Categories
Të ndryshme

Dy çiftet më të forta të horoskopit që mund të qëndrojnë bashkë përjetë

Dhe ata jetuan të lumtur derisa shenjat e horoskopit i ndanë“, por jo në rastin e dy çifteve të mëposhtëm të cilët duket të jenë lidhur me zinxhirët e dashurisë deri në përjetësi. Si gjithmonë yjet na tregojnë se ndikimi i tyre në jetën tuaj është i pashmangshëm, aq më tepër kur bëhet fjalë për çështjet e zemrës dhe vazhdimësinë e një lidhjeje. Ja cilat janë shenjat që nëse bëhen çift, askush dhe asgjë nuk mund t’i ndajë dot më.

Luani dhe Peshorja

Luani është “pushtues” tipik që ndonjëherë i bën partneret të mërziten dhe tëe mos e durojnë dot, por i kombinuar me një Peshore, ai sillet tërësisht ndryshe. Luanët nga triumfues dhe ‘’pa ndjenja’’, shndërrohen në mbrojtësit më të mirë, madje shndërrimi i tyre shkon deri në atë pikë që të harrojnë nevojat e tyre vetëm që t’i përkushtohen Peshores. Ndërkohë nga ana tjetër, Peshorja i fal Luanit dashurinë e vërtetë, të pakushtëzuar dhe gjithëspërfshirëse për të cilën ka nevojë.

Virgjëresha dhe Ujori

Në këtë çift te zodiakut, është Virgjëresha ajo që “pushton” zemrën e Ujorit, sigurisht që falë strategjisë së saj që nuk mund të mos jetë po aq perfeksioniste siç është vetë Virgjëresha. Ujori bie pre e sharmit të kësaj të fundit dhe së bashku krijojnë një lidhje të pazakontë, por që reziston deri në përjetësi. Ujorët janë ëndërrimtarë te mëdhenj, ndërsa Virgjëreshat me pragmatike prandaj përmbushin njëri-tjetrin. Dashuria e tyre është e mbushur me emocione, të papritura, kujtime që lënë shenjën e tyre përgjithmonë. /Burimi ”YourTango”

Categories
Të ndryshme

Fëmijët sipas shenjave të horoskopit

Dashi është fëmijë problematik, Shigjetari një kureshtar, Binjakëve u jep një celular do të qetësohet, ndërsa me Luanët vetëm të sinqertë. Ja si janë fëmijët sipas shenjave të horoskopit.

Dashi

Fëmijët nën shenjën e Dashit, janë problematik dhe jo të qetë dhe me dëshirë pranojnë aktivitetet sportive apo ndonjë hobi tjetër interesant. Atyre gjithmonë u pëlqejnë gjërat interesante, sepse janë gjithmonë plot energji dhe i lodhin prindërit e tyre. Prindërit duhet të kenë kujdes që të mos i përkëdhelin ata shumë dhe të mos ua plotësojnë çdo dëshirë, sepse ata duan vetëm sipas tyre të bëhen gjërat.

Demi

Fëmija nën këtë shenjë është më i lumturi kur çdo gjë përreth tij është e bukur dhe në harmoni. E rëndësishme është që shtëpia të jetë e rregulluar, e rehatshme dhe gjithmonë të ketë ushqim të mjaftueshëm. Prindërit nuk duhet t’i bëjnë presion të bëj atë që ai nuk do, sepse rrezikohet të aktivizohet inati i tij. Bëni kujdes që të mos hajë tepër, sepse nganjëherë nuk ka masë.

Binjakët

Fëmijët nën shenjën e Binjakëve, janë të hareshëm, jo të qetë, flasin shumë dhe u pëlqen të udhëtojnë. Sa më vonë i jepni telefonin në dorë, sepse e adhuron këtë pajisje dhe mund të harxhojë shumë. Po ashtu, prindërit duhet të kenë kujdes se çfarë flasin para tij, sepse ai i regjistron dhe i mban në mend të gjitha. E pëlqen të lexojë, si gazeta ashtu edhe libra.

Gaforrja

Fëmija Gaforre është shumë i lidhur me nënën dhe shtëpinë dhe nuk i pëlqen njerëzit e panjohur. Është fëmijë posesiv edhe ndaj gjërave personale të cilat nuk dëshiron t’i ndajë me të tjerët, as me vëllezërit dhe motrat. Kanë natyrë shumë të ndjeshme dhe lehtë qajnë. U bëni një qoshe në shtëpi që do të jetë vetëm e tij.

