Categories
Kuzhina

Një sallatë jeshile ndryshe nga të tjerat

Sallatë jeshile me shege dhe finok

Sallatë jeshile me shegë dhe finok

Sallata jeshile është një nga sallatat më të përdorura, më të përshtatshme për të gjitha kategoritë e ushqimeve dhe nga më të shëndetshmet. Por për ta bërë sa më interesante dhe më pak të mërzitshme sallatën tuaj jeshile, mund të aplikohen disa kombinime me produkte të tjera për t’i dhënë më shumë shije dhe ngjyra.

Përbërësit:

  • 1 tufë sallatë jeshile
  • 1 rrënjë finok
  • 200 gr pomodorini/domate të vogla
  • 1 kokërr shegë
  • 2 lugë vaj ulliri
  • 1 lugë lëng limoni
  • Kripë

Pregatitja:

E presim sallatën jeshile në shirita të trashë. I shtojmë finokun e prerë në fije. Finoku është shumë lehtë i gjendshëm në tregun tonë, është shumë i shëndetshën dhe në momentin e shijimit të sjell ndjesinë se ka një shije të ngjashme me pijen e famshme “Uzo”. Po ashtu shtojmë pomodorinit e prerë në gjysëm dhe kokrrat e shegës. Të gjithë masën e rregullojmë me kripë, vaj ulliri dhe lëng limoni. Pas kësaj familja juaj do të mbetet e impresionuar nga larmia e ngjyrave dhe e shijeve që përmban kjo sallatë.

Përgatiti: Romina Ziu

Categories
Kuzhina

Patate Savoiarde

Patate SavoiardePatate savoiarde janë një ide shumë e mirë si shoqëruese e mishit, apo si pjatë mesore. Është një pjatë e shëndetshme, shumë e përshtatshme për fëmijët dhe që kërkon një impenjim minimal.

Përbërësit:

  • 1 kg patate
  • 200 gr djath emental/djath tjetër që shkrin
  • 150 gr gjalp
  • 1 gotë qumësht
  • Kripë

Përgatitja:

I presim patatet në rrathë me një gisht trashësi dhe i vendosim të ziejnë për 10 min në ujë të valuar ku shtojmë edhe kripë. Pasi kanë kaluar 10 min, i kullojmë patatet. Lyejmë tavën me gjalp dhe shtrojmë patatet, mundësisht në një shtresë. Pas kësaj shtojmë qumështin dhe djathin e prerë në kubik. Shtojmë edhe pjesën thjetër të gjalpit të copëtuar . E vendosim tavën në furrë me temperaturë 180 gradë dhe e lëmë të piqet për rreth 30 min. Më pas i vendosim patatet në një pjatë mesore, ose në pjata personale.

Përgatiti: Romina Ziu

Categories
Kuzhina

Si të bësh një mjelmë me mollë

Sa ide e bukur dhe kreative që të realizosh një figurë aq të hijshme dhe tërheqëse sa mjelma.. për më tepër një mjelmë… e ngrënshme. Zbukuroni tavolinën tuaj për një darkë romantike apo mes familjarëve dhe miqve tuaj. Mësoni si ta bëni vetë, nëpërmjet hapave të treguara në videon e mëposhtme.

 

Categories
Kuzhina

Aurora – makarona me pana rozë

E sigurt që pasi t’i provoni, nuk do të ndaleni dot së shijuari sërish. Lexoni këtë recetë kaq të shijshme “Aurora – makarona me pana rozë“:

Përbërësit:

500 gr makarona
200 ml pana kuzhine
3-4 copë djath bebe
½ gotë qumësht
1 lugë gjelle salcë domate
2 lugë gjelle vaj ulliri
Proshutë ose kërpudha (opsionale)

Përgatitja:

Fillimisht vendosim makaronat të ziejn dhe më pas fillojmë pregatitjen e salcës.
Në një tigan të madh hedhim vajin e ullirit dhe shtojme pak proshutë apo kërpudha të grira. Nuk është e detyrueshme pasi edhe pa to salca do të ketë një shijë të mrekullueshme.
Pas kësaj hedhim djathin bebe dhe e shkrijmë me vajin dhe perberësit e tjerë, nëse kemin shtuar.
Shtojmë dhe panan dhe fillojmë t’i përziejmë me shpejtësi.
Hedhim salcëne domates për t’i dhënë një ngjyrë rozë të lehtë.
Pas kësaj shtojmë qumështin, kripën dhe piperin.
Përpara se salca të konsiderohet e përfunduar hedhim pak ujë nga uji i makaronave.
Në fund shtojmë mbi tigan makaronat e ziera dhe përziejmë me salcën. Uji që shtuam dhe përmendëm më sipër ndihmon që salca të mos ngrijë.
Nëse i neglizhoni dhe makaronat ftohen, këshillohet t’i shtoni pak ujë dhe t’i ringrohni në tigan. Kjo i kthen si të sapo-gatuara.

Përgatiti: Romina Ziu

Categories
Kuzhina

Fletë zemre për Shën Valentinin

Një ëmbëlsirë interesante, e shijshme dhe e lehtë për t’u përgatitur. Për më tepër është në formë zemre, perfekte për Shën Valentinin.

Përbërësit për 4 persona:

Një pako me petë sfogliat
250 gr reçel qershije ose luleshtrydhe
40 gr sheqer
Përgatitja:

Fillimisht ngrohni furrën në 220 °C. Hapni petën dhe filloni ta shponi në të gjithë sipërfaqen me një pirun. Nëse peta është e rrumbullakët, pritini anët duke përftuar një formë drejtkëndore.
Shpërndajeni reçelin në mënyrë uniforme në petë, por pa e ekzagjeruar me sasinë.
Rrotullojini anët e petës në mënyrë të barabartë nga të dyja anët.
Kur të dyja anët të afrohen me njëra-tjetrën, ngjeshini lehtësisht së bashku.
Cilindrin që përftuam e vendosim për 20 min në frigorifer.
Pas nxjerrjes nga frigoriferi e presim cilindrin në feta 1-2 cm dhe i vendosim në tavë, pasi kemi shtruar letër furre.
Spërkateni me pak sheqer secilen nga fetat ( zemrat ) dhe futeni menjëherë në furrë.
Lëreni të piqet për rreth 15 min ose deri sa peta të ketë marrë një ngjyrë ari dhe sheqeri të jetë karamelizuar.
Lërini zemrat e sfogliatës në temperaturë ambjenti përpara se ti servirni.
Shikoni fotot me hapat përkatës në çdo fazë. Ju bëftë mirë!

Përgatiti: Romina Ziu