Categories
Kuzhina

Si vendosen mjetet në një tavolinë ngrënie?

A e dini ju mund të komunikoni me shenjat tuaja pa thënë një fjalë? Kjo vlen edhe në kuzhinë.

Mënyra se si ne shtrojmë tavolinën, mjetet që përdorim, arredimi etj. janë elementet që bëjnë që prezantim të mirë..ose e kundërta.

Mësoni këtu se cilat janë pozicionet për mjetet e tavolinës suaj ( luga, pirunjtë, thikat etj.) flasin për ju!

Ku nuk duhet të gaboni dhe të keni sukses…? Ndiqni fotot..

Dining_Etiquette_Diagram table-setting-2 informal

Categories
Kuzhina

Zupa me biskota dhe rrush të thatë

Zup-a është një ëmbëlsirë e lehtë si në shije, ashtu edhe në pregatitje. Kremi bazë i zup-it mund të përdoret edhe si mbushje në të tjera ëmbëlsira, një varjant i ngjashëm me kremin e pastçerisë.

Përbërësit:

1.5 L qumësht

2 të verdha veze

12 lugë gjelle sheqer

7 lugë gjelle niseshte

1 lugë kafeje vanilje

100 gr rrush të thatë

1 pako biskota të thjeshta.

Përgatitja:

Përpara së gjithash marrim rreth 6 tasa/gota dhe në fundin e tyre copëtojmë disa biskota dhe i shtojmë edhe disa kokrra rrush të thatë.

Më pas në një tenxhere të madhe hedhim qumështin, 2 të verdhat e vezës, sheqerin dhe niseshten. E vendosim tenxheren në zjarr dhe fillojmë ta trazojmë pa ndërprerje në mënyyrë që mos të na ngjisi fundi. Ky proces kryhet në zjarr mesatar. Gjat kohës që e trazojmë vërejmë që masa fillon të trrashet dhe merr pamjen e një kremi. Në këtë moment shtojmë vaniljen dhe e trazojmë sërisht duke u kujdesur që masa të mos na ngjis. Në këtë moment e heqim tenxheren nga zjarri dhe fillojmë të mbushim me të gotat me ndihmën e një garuzhdeje. Për ta bërë akoma më të shijshme e mbushim gotën deri në gjysëm, shtojmë një shtresë më biskota dhe rrush të thate dhe shtojmë përsëri nga kremi i përftuar. Në fund mund të therrmojmë disa biskota në qendër të gotës, ose mund të përdorim pak shllak për dekorim. I lëmë të ftohen zupat në temperaturë ambjenti dhe më pas i vendosim në frigorifer.

Përgatiti: Romina Ziu

Categories
Kuzhina

Kek me limon

Kek me limon: Një kek i thjeshtë në shije, aromatik dhe i butë. Perfekt për mëngjesin tuaj por edhe pas një vakti të caktuar.

Pra një ëmbëlsirë e përshtatshme për çdo rast. Provojeni!

Përbërësit:

150 gr miell gruri

150 gr miell misri

250 gr sheqer

3 vezë

170 ml qumësht

140 ml vaj

Lëkurë e grirë e 3 limonëve

1 zarf me sodë keku

Pak kripë

Për shurupin:

Lëngu i 3 limonëve

100 gr sheqer.

Përgatitja:

Rrahim 3 të verdhat e vezëve me sheqerin. Shtojmë qumështin dhe e përziejmë me vezët dhe sheqerin. Shtojmë dalë-ngadalë të dy llojet e miellit. Shtojmë gjithashtu edhe vajin, të bardhën e vezës të rrahur plotësisht më parë, lëkurën e grirë të limonit dhe fare pak kripë.

I shtojmë sodën e kekut vetëm në fund.

E hedhim përbërjen në një tavë me diametër 24 cm, të cilën e kemi lyer më përparë me gjalpë dhe miell.

Kekun e pjekim për 55 min në 160°C.

Ndërkohë që keku piqet, lëngun e 3 limonëve dhe sheqerin e vendosim në tenxhere dhe e ziejmë derisa të tretet sheqeri.

Pasi keku të jetë ftohur, e njomim me shurupin e nxehtë.

Përgatiti: Romina Ziu

Categories
Kuzhina

Gaspaço Andaluzian

gaspaco

Gaspaço është një pjatë tradicionale spanjolle dhe shërbehet e ftohtë. Ashtu si një pjesë e mirë e gatimeve, ato gatuhen ndryshe në krahina të ndryshme. Më poshtë do të gjeni versionin andaluzian të këtij gatimi. Një recetë vërtetë e këndshme dhe e shpejtë.

Përbërësit:

  • 1 qepë
  • 1 spec
  • ½ kastravec
  • 1 thelpi hudhër
  • 4 domate të pjekura
  • 1 lugë e vogël kripë
  • 1 lugë e vogël spec i kuq pluhur
  • 50 gr bukë e regjur në ujë dhe e shtrrydhur
  • ½ gotë vaj ulliri
  • ½ gotë uthull e bardhë
  • ½ lugë e vogël piper

Përgatitja:

gaspacoHedhim të gjithë përbërësit në mikser dhe i grijmë deri sa të përftojmë një krem homogjen.

Nëse kremi do të dalë tepër i trrashë, e hollojmë me pak ujë. E kalojmë kremin në një kullesë të imët dhe e lëmë për dy orë në frigorifer.

Në momentin e servirjes pregatisim disa pjata me copa buke, qepe, domate, speca dhe kastraveca të grira në copa.

Përgatiti: Romina Ziu

Categories
Kuzhina

Salcë bazë për makarona

Si përgatitet një salcë makaronash?

Mund t’ju ketë ndodhur shpesh të blini ato kavanozët e gatshëm me salcë për makarona. Nuk ka asnjë problem, por ju tashmë mund të bëni në vetë në shtëpi salcë makaronash, ta konservoni dhe t’i ktheni makaronat në ushqimin më të shpejtë.

Përbërësit:

2 karrota
1 kokërr qepë
3-4 thelpinj hudhra
400 gr domate të qëruara (në kuti)
borzilok
2 lugë vaj ulliri

Pregatitja:

Perimet i presim në copa të mëdha (nuk është e nevojshme të grihen) dhe i hedhim në një tenxhere ku më parë kemi shtuar vajin e ullirit.
I trazojmë shpejt deri në pikën që qepa të ketë marrë pak ngjyrë.
Më pas shtojmë domatet e qëruara ( polpa ) dhe një gotë ujë.
Përbërësit fillojnë të ziejnë së bashku dhe ndërkohë i shtojmë kripë, piper sipas dëshirës dhe borzilok.
Pas rreth 10 min zierje në zjarr mesatar, të gjithë masën e grijmë në mikser duke e kthyer në një masë kremoze dhe homogjene.
E kthejmë sërisht salcën në tenxhere duke e zier edhe për pak min.
Ndërkohë që salca është e nxehtë e hedhim atë në kavanozë dhe e mbyllim menjëherë kapakun. Në këtë mënyrë kemi bërë një konservim hermetik për shkak të vakumit që krijon nxehtësia e salcës. Kështu keni krijuar salcën tuaj që mund ta përdorni edhe pas një muaji. Për një ruajtje më të mirë i vendosim kavanozët në frigorifer.

Përgatiti: Romina Ziu