Luani

Fëmija Luan e pëlqen që t’ia sqarojnë të gjitha, së prindërit të jenë të sinqertë dhe të hapur, por edhe ta lavdërojnë. Nëse nuk merr mbështetjen e duhur, mendon se diçka nuk shkon si duhet dhe fillon të dyshojë në veten e tij. Vetëbesimi i tij varet nga të tjerët. Kujdes që të mos e përkëdhelni dhe ia bëni me dije se jo gjithçka lidhet me paratë, sepse është i dhënë pas një qëndrimi të tillë.

Virgjëresha

Fëmijët nën këtë shenjë, janë tejet pedantë dhe të qetë. Mos e detyroni të hajë, sepse ushqimin nuk e ka kurrë të rëndësishëm. E pëlqen të vishet mirë, i ruan gjërat e veta, bën kujdes si sillet. Është i qetë dhe ka sjellje të mira, kështu që lehtë mësohet si të ulet në tavolinë, ta përdor si duhet pirunin, thikën… Nuk është një fëmijë që kërkon shumë, edhe pse është kureshtar.

Peshorja

Fëmijët në shenjën e Peshores, e pëlqejnë të shoqërohen dhe të ketë shumë njerëz përreth tij. E pëlqen shtëpinë e pastër dhe të rregulluar dhe prindër të sinqertë. Tek ata çdo gjë duhet të jetë në harmoni, sepse në të kundërtën do ta ketë të vështirë. Di të vlerësojë se çfarë është e mirë e çfarë e keqe, nuk i pëlqen të grindet. Nëse vjen deri te problemi, kjo ndodh për fajin e dikujt tjetër.

Akrepi

Fëmija nën këtë shenjë, është shumë grindavec, edhe me prindërit. Gjithçka duhet t’i përshtatet atij. Është vështirë të kënaqet, kështu që prindërit që nga dita e parë duhet ta mësojnë në kompromise dhe se nuk mundet gjithsecilit t’ia thotë atë që dëshiron, sepse mund t’i lëndojë të tjerët. Është përplot energji, prandaj duhet të regjistrohet në sport.

Shigjetari

Fëmija Shigjetar është i hareshëm dhe i trazuar dhe e pëlqen të luaj me fëmijët e tjerë. Prindërit duhet të sigurohen që ai të mos ndjehet i harruar dhe të ketë diçka për të hulumtuar. Tregimet për gjumë të mirë janë të detyrueshme. I pëlqen udhëtimet, ekskursionet.

Bricjapi

Fëmija nën shenjën e Bricjapit është shumë serioz dhe i përgjegjshëm. Prindërit duhet të luajnë me ta sa më shumë. E pëlqen të shtyjë kryerjen e detyrave, kështu që nga fëmijëria e hershme duhet mësuar për përgjegjësinë. Është fëmijë i qetë, por nuk e pëlqen ta ngacmoni. E do natyrën, shëtitjet, udhëtimet. Kryesisht ka raport më të mirë me nënën, sepse babain e ka të vështirë ta manipulojë.

Ujori

Fëmija nën këtë shenjë është shumë më i avancuar se bashkëmoshatarët e tij. Prindërit nuk duhet të lejojnë që ai të mos ketë ndonjë aktivitet. Fëmija i tillë e pëlqen të shoqërohet, kështu duhet llogaritur që shtëpia juaj të jetë përplot fëmijë të tjerë. Kur niset në shkollë, duhet të insistoni në shprehitë e punës, të shikoni si mëson dhe nëse i bën detyrat e shtëpisë.

Peshqit

Fëmijët nën shenjën e Peshqve, janë shumë të qetë dhe me ta është lehtë të komunikohet. Janë të dëgjueshëm, por mos e ngacmoni kur fle. Ky fëmijë është këmbëngulës, i përkushtuar, vetëm lavdërojeni dhe mundohuni që të mos i bëni shumë pyetje, sepse këtë nuk e pëlqen. Lejojeni të thotë se çfarë ndjen dhe çfarë dëshiron.

