Categories
Dieta

Dieta për një mashkull elegant

gara per dietePerime, bulmetra dhe kafe

Ka shumë meshkuj të cilët duan të heqin kilet e tepërta për të pasur një trup elegant dhe të shëndetshëm. Për t’u dobësuar sa më shpejt edhe për ta ka një dietë specifike. Në pesë ditë mund të arrijnë rezultate të kënaqshme duke konsumuar shumë fruta, kafe dhe mish pule. Ja se çfarë duhet të bëni më konkretisht

Mëngjesi i padiskutueshëm

Mëngjesi është një nga vaktet që nuk duhet refuzuar në asnjë mënyrë. Ai është i rëndësishëm sepse merren kaloritë për të vazhduar aktivitetet e ditës. Kështu në ditën e parë konsumoni një mëngjes me shumë fruta të freskëta, një fetë bukë të thekur si dhe kafen e zakonshme, por pa përdorur fare sheqer.

Në drekë mund të konsumoni mish viçi ose pule të ftohtë. Mund të pini kafe ose çaj më pas, por pa sheqer. Uji duhet përdorur vazhdimisht.

Ndërsa në darkë rekomandohet peshk por jo i skuqur, pak perime si dhe një pije mundësisht pa sheqer. Në vend të saj mund të konsumoi edhe fruta.

Mishi i pulës dobëson

Edhe në ditën e dytë mendohet të jetë i njëjti mëngjes i ditës së parë, sa më shumë fruta dhe kafe. Në drekë supë me perime dhe fruta si pjeshkë, dardhë, mollë dhe shumë ujë.

Në darkë mund të konsumoni mish jo të majmë, si pule ose gjeli, të shoqëruar me sallatë.

Shumë perime dhe ujë

Mëngjesi në ditën e tretë duhet zëvendësuar me vezë të zier si dhe bukë të thekur. Më pas duhet shoqëruar me kafe e cila mund të ketë fare pak sheqer. Në drekë vazhdoni të konsumoni një sallatë por kësaj radhe me peshk, kryesisht me salmon dhe ton, disa feta limoni, perime dhe fruta të freskëta, kafe pa sheqer dhe ujë sipas dëshirës. Ndërsa darka përsëri do të ketë shumë perime fruta dhe ujë ose pije pa sheqer.

Djathi pa yndyrë

Mëngjesi i ditës së katërt vazhdon të jetë me shumë fruta, pak bukë të thekur dhe qumësht në vend të ujit. Në drekë do të hani djathë pa shumë yndyrë, dy vezë të gatuara me shumë pak vaj, perime, një fetë bukë të thekur, kafe pa sheqer si dhe shumë ujë. Në darkë mund të konsumoni fileto pule ose rosto me perime, çaj pa sheqer dhe ujë. Sugjerohet me tepër mishi i pulës, sepse është më i lehtë.

Dy ose tre kafe bëjnë mirë

Në mëngjesin e ditës së pestë mund të përdorni pak qumësht të përzier me kafe ose çokollatë me pak sheqer, si dhe fruta të freskëta të stinës të shoqëruara me një fetë buke të thekur ose të zakonshme. Dreka do të jetë disi e varfër sepse do të ketë vetëm fruta të stinës, si dhe kafe apo lëngje me bollëk. Në darkë mendohet të konsumoni rosto me mish pule ose gjeli, perime të gjalla dhe fruta. Ditët e tjera mund të hani normalisht por pa abuzuar me sheqerin, kripën apo mishin. Është një dietë që duhet respektuar të paktën për dy javë për të ndjerë rezultatin e dëshiruar.

Çfarë mund të hani

  • Mish pa dhjamë
  • Salcë sallate, uthull dhe limon
  • Peshk jo të majmë
  • Djathë pa yndyrë
  • Bukë të plotë
  • Vezë
  • Perime dhe fruta të freskëta
  • Kafe pa sheqer
  • Ujë

Çfarë nuk duhet të hani gjatë dietës

  • Brumëra
  • Salcë, vaj dhe gjalpë
  • Pasta
  • Oriz
  • Patate
  • Bukë me përbërës të tjerë
  • Pije alkoolike
  • Ëmbëlsira të ndryshme
  • Qumësht të yndyrosur
Categories
Shëndet

Vajrat esenciale dhe efektet e tyre kuruese

1. Vaji esencial i Livandos ka veti antiseptike, anti-inflamatore, dhe shërben si një antibiotik natyral. Ai ka efekt qetësues, relaksues mbi sistemin nervor dhe është një anti-depresiv mjaft efikas. Gjithashtu ai ndihmon në procesin e shërimit të plagëve dhe në stimulimin e sistemit imunitar duke mundësuar rigjenerimin e qelizave të trupit.

