Categories
Shëndet

Si te largoni rrathët e zinj poshtë syve

Ndoshta ajo që nuk e keni konsideruar asnjëherë është se sodën e bukës mund ta përdorni edhe për qëllime kozmetike.

Kur bëhet fjalë për kozmetikën, soda e bukës mund të jetë një zëvendësues fantastik për mirëmbajtjen e lëkurës. Shpesh konsiderohet më e mirë se sa produktet e shtrenjta kozmetikore, të cilat përpos që nuk kanë efektin e dëshirueshëm, përmbajnë edhe shumë kemikalie dhe kanë efekte anësore.

Soda e bukës zgjedh edhe problemet me akne dhe skuqjen e acarimin e lëkurës, transmeton Klan Kosova.

Poashtu, ndoshta ju nuk e dini që soda e bukës gjendet në shumë produkte kozmetike e maska që ne i përdorim për të mirëmbajtur lëkurën tonë.

Por, ne mund ta përgatisim një maskë natyrale shumë lehtë edhe vetë në shtëpi, madje një maskë krejtësisht natyrale dhe pa kemikalie.

Maska që do të gjeni më poshtë mënyrën e përgatitjes së saj, është shumë e mirë për të eliminuar rrathët e zinj poshtë syve, qeskat poshtë syve ashtu si edhe ënjtjen e syve.

Çfarë u duhet?

  • 1 lugë gjelle sodë buke
  • 1 filxhan çaj kamomili organik

Si ta përgatisni?

Përzieni sodën e bukës me çajin e ngrohtë të kamomiles. Merrni një pambuk dhe lageni në të, e më pas vendoseni poshtë syve dhe lëreni të qëndrojë për 15 minuta.

Më pas mund ta pastroni fytyrën, dhe të vendoseni një vaj esencial, mundësisht vaj kokosi.

Përdoreni këtë maskë në mënyrë të rregullt për të eliminuar qeskat dhe rrathët e zinj poshtë syve, ashtu si edhe për të ripërtrirë lëkurën.

Categories
Dieta Shëndet

Dobitë e brokolit në shëndet

Çfare përmban brokoli?

Brokoli është shumë i pasur me vitamina dhe minerale.

  • Përmban vitamin A në formë të beta-karotenit.
  • Një brokul e mesme përmban më shumë vitamin C sesa një portokal.
  • Brokoli është burim i pasur i Vitaminës të grupit B si : B1, B2, B3, B5, B6 B9 (acid folik)
  • Në përmbajtjen e brokolit është e pranishme edhe vitamina K
  • Mineralet të cilat gjenden në sasi të madhe në brokoli janë: hekuri, kalciumi, kaliumi, magneziumi dhe zinku.
  • Brokoli është i pasur edhe me fibra.

Përse të hamë brokoli?

Brokoli u takon perimeve që e ruajnë shëndetin tonë dhe lufton shumë sëmundje si janë:

Sëmundjet e zemrës: Përveç antioksidanteve të përmendura më lart, brokoli ka përmbajtje të lartë ne fibra, beta-karotene, acide yndyrore omega-3 dhe vitamina të tjera që ndihmojnë në uljen e kolesterolit të keq si dhe mbajne zemrën te funksionoje siç duhet duke rregulluar-presionin e gjakut.

Anemia: Anemia është e lidhur direkt me mungesën e hekurit dhe disa proteinave. brokoli është i pasur me të dyja dhe kështu formon një zgjidhje të shkëlqyer për anemi. Tani, le të kemi një vështrim në të gjithë përbërësit e pranishëm në brokoli. Ata janë karbohidratet, omega-3 acidet yndyrore, proteina, vitamina A, B kompleks, C dhe E, beta-karotenet, kalciumi, hekuri, magnezi, fosfori, kromi, kalium mangani, glucoraphanini, dindolylmethani, zeaxanthini, uji dhe fibrat.

Kanceri: Brokoli eshte luftuesi natyror për shumë lloje të kancerit, duke përfshirë kancerin e gjirit, kancerin e mitrës, kancerin e prostates, kancerin e organeve të brendshme si mushkëritë, mëlçinë, zorrën e trashë, veshkat etj. Por brokoli është veçanërisht i mirë për kancerin e gjirit dhe kancerin e mitrës sepse ajo heq estrogjenin, shtesë nga trupi. Kjo për shkak të pranisë së fortë anti-kancerogjene si sulforaphane, dindolylmethane, beta-karotene, selen dhe vitamina të tjera si-vitamina C, vitamina A dhe-vitamina E, zinku, kaliumi dhe disa aminoacide, të cilat janë efikase kundër agjenteve kancerogjenë.