Categories
Të ndryshme

Pikat e dobëta të shëndetit për Dashin, Demin dhe Binjakët

DASHI: Pika e dobët – koka

Si shenja e parë e zjarrtë, dashi mishëron energjinë, karakterin luftarak dhe depërtueshmërinë. Është shumë impulsiv dhe drejt cakut shkon si i pakokë, sikurse krijesa në bazë të së cilës edhe e ka marrë emrin, ndaj shpesh edhe e pëson. Planet sundimtar e ka Marsin e zjarrtë, planet që në astromedicinë shihet si përgjegjës për ndezjet e forta dhe lëndimet, por gjithashtu edhe i aftë meritor për shërim të shpejtë dhe për ripërtëritjen e gjakut e të forcës. Dashi i udhëheq kokën dhe organet, të cilat ndodhen në të (truri, nervat, sytë, hunda, boshti i qafës, eshtrat e fytyrës), pastaj muskujt, nervat dhe motorikën. Sa herë që lëndohet gjithnjë tek ai e pëson koka, prandaj është shumë me rëndësi që të mbrohet. Dashi është së tepërmi nervoz dhe shumë i papërmbajtur në flirte sa shpesh nuk mendon se këto të fundit mund ti rrezikojnë edhe jetën. Për këtë shkak shpesh kurohet nga sëmundjet seksuale. Shpesh herë ka gjendje ftohjeje me temperaturë të lartë, dhembje koke..herë herë mund të vuajë edhe nga migrena, dhembja e dhëmbëve, stresi dhe tensioni i lartë.

Rekomandohet të përdorë ushqime të pasura me vitamina si ato C dhe E. E qetëson aroma e livandës.

Aktiviteti trupor: I përshtatet më së miri vrapimi. Shenja e Dashit e do trupin e tij dhe gjendjes së tyre psiko-fizike i përgjigjet jashtëzakonisht shumë aktiviteti i shtuar trupor. Për ta gjëja më e mirë është vrapimi herët në mëngjes, ende pa lindur dielli, ose në mbrëmje nëse nuk flenë herët. Pjesëtarët e kësaj shenje rregullisht shënojnë rezultate të mira në vrapime, madje më së shumti në sprinte. Vrapimi është zgjedhja ideale nëse duan që nga vetja ta largojnë ngarkesën psiko-fizike dhe energjinë negative. Më së miri do të ishte nëse do të vraponin në natyrë, por këtë mund ta bëjnë edhe në ambient të mbyllur në pista

DEMI: Fyti i ndjeshëm

Demi shenjë toke është shenja qendrore e pranverës së bujshme, ndaj edhe simbol i pjellorisë, i rritjes dhe i përparimit. Është jashtëzakonisht rezistues dhe këmbëngulës, megjithëse ka veprime të plogështa dhe të ngadalshme. Demi ka rezerva të mëdha të energjisë, por nganjëherë është dembel dhe i ngadalshëm, i gatshëm që vetëm të shijojë kënaqësinë e të ushqyerit, pijes dhe udhëtimit. Për këtë shkak është i ndjeshëm ndaj problemeve shëndetësore që lidhen me teprimet në të ngrënë dhe të pirë, trashësinë dhe nganjëherë edhe me buliminë. Pra demi rrezikohet gjithmonë nga mbipesha.Në trupin e njeriut kësaj shenje i takon pjesa ndërmjet kokës dhe krahëve: qafa, fyti, bajamet, gjëndrat mbrojtëse, vezoret (pjelloria), goja dhe zgavra e gojës (zëri, të ushqyeri).Më së shpeshti sëmuret nga çrregullimet e metabolizmit, sëmundjet e fytit, mbipesha ose në të kundërt humbja e oreksit, por mund të ketë probleme edhe me vezoret dhe gjëndrat mbrojtëse.

Me rëndësi është që të konsumojë ushqim të shëndoshë, të ushqehet me masë dhe të ushtrohet në palestër rregullisht. I ndihmon qëndrimi në natyrë, terapia aromatike dhe çajet e bimëve. Në vend të plogështisë dhe të dembelizmit që e ka shpesh do të duhej të fillonte me ushtrime të lehta trupore, me jogë, ose meditim në ambient në të cilin ndihet aroma e vajit eterik të livandës, rozmarinës dhe eukaliptusit.

Aktiviteti trupor: Aerobia ose lundrimi.

