Categories
Sport

Kombëtarja bëhet me trajner të ri / Edy Reja vjen pas Panuccit

Federata Shqiptare e Futbollit duket se ka bërë zgjedhjen e saj, pas një periudhe gati njëmujore kërkimesh, sa i përket kreut të pankinës së përfaqësueses shqiptare në futboll.

Ai do të jetë Edy Reja, ndërkohë që prezantimi pritet të bëhet në ditët në vijim.

Tekniku italian, me një eksperiencë të gjatë drejtimi ekipesh në Serie A, do të pasojë kështu bashkëkombasin e tij, Christian Panucci, i cili u shkarkua pas humbjes me Turqinë në Shkodër.

Categories
Sport

Ngjitje fantastike, Kombëtarja shqiptare shkon lart pas fitores ndaj Turqisë

Kombëtarja shqiptare në futboll fitojnë 9 pozicione në renditjen e përgjithshme të FIFA-s.

Me sa duket fitorja kundër Turqisë në miqësore i ka shërbyer mjaft mirë Shqipërisë.

Në renditjen që do të publikohet më 23 nëntor, do të konfirmohet se kuqezinjtë kalojnë nga vendi i 71-të, në vendin e 62-të në botë.

Përsa i përket kësaj renditje nuk do të ketë asnjë ndryshim në 5 vendet e para, me Gjermaninë që ndiqet nga Brazili, Portugalia, Argjentina dhe Belgjika.

Shqipëria që drejtohet nga trajneri Kristian Panuçi shihet me sy mjaft të mirë për shkak të lojërave të bukura që po prodhon./a.k/noa.al/

Categories
Sport

Grezda: Ja gjëja e parë që më shkoi në mendje pasi shënova golin

Pas fitores kundër Turqisë, ka folur për mediat dhe lojtari i Kombëtares, Eros Grezda. Autori i golit të tretë, tha për “RTSH” se golin ia dedikon babait.

Talenti foli dhe për të ardhmen e tij, për të cilën tha se merret babai me atë punë.

“Ishte një ndjesi e veçantë që të shënonim edhe pse ishim me një futbollist me pak në fushën e lojës.

Golin ia dedikoj babait tim dhe jam i lumtur që goli im i solli fitoren kombëtares.

E ardhmja? Nuk dua të flas për të ardhmen, pasi ndihem mirë te skuadra e Osijekut.

Zërat për Lacion? Nuk dua të flas për këtë gjë, pasi kam babain që merret me pjesën jashtë fushës.

Besimi i Panuçit? Nuk e prisja atë moment. Isha i emocionuar. Vendi i parë që më shkoi në mendje ishte te pankina, teksa Panuçi më hapi duart dhe e përqafova”

Categories
Sport

Fitorja Shqipëri VS Qipro (Video), De Biazi: Ishte e rëndësishme

Presidenti Armand Duka shprehet i kënaqur për fitoren

Shtator 10, 2012 / Nuk është kjo fitorja e parë e Shqipërisë në eliminatore. Madje, nuk është e para në ndeshjen e parë. Të mos harrojmë triumfet ndaj Rusisë dhe Greqisë, sa për të përmendur dy. Veçse, çdo sukses është i veçantë, ndërsa trajneri kuqezi, Xhani De Biazi, thekson se është tepër i çliruar dhe tregon arsyet. “Kishin rëndësi 3 pikët. Nuk ishte e lehtë të luhej me Qipron në këtë moment, sepse është ekip me formë të mirë dhe me lojtarë të mirë. Shënuam gol, krijuam raste, por ishte fatkeqësi që pësuam gol në minutat shtesë të pjesës së parë. Në pjesën e dytë luajtëm me të gjithë sulmuesit që patëm, duke shfrytëzuar freskinë fizike dhe aftësinë ajrore. Kalova Hykën në krahë dhe luajti mirë, ndërsa Bogdani shënoi një gol të madh”. Italiani vlerëson gjendjen e tanishme të kombëtares dhe flet edhe për takimin e 11 shtatorit në Zvicër. “Kemi gjetur dy lojtarë të rinj, nuk ishte i lehtë debutimi, ndërsa ekipi mund të rritet në të ardhmen. Synimi në ndeshjen me Zvicrën? Si gjithnjë, për të fituar, por e dimë se do të jetë më e vështirë, pasi kundërshtari është më i fortë, shumë cilësor. Duhet të jemi shumë të përqendruar. Dua të shtoj se u arrit fitorja në ditëlindjen e vajzës sime, ia dedikoj asaj, por jemi shumë të trishtuar sepse ndërroi jetë gjyshja e Bogdanit”. Presidenti Armand Duka u tregua tepër i entuziazmuar në stadium pas golit të tretë, ndërsa para kamerave, zgjodhi të ishte më analitik. Në Zvicër, do të jetë tepër e vështirë. E sigurt është se ambienti do të jetë i shkëlqyer, ndërsa eliminatoret e botërorit janë rrugë e gjatë. Fitorja ndaj Qipros nuk shkon që të festohet tepër gjatë.

Flasin kuqezinjtë: Të kënaqur për fitoren ndaj Qipros

Kuqezinjtë janë edhe të gëzuar, por edhe të menduar pas suksesit 3-1 ndaj Qipros në “Qemal Stafa” në eliminatoret e Botërorit 2014. Lorik Cana, Ervin Bulku dhe Andi Lila vlerësojnë rëndësinë e 3 pikëve, ndërsa ndeshja ndaj Zvicrës afron. Kapiteni tregon se çfarë u tha trajneri në pushim. Superpunëtori Ervin Bulku e vlerëson fitoren, ndërsa kthen vëmendjen tek Zvicra. Së fundi, Andi Lila, një shkëmb i vërtetë në cilindo krah të mbrojtjes. Para 9 viteve humbëm 2-3 në Zvicër, një përballje që e luajtëm mirë. Pavarësisht vështirësisë, është e qartë se Shqipëria nuk do të shkojë në truallin helvet thjesht për të luajtur e për të humbur.