2. Vaji esencial Tea Tree është një vaj anti-bakterial i spektrit të gjerë pasi lufton një gamë të gjerë bakteriesh. Ai njihet gjerësisht për vetitë e tij anti-inflamatore, anti-mykotike, anti-parazitare dhe anti-virale. Përdorimi i këtij vaji këshillohet vecanërisht në lëkurat me probleme (akne) si dhe ato mikse/ të yndyrshme.

3. Vaji esencial i Kamomilit njihet për vetitë anti-inflamatore dhe anti-septike. Ky vaj përdoret në mënyrë të vecantë në kurimin e sëmundjeve të lëkurës si akne, ekzema, psoriasis, alergjive e kështu me radhë. Për më tepër, ky vaj njihet si qetësues dhe relaksues i sistemit nervor.

4. Vaji esencial i Mentes ndihmon në përballimin e dhimbjeve për shkak të efektit mpirës dhe freskues. Përdoret për të kuruar sëmundje të lëkurës si ekzema, akne, alergji, etj.

Categories
Shëndet

Si të largosh dëshirën për ëmbëlsira?

embelsiraShumica prej nesh e dinë se nuk është një ide e mirë të ngarkojmë trupin tonë me sheqerna, por përsëri nuk arrijmë të largohemi nga dëshira për të ngrënë ëmbëlsira dhe kjo kthehet thuajse në varësi.
Në fakt, një studim i fundit tregoi se ëmbëlsirat japin një sadisfaksion më të fortë neurologjik se sa kokaina. Studimet e ngjashme tregojnë se sheqernat mund të shkaktojnë simptoma të njëjta neurologjike si tërheqja nga nikotina, morfina dhe alkoolit. Tani më shumë se kurrë, ne po shohim më shumë krahasime midis sheqernave dhe drogës, kur është fjala për varësinë.

E për t’i përkeqësuar akoma më shumë gjërat, ne të gjithë përballemi me realitetin fatkeq se sheqeri është në dispozicion të furnizimit tonë si ushqim për dëshirat tona – 24 orë në ditë, mund ta konsumojmë gjatë gjithë ditës, kurdo të duam, madje edhe duke zëvendësuar vaktet normale. Dhe ,kulturalisht, ne shpesh përdorim sheqernat si një shpërblim ( p.sh., kur një fëmijë kryen detyrimet e tij në shkollë, merr nota të mira, sillet me edukatë etj. ai merr një ëmbëlsirë, çokollatë si shpërblim) ose ne i kemi sheqernat ushqimet thelbësore festive, në data dhe festa të rëndësishme: Viti i Ri apo bajramet me bakllava, kadaif, ditëlindjet me torta, Nevruzi me ashure apo Pashkët dhe Krishtlindjet me ëmbëlsira nga më të ndryshmet.

Duke pasur parasysh atë që ne tani dijmë për sheqernat nga këto studimet e fundit, si dhe disponueshmërinë e gjerë të produkteve të ëmbla që ekzistojnë në treg, ju mund të pyesniveten: ” A ka ndonjë shpresë?”, Mund të shkëputemi vërtetë nga zinxhirët e varësisë ndaj sheqerit”, “Si mund të mposht dëshirat për ta ngrënë?” etj. etj.
Përgjigja mund të jetë PO! Ja se si mund të nisim të distancojmë veten nga sheqeri dhe të fillojmë shërimin e trupit tonë:

 
Hapi 1 : Mos e zëvendëso sheqerin e vërtetë me sheqer artificial

Në një përpjekje për të siguruar ëmbëlsi por pa përfshirë kaloritë që ka sheqeri i vërtetë, prodhuesit krijuan ëmbëlsuesit artificialë. Këto ëmbëlsues janë fajësuar për shumë gjëra që na dëmtojnë, duke përfshirë idenë se ëmbëlsuesit artificiale në fakt mund të ndryshojnë mënyrën se si trupi reagon ndaj sheqeri , sipas një studimi në 2013 në revistën “Diabetes Care”. Një studim tjetër i realizuar në 2008 tek kafshët, zbuloi se minjtë që u ushqyen me ëmbëlsues artificialë, morën akoma më shumë kalori gjatë gjithë ditës dhe ,si rezultat, shtuan peshë.
Studiuesit gjetën se konsumi i ëmbëlsuesve artificialë, në thelb shkakton konfuzion në mes të zorrëve dhe trurit.