Ka rezerva të mëdha të energjisë, por nganjëherë është dembel dhe i ngadalshëm, i gatshëm që vetëm të shijojë kënaqësinë e të ushqyerit, pijes dhe udhëtimit.

Për këtë shkak është i ndjeshëm ndaj problemeve shëndetësore që lidhen me teprimet në të ngrënë dhe të pirë, trashësinë dhe nganjëherë edhe me buliminë.

Pa dyshim për femrat Dash aerobia është zgjidhje ideale, sepse ajo, krahas mënjanimit të humorit të keq dhe të energjisë negative, do të ndihmojë edhe që t’i humbin një sasi të madhe të kalorive, të cilat për demat janë armiku tradicional. Madje, edhe kur nuk janë në formë, ose ndiejnë se ushtrimet janë tepër të vështira, as edhe në një rast të tillë, nuk do të duhej të ndalonin, por do të duhej niseshin menjëherë në një shëtitje për t’i mbushur plot ajër mushkëritë. Për meshkuj sporti ideal është kanotazhi, sepse ai ua mundëson të lëvizin edhe duke qëndruar ulur!

BINJAKËT: Mushkëritë e rrezikuara

Binjakët janë shenjë ajrore e cilësisë së ndryshueshme, në aspektin e biznesit janë shumë të shqetësuar, kureshtarë, të shkathtë dhe të shumanshëm. U përgjigjet ritmi i shpejtë i të jetuarit, por ai do t’u shkaktojë telashe me lukthin (gastritin). Sikundër planeti sundimtar Merkuri, edhe ata merren me komunikimin mental dhe veprojnë si ndërmjetës mes mendimit dhe lëvizjes, që do të thotë se kanë të njëjtën detyrë sikur nervat. Sa i përket trupit të njeriut ata e udhëheqin pulsin, bronket, mushkëritë, veshin, daullet e veshit, krahët, bërrylat, tetivat, nyjat si dhe sistemin nervor.Nën ndikimin e tyre janë edhe funksionet e frymëmarrjes dhe enzimeve, pastaj qarkullimi periferik, sistemi periferik nervor dhe hemoglobina.Më së shumti janë të prirë që të pësojnë infeksion në vesh dhe në bronke, pastaj të kenë probleme me mushkëritë, alergjitë, lëndimin e ekstremiteteve, ngarkesën nervore, duke i shtuar edhe telashet me lukthin. Mangësia e tyre është se nuk janëforttëvendosur, kështu që vështirë heqin dorë nga ajo që ua ka ënda, e nuk janë edhe aq të disiplinuar në raport me udhëzimet e mjekut. Meqenëse udhëheqin rrugët e frymëmarrjes, do të duhej ta shmangnin jo vetëm pirjen e duhanit, por edhe vetë pirësit e duhanit! Më së shumti u përgjigjen pemët e bregdetit si limoni, portokalli dhe sidomos grejpfruti, ndërkohë që do të duhej të siguronin sasi të mjaftueshme të vitaminës B dhe të magnezit.

Aktiviteti trupor: Tenisi.

Aktiviteti më i preferuar sportiv i binjakëve është tenisi. Edhe kur nuk kanë ndonjë dëshirë për garë, tenisi ua ofron mundësinë e përmirësimit të reflekseve dhe të krijimit të aftësive për zgjidhjen e situatave jostabile. Rezultat i marrjes me këtë sport do të jetë vetëbesimi dhe këmbëngulësia, por gjithashtu duhet theksuar se tenisi i rrit edhe aftësitë intelektuale sikundër janë vëmendja dhe përqendrimi.

Categories
Të ndryshme

Zbuloni picën tuaj të duhur sipas shenjës suaj të horoskopit

Janë të paktë personat që nuk i duan picat: një Margarita apo një Katër Stinët, janë gjithmonë një zgjedhje e shkëlqyer për të organizuar darka fantastike në minutën e fundit, në shoqërinë e personave të dashur. Pica e duhur me shoqërinë e duhur mund të na bëjë vërtet më të lumtur! Tashmë çdo piceri ofron një larmi të madhe përbërësish, dhe në bazë të shenjës zodiakale, mund të zbulojmë cilën picë na rekomandojnë yjet!

