Categories
Dieta

Si të hiqni kilogramët e tepërt?

Që të jeni vital, duhet të shpenzoni më shumë kalori se sa konsumoni e, për ta arritur një gjë të tillë, metabolizmi duhet të punojë me shpejtësinë e pestë. Edhe pse besohet se vitet e ngadalësojnë atë, disa gjëra lehtë mund të ndryshohen. Do ta përmirësoni punën e metabolizmit, si dhe do të keni disa kile më pak.

Kujdes çfarë dhe kur konsumoni
Shprehitë ushqyese janë vendimtare për metabolizmin. Pas pushimit të natës, trupit të njeriut i nevojiten “derivate”. Mos e anashkaloni kafjallin, në të kundërtën metabolizmi do ta ngadalësojë punën për ta kursyer energjinë. Qëllimi është që trupi juaj ta fitojë energjinë me kohë dhe të punojë me kapacitet të plotë, pa ngadalësim dhe pa kursim. Në menunë tuaj, duhet të ketë proteina, kalcium, çaj të gjelbër, çokollatë të zezë.

Për gjumë të lehtë
1. Mos konsumoni alkool para gjumit,
2. Shmangni ushtrimet natën vonë,
3. Dy orë para gjumit mos konsumoni gjë,
4. TV, lap-topët, mos i mbani në dhomën e gjumit,
5. Flini në qetësi.

Flini mirë
Pos ndjenjës së lodhjes, pagjumësia apo gjumi i pamjaftueshëm mund të shkaktojë probleme të ndryshme shëndetësore, përfshirë këtu edhe mbipeshën. Hulumtimi i bërë në Shtetet e Bashkuara të Amerikës tregon se femrat, të cilat brenda natës flenë më pak se pesë orë gjumë, në 32 për qind të rasteve janë më të ekspozuara ndaj mbipeshës, në krahasim me ato të cilat flenë normalisht. Gjumi jo i mjaftueshëm e ngadalëson metabolizmin. Edhe më keq – mungesa e gjumit e shton sekretimin e hormonit grelinë, i cili shkakton urinë.

Shtoni kardio-ushtrimet
Ushtroni disa herë brenda javës nga 45 minuta dhe një gjë të tillë bëjeni rregullisht – një studim amerikan tregon se pas ushtrimeve intensive metabolizmi shpenzon 190 kalori shtesë. Ekspertët theksojnë se ushtrimet intensive e mbajnë metabolizmin në punë të shpejtë edhe pas ushtrimeve, e kjo, sipas tyre, shkrin kaloritë. Kardio-ushtrimet më të mira janë vrapimi apo ngasja e biçikletës.

Uji
Kur ta konsumoni gjysmë litër ujë, metabolizmi përshpejtohet për rreth 30 për qind.

Forcojini muskujt
Ndërtimi i muskujve, nëpërmjet ushtrimeve, e shpejton metabolizmin. Muskujt i shpenzojnë kaloritë më shumë se shtresat e dhjamit. Nuk është vërtetuar saktë, studime të ndryshme kanë shifra të ndryshme: një kilogram i masës muskulore shpenzon midis 30 dhe 100 kalori në ditë. E njëjta sasi e indit dhjamor shpenzon rreth 4 kalori brenda ditës.

Categories
Shëndet

8 mënyra natyrale për energji në mëngjes

Gratë e jetës moderne konsiderohet të ndihen të lodhura, por nuk ka nevojë që ju të mbështeteni vetëm tek kafeina për t’u ndjerë e gjallë. Provoni këto mënyra:

1. Ndriçimi

Drita është një mënyrë natyrale që i tregon orës tuaj të brendshme se është koha të filloni ditën. Lërini grilat apo perdet hapur ose gjeni një burim drite që t’ju stimulojë dritën e diellit.

2. Ngrihuni menjëherë nga shtrati

Rezistojini opsionit “snooze” për të fjetur disa minuta ekstra kur bie zilja e zgjimit. Është më mirë të çoheni nga shtrati kur sapo ju del gjumi.

3. Lëvizni

Bëni pak yoga mëngjesi që konsiston në shtriqjen dhe tërheqjen e gjymtyrëve dhe muskujve të trupit.

4. Hani diçka me vaj kokosi

Trigliceridet në vajin e kokosit janë veprues të shpejtë si burim energjie dhe mund të veprojnë më shpejt kafeja.

5. Hani mëngjes të pasur me proteina

Një vakt i pasur me proteina ndihmon qelizat e trurit të funksionojnë siç duhet, gjithashtu një vakt i tillë ju ndihmon kur keni një gjendje mendore të lodhur (gjithashtu, ju jep ndjenjën e të qenit e ngopur dhe nuk do të ndjeni uri).

6. Evitoni të ngrënit natën vonë

Të konsumosh një vakt të rëndë para se të shtrihesh për të fjetur, në mëngjes do zgjohesh me ushqim të mbetur në stomak. Nëse keni neps natën hani diçka me jo më shumë se 150 kalori.

7. Pini ujë në mënyrë konstante

Mungesa e pirjes së ujit ju shkakton dehidratim. Mundohuni të jeni e hidratuar gjatë ditës.