Çrregullimet në stomak: brokoli është shumë i pasur me fibra dhe mund të kurojë pothuajse të gjitha çrregullimet e stomakut me shërimin e kapsllëkut sepse kapsllëku është rrënja e pothuajse të gjitha çrregullime ne stomak. Fibrat formojne pjesën më te madhe te ushqimit, ujit dhe ruajnë formën e zorrëve. Magnezi dhe vitaminat e pranishme në brokoli kurojnë aciditetin për të lehtësuar tretjen e duhur dhe thithjen e ushqyesve nga ushqimi dhe zbusin barkun me uljen e inflamacionit.

Efekt detoksikues: Prania e vitaminës C, sulfurit dhe disa aminoacideve e bëjnë brokolin një detoksikues shumë të mirë. Ai ndihmon në heqjen e radikaleve të lira dhe toksinave nga trupi si acidi urik duke pastruar gjakun dhe mbajtur larg probleme që lidhen me toksinat si skuqjen, artritin, reumatizmat, calculi i veshkave, sëmundje të lëkurës si ekzemë dhe acarime, etj .

Kujdesi i lekurës: Per mbajtjen e lëkurës tuaj të re dhe me shkëlqim merita i takon antioksidanteve si beta karoteni, vitaminës C dhe ndihmësave të tjerë si kompleksi i vitamines B, vitaminës E (vitamina E i jep shkelqim lëkurës tuaj, flokëve dhe ngjall indet e lëkurës), vitamines A & K, acideve yndyrore omega 3, aminoacideve dhe folateve te pranishëm në brokoli.

Kujdesi për sytë: Kryesisht Zeaxanthin dhe pastaj Beta-karotene, vitamina A, fosfori dhe vitamina të tjera të tilla si, C, B kompleks dhe E janë shumë të mira për shëndetin e syrit. Këto substanca mbrojnë sytë kundër perdes së syrit si dhe riparimin e dëmeve nga rrezatimet UV.

Shendeti i kockave: Duke qenë shumë i pasur me kalcium dhe vitamina të tjera të tilla si, zinku magnezi dhe fosfori, konsumimi i brokolit është shumë i dobishëm veçanërisht për fëmijët, të moshuarit dhe gratë shtatzëna ose nënat në gjidhënie, sepse këta njerëz janë më të prirur për osteoporozën, dobësimin e kockave, dhëmbëve, etj, nga mungesa e kalciumit.

Imuniteti: Substancat përgjegjëse për ngjyrën e gjelbër tek brokoli, vitamina C, beta-karoteni, si dhe vitaminat e mineralet tjera si seleni, bakri, zinku, fosfori etj, forcojnë sistemin imunitar si dhe na mbrojnë nga infeksionet e shumta.

Shtatzënia: brokoli është ushqim thelbesor për shtatzanat sepse është i pasur me proteina, kalcium, vitamina, anti-oksidant, detoksifikues, hekur, fosfor te cilët e bejnë një komponent ideale për dietat. Duke qenë i pasur me fibra, brokoli gjithashtu mban larg kapsllëkun i cili është shumë i zakonshem gjatë shtatëzënisë.

Categories
Shëndet

8 mënyra natyrale për energji në mëngjes

Gratë e jetës moderne konsiderohet të ndihen të lodhura, por nuk ka nevojë që ju të mbështeteni vetëm tek kafeina për t’u ndjerë e gjallë. Provoni këto mënyra:

1. Ndriçimi

Drita është një mënyrë natyrale që i tregon orës tuaj të brendshme se është koha të filloni ditën. Lërini grilat apo perdet hapur ose gjeni një burim drite që t’ju stimulojë dritën e diellit.

2. Ngrihuni menjëherë nga shtrati

Rezistojini opsionit “snooze” për të fjetur disa minuta ekstra kur bie zilja e zgjimit. Është më mirë të çoheni nga shtrati kur sapo ju del gjumi.

3. Lëvizni

Bëni pak yoga mëngjesi që konsiston në shtriqjen dhe tërheqjen e gjymtyrëve dhe muskujve të trupit.

4. Hani diçka me vaj kokosi

Trigliceridet në vajin e kokosit janë veprues të shpejtë si burim energjie dhe mund të veprojnë më shpejt kafeja.

5. Hani mëngjes të pasur me proteina

Një vakt i pasur me proteina ndihmon qelizat e trurit të funksionojnë siç duhet, gjithashtu një vakt i tillë ju ndihmon kur keni një gjendje mendore të lodhur (gjithashtu, ju jep ndjenjën e të qenit e ngopur dhe nuk do të ndjeni uri).

6. Evitoni të ngrënit natën vonë

Të konsumosh një vakt të rëndë para se të shtrihesh për të fjetur, në mëngjes do zgjohesh me ushqim të mbetur në stomak. Nëse keni neps natën hani diçka me jo më shumë se 150 kalori.

7. Pini ujë në mënyrë konstante

Mungesa e pirjes së ujit ju shkakton dehidratim. Mundohuni të jeni e hidratuar gjatë ditës.