Dashi

Juve ju pëlqejnë shijet e forta, por në të njëjtën kohë ato të thjeshtat dhe të vërtetat. Pica juaj ideale sigurisht do të ishte Diavola, pica klasike me sallam djegës që kënaq shijen tuaj. Vaji pikant nuk duhet të mungojë kurrë në tavolinën tuaj dhe është argëtuese t’iu shohësh, kur me padurim ekstrem, prisni që t’iu shërbehet. Është shumë e rëndësishme që ajo të mos ftohet, sepse një picë e ftohtë do t’iu bënte të humbisni dëshirën e madhe për ta gllabëruar atë.

Demi

Madhësia e picës tuaj duhet të jetë jashtëzakonisht e madhe: nuk mund të rrezikoni që të jeni të uritur edhe pas ngrënies. Nuk ju pëlqejnë picat e lehta dhe zakonisht i refuzoni brumërat dhe drithërat. Të shihni një picë pa mocarela ju trishton dhe ju trondit. Pica juaj ideale është Bismark, me proshutë të gatuar dhe vezë. Kjo bombë e vogël me kalori është në gjendje të kënaqë shqisat tuaja dhe të sjellë përsëri humor të mirë në fytyrën e atyre që humbasin kohë duke numëruar kalori.

Binjakët

Natyra juaj e dyfishtë nuk mund t’ju çojë tjetër veçse te pica Mari e Monti. Nuk ka rëndësi qoftë me përbërës nga deti apo nga toka. E shijoni picën edhe më shumë duke biseduar me miqtë. Ju pëlqejnë përbërësit e pazakontë dhe një nga të preferuarit e tu mund të ishte mishi i derrit së bashku me karkalecat. Nëse lodhesh, zbaton një nga sjelljet që zakonisht i adopton edhe në dashuri: e lë atë në pjatë.

Gaforrja

Po të ishte për ju, do ta bënit të ëmbël edhe picën. Dhe në të vërtetë përpiqesh ta bësh shpesh, duke e kombinuar me nutella, sidomos në fund të vaktit. Nëse do duhej të zgjidhnit një prej tyre, atëherë Katër Djathrat do të ishte ideale për ju. Ëmbëlsia e djathërave të përzier të bën të ndjehesh si në shtëpi, edhe nëse jeni në restorant apo në piceri. Prekja e guximshme e gorgonzolas zbulon natyrën tuaj të vërtetë: pavarësisht butësisë tuaj të lindur, nuk tërhiqesh kurrë mbrapa.

Luani

Ju nuk kënaqeni me pak përbërës: ju doni një picë që t’iu kënaqë me shijet e larmishme, të ndryshme por të ndërthurura ndërmjet tyre. Një Stinët nuk të mjafton, i do të gjitha! Katër Stinët me proshutë të gatuar, kërpudha, artiçokë dhe ullinj të zi me siguri mund t’ju kënaqë. Një tjetër gjë që ju pëlqen kur porosisni pica, është t’i shoqërosh ato me gjizë të shijshme dhe sallam. Kënaqësia që provoni kur i hani, ju bën të ndiheni si në Olimp mes perëndive!

Virgjëresha

Për një person si ju është e rëndësishme të zgjidhni një dietë të ekuilibruar, që do të thotë një picë me brumë që tretet lehtë. Brumi është një nga të preferuarit tuaj dhe sa më i shëndetshëm të jetë, aq më i shijshëm bëhet në sytë tuaj. Dhe sa u përket përbërësve, nuk mund të heqësh dorë nga perimet sezonale. Dhe sigurohesh gjithmonë që pica juaj Ortolana të përmbajë perimet e pjekura në skarë dhe jo të skuqura. Duke qenë se kanë në përbërje karbohidrate, preferoni t’i hani në drekë.

Peshorja

Gjëja më e rëndësishme për ju në zgjedhjen e picës është që pica të jetë në pjatë, sepse ju e përçmoni ngrënien me duar. Dhe mundësisht do të doje një salcë të rafinuar dhe të sofistikuar. Nuk ju pëlqen ta ekzagjeroni, përveçse në cilësinë e përbërësve: mocarela DOP, domate San Marzano, borziloku i freskët dhe vaji Evo mund ta bëjnë një picë Margherita gjënë më të mirë që mund të shijoni me shoqërinë tuaj. Edhe aroma e rigonit nuk ju shqetëson aspak.