8. Flini më shumë çdo ditë

Provoni që nga e hëna në të premte të shtriheni për të fjetur 45 minuta më herët, çka ju mundëson katër orë gjumë ekstra gjatë javës, kështu që s’ka arsye pse të mos ndiheni plotësisht e çlodhur.

Categories
Lifestyle

Shtatë këshilla për zgjedhjen e një partneri të përshtatshëm

Ka shumë faktorë që duhet t’i kushtoni vëmendje kur zgjidhni një partner për të kaluar jetën. Gjëja më e rëndësishme është që të kemi në mend gjërat që janë më të rëndësishme për ju.

Ja 7 këshilla për të bërë zgjedhjen e duhur:

Gjeni dikë me të cilin kuptoheni lehtë

Është e rëndësishme që të zgjidhni dikë që ju mund të bisedoni me të dhe të gjeni lehtë temën. Në këtë mënyrë ju do të jeni në gjendje të gëzoni kohën së bashku duke folur, dhe nuk do të mërziteni.

Partner me të njëjtat interesa

Zgjidhni dikë me të cilin ju keni shumë interesa të përbashkëta. Mos harroni se interesat tuaja mund të mos jenë të njëjta, por disa prej tyre me siguri duhet të përputhen.

Intelekti

Nëse ju jeni një person i qetë dhe partneri juaj është lloji i personit i cili përfiton nga kjo situatë, ajo mund të jetë një kërcënim serioz për martesën tuaj. Ju duhet të flisni me ndershmëri për të gjitha gjërat me njëri tjetrin.

Është mirë që të ketë standarde

Kur ju zgjidhni një partner të jetës duhet të merrni në konsideratë standardet e tyre dhe standardet e familjeve të tyre. Në qoftë se ju zgjidhni dikë që nuk i përket të njëjtit grup të njerëzve apo të njëjtës shoqëri, sigurohuni se ai nuk do dalë nga kutia.

Respekti i ndërsjellë është shumë i rëndësishëm

Ju nuk mund të kaloni jetën tuaj me dikë që nuk ju respekton ju, ëndrrat tuaja, qëllimet tuaja dhe personalitetin. Zgjidhni dikë që do të pranojë dhe respektojë.

Besimi

Besimi është një gjë shumë e rëndësishme, kështu që ju duhet të zgjidhni dikë që ju i beson. Sigurisht ju nuk do të jeni të lumtur në martesë me personin me të cilin ju nuk i besoni.

Kaloni kohë së bashku

Ashtu siç është e rëndësishme që partnerët të kenë të njëjta ose interesa të ngjashme, është e rëndësishme që të jeni me dikë që do t’ju japë kohë dhe vëmendje dhe që do që ju të jeni me të.

Categories
Kuzhina

Si përgatitet turshi panxhari i kuq: Sallata më e shëndetshme në botë!

Panxhari i kuq është perime shumë e shëndetshme, e cila përdoret në kulinari dhe në mjekësi.

Është i pasur me vitamina, thartirë folike dhe me kompleksin e vitaminave B (B2, B6), ndërkaq nga mineralet përmban natrium dhe kalium, por përmban edhe jod.

Më e freskët është me fletë të cilat rikujtojnë panxharin. Nëse nuk keni të freskët, panxhari i kuq mund të jetë i vjetër edhe 2 – 3 javë, ndërkaq kur e zgjidhni, zgjidhni ato që kanë mish, fruta të forta ngjyrë të zjarrtë, transmeton Telegrafi.

Përbërësit:

  • 5 kg panxhar të kuq,
  • 500 ml uthull,
  • 2 l ujë,
  • 60 g krip,
  • 80 g sheqer,
  • 1 qese e vogël konservans

Përgatitja:

Panxharin e kuq lajeni, hiqjani majat nga të dyja anët.

Rendisni në tenxhere të madhe dhe të thellë, qitni ujë.

Duhet të kenë mjaft ujë sepse duhet të zihen gjatë, së paku 2 orë.

Categories
Lifestyle Shëndet

Cilat ushqime shkaktojnë fryrje barku

Eshte shumë e rëndësishme është të bëni dallimin midis fryrjes dhe kilogramëve të terpërt sepse këto probleme kërkojnë metoda të ndryshme për të ardhur në formë.

Problemi me fryrjen është më shqetësues se kilogramët e tepert pasi njerëzit zakonisht nuk e kuptojnë se çfarë ushqimesh u shkaktojnë fryrje dhe nuk e dinë nëse janë të shëndoshë apo thjesht të fryer.

Ka shkaqe të ndryshme për fryrjen dhe këto të fundit varen nga mënyra se si hamë dhe çfarë hamë.

Më poshtë do të lexoni disa nga ushqimet që shkaktojnë fryrje barku:

– Fasule
– Brokoli
– Lakër brukseli
– Lakra
– Pijet e gazuara,
– Lulelakër
– Çamçakëz
– Fruta të tilla si mollë, pjeshkë dhe dardha
– Ëmbëlsirat me shumë sherbet
– Qumështi dhe produktet e qumështit
– Qepet
– Sheqeri

3 ushqimet e shëndetshme që parandalojnë fryrjen e stomakut dhe gazrat