Categories
Tech

Kafeja dhe teknologjia e lartë “Blockchain”

“Blockchain” – teknologjia që përdoret për menaxhuar dhe mbrojtur në mënyrën më të mirë dhe më të sigurtë të dhënat – njihet si motori pas monedhës dixhitale “Bitcoin”. Aktualisht, një importues amerikan po e përdor këtë teknologji për të përmirësuar jetën e fermerëve të kafesë në disa nga komunitetet më të varfëra në Amerikën Qendrore.

Ivonne Herrera ka një plantacion kafeje në kodrat mbi Santa Rosa de Lima, rreth 40 kilometra larg kryeqytetit të Guatemalës.

“Do të kemi të ardhura të mira nga kafeja. Kemi investuar për këtë dhe sivjet po shohim rezultatet e dy viteve punë” , thotë ajo.

Sikurse shumica e fermerëve të kafesë në botë, Herrera e shiste kafenë në tregun ndërkombëtar të mallrave, ku blerësit bien dakort për një çmim të paracaktuar përpara se produkti të jetë gati. Kjo praktikë, ul çmimet e kafesë dhe i lë të pambrojtur prodhuesit nga luhatjet e monedhës.

Aktualisht, Herrera i shet prodhimet e saj drejtpërdrejt tek një importues amerikan kafeje me një çmim të lartë.

Sistemi në fjalë është ide e vëllezërve Paul dhe Scott Tupper, të cilët shfrytëzuan një biznes të suksesshëm të teknologjisë ‘blockchain’ në Siatëll për të zgjidhur çështjet e qëndrueshmërisë mjedisore në botën në zhvillim.

“Të apasionuarit pas kafesë apo mallrave të tjera kanë parë shtimin e standarteve dhe çertifikatave në treg, që mund të jenë çoroditëse për konsumatorët. Teknologjia ‘blockchain’ ofron një mënyrë për të verifikuar se çfarë po ndodh si nga ana financiare ashtu edhe sociale”, thotë Paul Tupper.

Teknologjia ‘blockchain’ krijon një regjistër llogarie, menaxhon dhe konfirmon transaksionet në mënyrë të verifikueshme dhe transparente nga të gjitha palët e interesuara, që nga kultivuesit e kafesë, e deri tek importuesit dhe specialistët. Kompania e dy vëllezërve beson se shumica e konsumatorëve duan të dinë nga vjen kafeja e tyre në mënyrë që të paguajnë kultivuesit e kafesë çmime që tejkalojnë madje edhe standardet e tregtisë së drejtë të kafesë.

Garantimi i çmimeve më të larta u mundëson fermerëve si Ivonne Herrera që jo vetëm të investojnë dhe mbrojnë pronat e tyre, por gjithashtu t’i paguajë më mirë punonjësit, duke rritur standardin e jetesës në komunitet.

Categories
Këshilla Shëndet

A na duhet kafeja e mëngjesit?

Kafeja e mëngjesitKafeja e mëngjesit

Duke patur parasysh efektet që kafeja ka në organizmin tonë, ekziston një kohë më e përshtatshme për të pirë kafenë gjatë ditës. Kjo lidhet me faktin se ne drejtohemi nga cikli biologjik prej 24 orësh, i ashtuquajtur edhe si ora cirkadiane.

Kur ne sapo zgjohemi herët në mëngjes, truri ynë është ende i pajisur me sasi të larta kortizoli, që është një përbërës natyral që na mban zgjuar dhe vigjilentë.

Prandaj, edhe pse mund t’ju duket sikur keni nevojë për kafe në mëngjes, në fakt ajo nuk ju nevojitet. Më mirë të prisni derisa nivelet e kortizolit të ulen.

Gjithashtu mund të lexoni edhe artikullin: Efektet e kafes – të fillosh ditën e punës me një kafe.

Categories
Shëndet

Efektet e kafes – të fillosh ditën e punës me një kafe

Efektet e kafes që konsumojmë çdo ditë

Kafeja është pija më popullore në botë dhe një nga çështjet më të diskutueshme midis kërkuesve në të gjithë planetin. Për vite me radhë, biokimistët dhe kërkuesit janë munduar të kuptojnë se si kafeja mund të ndihmojë mendjen e njeriut në momentet e lodhjes.

Në ditët e sotme, për shumë njerëz kafeja është diçka pa të cilën nuk mund të jetojnë. Ata e pinë atë çdo ditë, veçanërisht në mëngjes. Për shumë njerëz, zgjimi në mëngjes për të ardhur në punë është një nga arsyet kryesore se pse e pinë kafen.

Imagjinoni që duhet të çoheni shpejt, të përgatiteni për punë, më pas të lodheni në trafik derisa të arrini në punë dhe kur të jeni atje problemet e ditës janë duke ju pritur për të testuar mendjen tuaj e cila nuk ka patur kohë të zgjohet plotësisht.

Kafja në shumicën e rasteve ju ndihmon të filloni ditën e freskët dhe ju mban aktiv në punë. Fillimi i ditës me një filxhan kafe (a është e domosdoshme kafeja e mëngjesit?) mund të rrisë energjitë tuaja dhe do ju ndihmojë patjetër ta bëni punën më mirë madje mund të gjeneroni ide të reja të cilat një ditë do ju çojnë në një pozicion më të lartë.

A ka ndonjë kërkim apo hulumtim sugjeron kafeja mund të ketë efekte të dobishme për shëndetin?

Po, hulumtimet gjatë disa viteve të fundit të publikuara nga Harvard School of Public Health sugjerojnë se konsumimi i kafes mund të mbrojë kundër diabetit tip 2, sëmundjes së Parkinsonit, kancerit të mëlçisë dhe cirrozës e mëlçisë.

Gjithashtu, një studim i fundit rreth kafesë dhe vdekshmërisë ka gjetur se njerëzit që pinin kafe rregullisht në të vërtetë kishin një rrezik disi më të ulët të vdekjes nga sëmundje kardiovaskulare se sa ata që e pinin kafenë më rrallë; por ky rezultat duhet të konfirmohet studime të mëtejshme për më shumë evidenca.

Kjo është një fushë mjaft aktive e hulumtimit, ndaj duhet patur parasysh që nuk është në fazën ku mund të themi: “konusumoni kafen për të përmirësuar shëndetin tuaj!” , prandaj, gjithmonë duhet të jemi me rezerva dhe të informohemi më shume rreth konsumit të kafes.