Akrepi

Ju jeni një person tepër i rezervuar dhe misterioz për t’u treguar të tjerëve përmbajtjen e picës tuaj. Pica juaj ideale nuk mund të ishte tjetër veçse Kalcone. Të pëlqejnë në furrë, por nuk keni frikë të guxoni t’i shijoni edhe në versionin e skuqur, shkruan shqip. Në brendësi të saj mund të zbulohen shijet e thjeshta dhe delikate të domates dhe mocarelës, ashtu edhe shijet më të forta dhe aromatike të sallamit dhe brokolit. Me një picë të nxehtë do të duhej edhe një birrë e ftohtë!

Shigjetari

Për ju pica është sinonim i alegrisë dhe argëtimit. Ju pëlqen të frekuentoni restorantet dhe piceritë më të njohura të momentit, por nuk iu mërzisin as picat e prera, që mund t’i hani duke ecur rrugës. Ndër të preferuarat tuaja është padyshim pica klasike Wurstel e patatine ((nëse ka, madje edhe me majonezë) që ju mund ta shijoni edhe në çdo qytet. Nuk ka rëndësi nëse brumi është i hollë apo i ngjeshur, por mund të jetë një argument i mirë për të biseduar me picierin dhe për të treguar gjithçka që ju dini.

Bricjapi

I dini përmendsh menytë e picerive, sidomos çmimet. Kursimi është një nga prioritetet tuaja dhe kur bëhet fjalë për pica, pasi të keni gjetur picerinë më të mirë për cilësinë dhe çmimin, tenton ta bësh atë një vend të përhershëm. Ndër picat tuaja të preferuara është sigurisht Boscaiola, tradicionale me kërpudha, suxhuk dhe shampanjë, e shijshme edhe në versionin e saj të bardhë. Nëse e porosisni në shtëpi, është mirë ta falënderoni personin që ua ka dërguar.

Ujori

Ju pëlqen të shfletoni menynë, për të kërkuar picën më ekstravagante dhe origjinale. Tek shijet tuaja të preferuara përfshihen prodhimet e detit dhe ju pëlqen ideja e përputhjes së tyre me mocarelën apo me djathërat e tjerë. Pasi ke eksperimentuar me përbërësit më të çuditshëm si ananasi, apo misri dhe xhenxhefili, tani drejtohesh tek Pica e shefit. A do të habiteshit po t’iu propozonin një picë të mirë napolitane? Mos e nënvlerësoni fuqinë dhe mirësinë e gjërave të thjeshta – ato mund t’iu mahnisin me të vërtetë!

Peshqit

Pavendosmëria në zgjedhjen e picës ju shoqëron gjithmonë. Ju pëlqejnë nga pak të gjitha, por keni frikë se ndoshta disa gjëra të gatuara në një mënyrë të caktuar mund t’iu bëjnë keq. E vlerëson shumë pastërtinë e lokalit dhe gjithmonë kontrollon që pirunjtë dhe gotat të jenë të pastra. Pas pak minutash kamerieri do të vërë re se Kapricoza është pica që keni porositur! Por a jeni të sigurt se “një picë kapricoze pa proshutë dhe kërpudha, me ullinj dhe patëllxhan” nuk ka një emër tjetër?

Categories
Të ndryshme

Gabimet e 12 shenjave të horoskopit

Dashi

Pjesëtarët e kësaj shenje janë tepër eksplodues kryesisht për shkak të xhelozisë. Atyre iu pëlqen që të kërkojnë arsye për grindje edhe aty ku ajo nuk ekziston. Janë mjeshtër të vërtetë të agresivitetit pasiv, prandaj nëse ndonjë gjë nuk iu shkon për shtati, atë do t’ua thënë troç edhe atë, jo një, por disa herë, transmeton gazeta Kosova Sot Online.

Demi

Kjo shenjë e mundon partnerin me anë të injorimit. Si edhe te Dashi, Demin më së shpeshti në dashuri e mundon xhelozia. Partnerin mund ta mundojnë edhe duke aktruar se çdo gjë është në rregull. Në fund, nëse doni që grindja të marrë fund, duhet t’i thoni Demit se ai ka pasur të drejtë.

