Categories
Kuzhina

Brusketa me hudhra

Brusketa me hudhra. Brusketat janë tashmë një ndër recetat më të lehta për t’u realizuar dhe ndër më të shijshmet për të gjithë ne. Sidomos kur nuk ke në plan të gatuash diçka të rëndë për darkë apo edhe kur keni uri pasditeve kur ktheheni nga shkolla, puna etj.

Sot do të ndajmë me ju recetën e një ndër brusketave më të pëlqyera në të gjithë botën.. ajo me hudhra.
Hudhra njihet si një ndër “recetat” kundër shumë sëmundjeve, duke iu referuar burimeve popullore dhe kurave të ndryshme.

Megjithatë, edhe përdorimi i tyre në kuzhinë është tepër i zakontë.

Përbërësit:

Feta buke të bardhë
Vaj ulliri
Majdanoz
Hudhra
Djathë kaçkavall ose parmixhan

Përgatitja:

brusketa me hudherMarrim fetat e bukës dhe i vendosim në një tavë, duke mos harruar vendosjen e një fijeje letër alumini kuzhine poshtë tyre. Për gatimin e brusketave, numri i fetave të bukës mbetet sipas dëshirës suaj, mesatarish në një tavë vendosim 5 të tilla.

Marrim dy thepinj hudhër dhe pasi i qërojmë, i fusim në një grirëse perimesh (ose i shtypim ato në mungesë të grirësit) dhe shtojmë më pas vaj ulliri natyral, gjethet e majdanozit.

Pasi përzjerja të jetë realizuar sic duhet, e shtrojmë atë në fetat e bukës dhe në fund, para se tavën ta fusim në furrë, shtojmë djathin e grirë kaçkavall ose më e preferuar mbetet djathi parmixhan.
Furrën pregatiteni më parë ne një temperaturë 150-180 gradë dhe pjekja nuk zgjat më tepër se 15 min.
Ju bëftë mirë!

Categories
Shëndet

Dobitë e hudhrës

Dobitë e hudhrës

Dihet që pasi konsumohet hudhra, goja mban erë të keqe, por nga ana tjetër, ajo që pak e dinë është se hudhrat janë të pasura me antioksidues cilësi kjo që ndihmon shëndetin në shumë drejtime.

Prej kohësh tashmë ka qenë i njohur fakti se hudhra ka efekte antioksisuede, por resia që vjen së fundi është se lloje të ndryshme të hudhrës kanë sasi të ndryshme të përbërësve me efekt mbrojtës.

Studiuesit në SHBA thonë se sa më e fortë të jetë hudhra, aq më e shëndetshme dhe më e pasur me antioksidues është ajo.

Gjatë një studimi ku janë analizuar 10 lloje të hudhrave është treguar se llojet të cilat kanë shije më të theksuar kanë edhe veprim më të lartë antioksidues, cilësi kjo që i jep mundësi më të mira për të shkatërruar radikalet e lira.

Radikalet e lira janë mbetje të cilat krijohen gjatë procesit të oksidimit të cilat shtojnë rrezikun për sëmundje të ndryshme, përfshirë edhe ato kanceroze.

Pse ky efekt pozitiv i hudhrës?

Hudhra prodhon një kimikat të quajtur allicin. Ky është përbërësi që me sa duket e bën hudhrën të ketë efektet pozitive në shëndet që ajo shfaq. Allicin gjithashtu është përgjegjës për erën jo të këndshme që ka hudhra. Ekziston mundësia që me disa produkte t’i largohet era e hudhrës, por kjo gjtihashtu do të largonte edhe disa nga dobitë e saj.

Categories
Kuzhina

Speca me hudhra dhe uthull

Përbërësit e recetës për speca me hudhra dhe uthull:

1 kg speca
3-4 lugë vaj,
3-4 thelpinj hudhra,
2 lugë uthull,
kripe, piper e erëza të tjera sipas dëshirës

Përgatitja:

Mirë është që specat t’i zgjedhim në ngjyra të ndryshme. Pasi i lajmë, u heqim farat dhe bishtat i presim për së gjati. I kaurdisim në zjarr mesatar, mbulojini me kapak që të gatuhen edhe nga avujt. U shtojmë kripën dhe piperin dhe kur te jenë zbutur i heqim nga tigani. Më pas u shtojmë hudhrën e shtypur dhe uthullën dhe i përziemë. Mund t’i shërbejmë direkt ose edhe të ftohta. Shkojnë shumë me mish por mund të konsumohen edhe si pjatë e vetme.