksuese” dhe të butë.
3. Jo librave romane:
Ky është një nga momentet e pakta në krevat para gjumit, kur ne i lejojmë vetes të
lexojmë një libër. Por për disa studiues, leximi është një aktivitet që stimulon emocione dhe ai është intelektualisht sfidues. Gjithsesi, këta janë dy faktorë që mund të prishin cilësinë e gjumit. Çfarë të lexoni? E preferueshme është një revistë sporti apo me thashetheme.
4. Duhani:
Mendohet se një cigare para gjumit ndihmon në qetësimin e nervave. Por nikotina është edhe një simulant, e cila e bën më të vështirë fazën e dremitjes. Kështu që më mirë për t’u qetësuar do të ishte një filxhan çaji me kamomil që
përkundër duhanit, nuk bën aspak keq.
5. Jo larjes së fytyrës me ujë të ftohtë:
Larja e fytyrës me ujë të ftohtë ndihmon në mbylljen e poreve, por ndërkohë e ndihmon trupin, që të çlirojë energji për të qëndruar ngrohtë dhe për të qëndruar i zgjuar. Provoni ta lani fytyrën me ujë të vakët mbrëmjeve dhe
atë të ftohtin “rezervojeni” për mëngjes.
6. Dritat në dhomë:
Drita e televizorit, ose e telefonit që karikohet nuk ju ndihmon që të flini, përkundrazi ajo e prish gjumin. Është provuar se emetimi i dritës blu ka impaktin më të madh në ritmin kardiak. Ndaj evitoni çdo lloj drite të tillë në dhomën e gjumit dhe karikojini celularët në sallon.
7. Krevati i ngrohtë:
Të marrësh “përkëdhelje” nga një shtrat i ngrohtë mund të duket një fillim i mirë për një natë çlodhjeje, por një rritje e temperaturës së trupit mund t’ju prishë gjumin. Edhe nxehtësia e parterit që fle pranë jush mund të
jetë një pengesë për gjumin. Ideale është një temperaturë pak më e ulët e krevatit dhe e ambientit të dhomës, por jo tepër e ftohtë.
8. Çaji me limon:
Mund të tingëllojë si një alternativë e mirë pas darkës! Por ai mund t’ju mbajë zgjuar gjithsesi! Përse? Aroma e limonit (dhe e agrumeve të tjera) mund të rrisë stimulimin mendor dhe nivelet e energjisë.
9. Jo ilaçe para gjumit:
Ka disa ilaçe të cilat përmbajnë Vitaminë B6 dhe B12 dhe të tjera, si asteroide, të cilat influencojnë negativisht gjumin. Flisni me mjekun tuaj për të gjetur ilaçe alternative, të cilat janë të përshtatshme për rastin tuaj. Shëndeti është mbi të gjitha dhe gjumi i keq për një kohë të gjatë është një rrezik shumë i madh.
10. Jo televizorit:
Sa më shumë televizor të shihni natën aq më pak orë gjumi do të bëni. Ideale do të ishte që të reduktonit në minimum impaktin me të, për të rikuperuar atë kohë për të fjetur më shumë. Dihet që ne kemi mesatarisht për 7 orë
gjumë, më pak se kaq nuk është aspak e shëndetshme.