Binjakët

Binjakët kurrë nuk janë të kënaqur. Pjesëtarët jo stabilë të kësaj shenje, në lidhje më së shumti janë të përqendruar te vetvetja, e nga ana tjetër presin që vazhdimisht të angazhohet rreth tyre. Me qëllim nxisin xhelozinë te partneri. Fjalët e rënda dhe ofendimet nuk janë të huaja për ta.

Gaforrja

Pjesëtarët e kësaj shenje lehtë preken. Gjëja më e keqe te Gaforrja është mu fakti se mund të preken pa marrë parasysh çka iu thoni. Janë të preokupuar me atë se çka mendojnë të tjerët, e kur të zemërohen bëhen pa ndjenja dhe të gatshëm që përgjithmonë ta “fshijnë” atë që i ka lënduar.

Luani

Luani gjithmonë gjen arsyetim për veten e vet. Pjesëtarët e kësaj shenje i dinë dobësitë e partnerit të vet dhe sa herë që ndihen të rrezikuar, do ta refuzojnë fajin, vetëm që vetë të duken më të mirë. Bëhen tepër të padurueshëm nëse nuk e marrin vëmendjen që e presin dhe që mendojnë se e meritojnë.

Virgjëresha

Është e pamundur që të plotësohen të gjitha pritjet dhe ambiciet e Virgjëreshës. Pjesëtarët e kësaj shenje gjithmonë janë të gatshëm që të kritikojnë, e më të ashprit janë ndaj partnerit të tyre. Nëse çdo gjë nuk është e përkryer, qoftë edhe në dashuri, ata menjëherë shqetësohen. Mund ta përcjellin partnerin, meqë janë posesivë.

Peshorja

Peshorja gjithmonë di më mirë se ju. Me pjesëtarët e kësaj shenje njeriu e ka vështirë ta dijë se ku qëndron, meqë për gjëra të parëndësishme mund ta ndryshojnë qëndrimin dhe disponimin. Ata mendojnë se e dashura e tyre duhet t’i dëgjojë për gjithçka, prandaj edhe e luajnë rolin e atij që i di të gjitha.

Akrepi

Pjesëtarët e kësaj shenje nuk janë stabilë në dashuri. Ata janë të prirë ndaj aferave dhe flirtit. Janë të prirë edhe për manipulime dhe rrena, vetëm që ta realizojnë qëllimin e vet. Nëse i turpëroni në shoqëri, zor se do t’ua falin këtë. Nuk hezitojnë edhe t’ju sulmojnë me mënyra të poshtra, transmeton gazeta Kosova Sot Online.

Shigjetari

Shigjetari gjithmonë veten e vendos në rend të parë. Edhe pse është i gatshëm që të përbetohet për dashuri të përhershme, ai vazhdimisht e shikon vetëm atë që i përshtatet atij dhe si ta kthejë situatën në dobi të vet. Nëse gaboni, ata ju mbajnë ligjërata, por nëse ju tentoni ta bëni një gjë të tillë, kur ata gabojnë, pjesëtarët e kësaj shenje do të ofendohen rëndë.

Bricjapi

Kjo shenjë e çmend partnerin e vet me kërkesa. Sikur edhe Virgjëresha, Bricjapi ka pritje të shumta nga partneri, gjë që e thekson vazhdimisht. Mund të mendojë diçka, e të thotë diçka krejt tjetër. Pjesëtarët e kësaj shenje janë në gjendje që t’i fshehin mirë ndjenjat e veta dhe insistojnë që problemi nuk qëndron te ta.

Ujori

Ujori nuk di çka d.m.th. të jesh partner i përkushtuar. Pjesëtarët e kësaj shenje janë aq krenarë me veçantinë e vet, saqë afër tyre askush nuk mund të ndihet i dashur. Adhurojnë që të mbajnë inat, por edhe të aktrojnë, vetëm e vetëm që t’i realizojnë qëllimet e veta. Nëse i lëndoni, do t’ua kthejnë dyfish.

Peshqit

Peshqit i fshehin frikët e tyre me anë të akuzave. Janë të vetëdijshëm për angazhimin e vet të madh në dashuri, prandaj kanë frikë se partneri nuk do t’ua kthejë me të njëjtën masë. Vazhdimisht e testojnë dashurinë e partnerit, e shpesh bëhen xhelozë pa kurrfarë arsyeje.