Categories
Informacion

Shkaba e vrarë në Kukës

Nje shpjegim per foton e meposhtme qe qarkullon ne internet:

Marrë nga Protection and Preservation of Natural Environment in Albania në Facebook /
PPNEA, është kontaktuar sot nga Gazeta Shqip për konfirmimin e llojit të shpendit, i cili sipas kësaj gazete, është vrarë para rreth dy muajsh në një fshat të Kukësit, në veri të vendit. Nga kqyrja e fotos së dërguar, u konstatua menjëherë se bëhej fjalë për Shkabën, lloj tashmë tejet i rrallë në të gjithë Evropën juglindore dhe në Ballkan. Në Shqipëri, ky lloj dikur i zakonshëm pothuajse në të gjithë territorin e vendit, sot mbart statusin “i rrezikuar në mënyrë kritike” në listën e kuqe të faunës së Shqipërisë, dhe është një ndër llojet më të rrallë, madje mendohet se është zhdukur tërësisht si folezues në Shqipëri. Individi në fjalë i Shkabës, me më shumë gjasë mund të ketë qënë endacak, por duke marrë parasysh kohën e pranisë së tij në rajonin e Kuksit (dikur vend folezimi për këtë lloj) nuk përjashtohet mundësia, e një përpjekje të mundshme për folezim, e cila fatkeqsisht ka rezultuar fatale për të. Rasti në fjalë, tregon edhe një herë qartazi, ndikimin shkatërrues të gjuetisë së paligjshme në vendin tonë, si përgjegjëse kryesore për zhdukjen dhe përkeqësimin e popullatave të shumë llojeve të shpendëve dhe kafshëve. Lufta kundër këtij fenomeni, është padyshim sfida kryesore për ruajtjen e faunës, dhe përmirësimit të imazhit eko-turistik të Shqipërisë, nga i cili ekonomia mund të arrijë përfitime të ndjeshme.

shkaba_kukes

Categories
Argëtim

“Aktori” më i famshëm