8. Flini më shumë çdo ditë

Provoni që nga e hëna në të premte të shtriheni për të fjetur 45 minuta më herët, çka ju mundëson katër orë gjumë ekstra gjatë javës, kështu që s’ka arsye pse të mos ndiheni plotësisht e çlodhur.

Categories
Dieta

Dieta jeshile për një javë

E përse të mos provojmë të ndryshojmë një herë, të paktën për një javë, mënyrën e të ngrënit? Nuk bëhet fjalë vetëm të biem në peshë, por edhe për t’u pastruar dhe ndihmuar organizmin të rigjejë vitaminat dhe kripërat minerale të cilat jo gjithmonë ne i gjejmë në ushqimin tonë të përditshëm. Nuk është ndonjë mundim i madh të mbahet kjo diete për një javë, madje nëse ju bën mirë mund ta përdorni edhe një javë më shumë. Rënia në peshë është e garantuar, por mbi të gjitha trupi do të fitojë freski dhe do të pastohet nga toksinat e akumuluara. Në këtë javë nuk përdoret mishi i kuq dhe ushqimet e rënduara me yndyrna. Aplikohet vetëm një herë në javë mishi i bardhë i pulës, dy herë në javë peshku dhe  toni si edhe u jepet rrugë e lirë perimeve dhe frutave, pothuajse në çdo vakt.  Rekomandohet që frutat të jenë to të stinës, si rrushi, pjeshka, portokallja. Të pandara në sallatë janë lëngu i limonit dhe vaji i ullirit. Veçojmë një përdorim të madh të çajit të malit.

E hënë

Mëngjes-një frut, çaj mali, dy biskota pa shumë sheqer

Drekë-sallatë jeshile me një lugë të vogël vaj ulliri dhe lëng limoni, 50 gr oriz

Pasdite-një gotë me lëng portokalli

Darkë-perime të pjekura dhe supe

E Marte

Mengjes- qumesht me dy biskota, një frut

Drekë-sallatë jeshile, 60 gr spageti një frute

Pasdite-kafe me dy biskota

Darkë-sallatë jeshile dhe peshk ton, një fetë buke e thekur dhe një mollë jeshile

E Mërkurë

Mengjes-Çaj jeshil me dy biskota dhe nje frut

Drekë-Fasule dhe sallate me lakra të zjera dhe të përgatitura me vaj, limon e hudhra

Pasdite-Ananas

Darkë-Supe me perime

E enjte

Mëngjes-Lëngu i tre portokalleve dhe gjysmë limoni dhe dy biskota

Dreke-Sallate me rukole dhe sallatë jeshile dhe një hamburger vegjetal , dmth pa qofte përgatitur në shtëpi në tost

Pasdite-Leng portokalli

Darke-Supe me limon dhe rrush

E premte

Mengjes- Kos frutash dhe nje frute

Drekë-Sallate, burani me dy veze te zjera

Pasdite-Leng portokalli

Darke-Karçofe te zjere dhe 50 gr makarona me salce domateje

E shtune

Mëngjes: Çaj mali me tre feta biskote dhe nje frut

Dreka-Sallate me fasule te zjera, karrota dhe qepe dhe peshk

Pasdite-nje kos frutash

Darke- supe me perime dhe frute

E diele

Mengjes- Miks frutash dhe çaj mali

Drekë-Sallatë jeshile mish pule dhe fruta

Pasdite-leng portokalli

Darkë-spinaq i zjerë përgatitur sallatë, peshk ton dhe një mollë

Categories
Kuzhina

Si përgatitet turshi panxhari i kuq: Sallata më e shëndetshme në botë!

Panxhari i kuq është perime shumë e shëndetshme, e cila përdoret në kulinari dhe në mjekësi.

Është i pasur me vitamina, thartirë folike dhe me kompleksin e vitaminave B (B2, B6), ndërkaq nga mineralet përmban natrium dhe kalium, por përmban edhe jod.

Më e freskët është me fletë të cilat rikujtojnë panxharin. Nëse nuk keni të freskët, panxhari i kuq mund të jetë i vjetër edhe 2 – 3 javë, ndërkaq kur e zgjidhni, zgjidhni ato që kanë mish, fruta të forta ngjyrë të zjarrtë, transmeton Telegrafi.

Përbërësit:

  • 5 kg panxhar të kuq,
  • 500 ml uthull,
  • 2 l ujë,
  • 60 g krip,
  • 80 g sheqer,
  • 1 qese e vogël konservans

Përgatitja:

Panxharin e kuq lajeni, hiqjani majat nga të dyja anët.

Rendisni në tenxhere të madhe dhe të thellë, qitni ujë.

Duhet të kenë mjaft ujë sepse duhet të zihen gjatë, së paku 2 orë.