 
Hapi 2 : Fillo një regjim me ushtrime, stërvitje dhe shtoni qumështin në dietën tuaj

Ushqimi me shumë sheqer që kemi konsumuar ditë pas dite, e ka bërë akoma më të vështirë për të thyer zakonin, duke ndaluar së ngëni ato. Kjo do të thotë se, në qoftë se ju mbani karamele, biskota në shtëpinë apo në zyrën tuaj, ju do të doni ti hani ato, tundimi është i madh. Nëse është diku afër jush dhe ju keni një preferencë për to, gjasat janë të larta që ju do të doni të hani shumë prej tyre, dhe shanset janë edhe më të larta se ju do të ndiheni mjaft mirë pasi të hahet atë – të paktën për një kohë të shkurtër. Por, çfarë ndodh nëse ju mund të provoni atë ndjenja të mirë kënaqësie, në një tjetër mënyrë , pa të gjitha efektet negative të sheqerit?

Një studim, për shembull, ka treguar se konsumimi i proteinave hirrë ( një proteine ​​që gjendet te qumështi ) rrit serotonin ( një hormon që sjell ndjenjën e mirë, kënaqësinë)  dhe studime të tjera kanë treguar një rritje në nivelet e serotonin nëpërmjet ushtrimeve, stërvitjes, fiskulturës, fitnesit.

 
Hapi 3 : Thoni JO produkteve që reklamojnë të jenë pa yndyrë

Pse? Për shkak se prodhuesit ju shesin juve faktin se produkti është pa yndyrë – por jo pa sheqer.  Zgjidhja : Hani varietete të ndryshme- edhe sallata, por edhe mishin, gjalpin. Kuptohet në një masë të caktuar, pa e tepruar.Konsumimi me masë sjell ngropjen dhe evitimin e ngrënies së sheqernave.

 
Hapi 4 : Përmirësoni shprehitë tuaja të gjumit

Një studim i 2013 ka gjetur se ciklet tona të gjumit kanë të bëjnë shumë me faktin se zgjohemi për të ngrënë disa natën, ku gjasat sigurisht janë të marrim një karamele apo biskotë. Ne jemi gjithashtu më pak të afta për t’i rezistuar një numri të lartë kalorish në qoftë se ne jemi të përgjumur. Ndërsa dieta dhe ushtrimet kanë shumë të bëjnë me faktin e qëndrimit larg nga ëmbëlsirat, asnjëri prej tyre nuk do të jetë aq efektive në qoftë se ju nuk jeni duke fjetur mjaftueshëm.

 
Hapi 5 : Mbani snacks ( ushqime të vogla) afër

Një taktikë që ka punuar me shumë është të mbash ushqime të shëndetshme me vete. Fruta, sanduiça të pregatitura në shtëpi, sallata në tasa etj.

 
Hapi 6 : Përtypni çamçakëz

Një hulumtim i vitit 2009 ka gjetur se njerëzit që përtypin çamçakëz shpesh, ose për të paktën 2 orë pasdite, arrijnë të reduktojnë  dëshirat e tyre për ëmbëlsira. Ndërsa studimi përdorur një shumëllojshmëri çamçakëzësh pa sheqer, ajo ofron një taktikë interesante, ndoshta për të reduktuar dëshirat tuaja të ëmbël, së paku kur s’keni mundësi të realizoni ndonjë nga pikat më lart.

 

Përgatiti: Deada Hyka

Bazuar në studimet e Kristin Kirkpatrick, Cleveland Clinic Wellness

Categories
Shëndet

Buka e bardhë dhe shëndeti i njeriut

Buka e bardhë

Konsumi i sasive të mëdha të bukës së përbërë nga mielli i bardhë mund të mos jetë zgjidhje e shëndetshme.

Studiuesit australianë kanë analizuar shprehitë ushqimore të mbi 36 mijë personave dhe kanë arritur në përfundim se konsumi i tepruar i bukës së bardhë dhe ushqimeve të pasura me amidon, rrit rrezikun e zhvillimit të diabetit.

Rezultatet kanë treguar se personat të cilët kishin konsumuar më së shumti bukë të bardhë – më shumë se 17 prerje në javë, kishin rrezik më të rritur për të zhvilluar diabet.

Konsumi i bukës së bardhë dhe ushqimeve tjera me indeks të lartë glikemik mund të shtojë edhe peshën trupore, që është një faktor tjetër për zhvillimin e diabetit.