Categories
Lifestyle Shëndet

Ju mërzitin punët e shtëpisë? Ja si ndikojnë në shëndetin mendor

Punët e shtëpisë si; hekurosja, pastrimi, larja dhe punët e tjera të shtëpisë mund të reduktojnë dukshëm rrezikun nga dementia dhe sëmundja e Alzheimerit.

Gjatë viteve të kaluara shumë studime kanë treguar që ushtrimet e moderuara, noti ose vrapimi te personat më të moshuar reduktojnë rrezikun nga sëmundja e Alzheimerit dhe nga sëmundjet e tjera të dementias. Por, nëse rastësisht nuk keni forcë, dëshirë, vullnet dhe kondicion për ato aktivitete fizike, mos u dëshpëroni sepse shkencëtarët kanë konstatuar që edhe punët e zakonshme të shtëpisë arrijnë rezultate të njëjta.

Kështu, shkencëtarët nga spitali universitar Rush kanë kërkuar nga 716 vullnetarë, të moshës mesatare prej 82 vjeç, që tri vjet të mbajnë pajisjen e vogël e cila regjistron aktivitetin e tyre të përditshëm.
Para fillimit të eksperimentit të gjithë vullnetarët është dashur të zgjedhin testin e dizajnuar për matjen e funksioneve kognitive, si kujtesa dhe të menduarit.

Tre vjet më vonë, nga Alzheimeri janë sëmurë 71 vullnetarë, ndërsa hulumtuesit thanë që rezultatet e studimit kanë treguar që ata që kanë qenë më së paku aktiv kanë shanse dyfish më të mëdha që tek ata të zhvillohet sëmundja neurodegjenerative.

“Studimi ynë tregon që ushtrimet, por edhe aktivitete tjera ditore si zierja, larja e enëve dhe pastrimet kanë lidhje direkte me rrezikun më të vogël nga sëmundja e Alzheimerit. Këto rezultate le të jenë nxitje për njerëzit më të moshuar, që nuk mund të bëjnë ushtrime formale, që të jenë më aktiv në jetën e përditshme”, ka thënë dr. Aron Buchman, udhëheqësi i studimit, transmeton Koha.net.

Sipas të dhënave shëndetësore botërore një në tre persona mbi 65 vjeç do të sëmuret nga ndonjë formë e dementias. Por, mjekët pohojnë që me
aktivitet të rregullt fizik, rreziku mund të reduktohet edhe deri në 45%.

Categories
Shtëpia

Letra murale, a duhet ta përdorim?

Arti i të arreduarit të shtëpisë me letra murale është një ndër format më të vjetra që njeh arredimi vetë. Shumë nga ekspertët më të famshëm të interior design sugjerojnë se është një modë pa plakje dhe një trend që kurrë sdo të bie poshtë.

Çfarë dobie ka letra murale:

a. Soxhorno: dekorimi i një faqe muri ose dy me të i jep ngjyrat e duhura ambientit, duke shtuar këtu faktin se kombinimi i arredimit shtohet në mënyrë perfekte. Psh. Kur vendos një letër muri që ngjason me lulet e kolltuqeve ose me disa jastëkë në divane.

b. Dhoma e gjumit: shpeshherë, të shumtë janë ata që zgjedhin të vendosin letër murale në pjesën e murit ku qendron koka e krevatit të gjumit ose kur zgjidhet një letër moderne, por e miksuar me vintage për të gjithë dhomën.

c. Sallon: një ndër idetë me praktike e të vendosurit një letër murale në një sallon të shtëpisë suaj është kur në mur vendosni një pasqyrë dhe letra pas saj i jep dritë apo ngjyra.

d. Televizori: ekspertët mendojnë se letra murale me një televizor mbi të është ndër dekoret më të përdorura në një ambient ndenjeje, ku nuk sugjerohet të vendoset asnjë dekor tjetër.

Categories
Shtëpia

Çfarë relaksi na vjen nga prania e një dritareje në mes të shtëpisë?

Kur themi fjalën “dritare” secili nga ne do ta mendonim atë si një pjesë e pashmangshme e shtëpive tona, që shpesh herë, nuk ka ndonjë rëndësi të veçantë, veçse të “reklamojë” një perde të vendosur sipër.

Por, me një dozë më të madhe të kreativitetit, ne mund ta kthejmë një dritare në një vend funksional, të bukur, relaksues dhe praktik.

Nqs kemi një dritare të madhe në mes të shtëpisë psh, ekspertët e çështjeve të interior design këshillojnë që t’i ndërtohet një strukturë druri, me një ngjyrë të caktuar që kombinohet me ambientin tjetër të shtëpisë, poshtë të cilit mund të vendosim një divan të vogël.

Arredimi i divanit mund të jetë sipas dëshirës, pjesa më e madhe e realizojnë atë plot më ngjyra për t’i dhënë jetë shtëpisë.

Pra, hiqni dorë nga perdet e mëdha që mbulojnë dritën dhe pamjen e bukur që vjen nga një dritare në mes të shtëpisë. Ndiqni fotot e mëposhtme për me tepër ide:

Categories
Shtëpia

Shtoni fantazinë… në dhomën e fëmijës suaj!

Fëmijëve u duhet kreativitet dhe fantazi, për të jetuar moshën më bukur!

Ja disa ide për dhomën e tyre:

Categories
Shtëpia

Ide si të mobilojmë kuzhinën kur kemi pak hapësirë

Si të mobilojmë kuzhinën…

Keni një hapësirë tepër të vogël për kuzhina dhe nuk dini si ta arredoni?

Ndonjëherë jo vetëm hapësirat e mëdha kemi mundësi t’i arredojmë bukur. Kur përballemi me ambiente shumë të vogla, tashmë nuk duhet të kemi më frikën së gabojmë. Ka shumë mënyra për të arreduar shumë bukur një kuzhinë të vogël.

Sekreti qëndron te ngjyra e mobiljes dhe te aksesorët e vegjël.

Arreduesit më të suksesshëm në të gjithë botën mendojnë se përdorimi i ngjyrave të forta (por nuk përjashtohet kurrsesi e bardha – e pavdekshme) ndihmojnë në arredimin më të mirë të një ambienti të vogël në përmasa. Gjithashtu nuk duhet të harroni t’i shtoni detaje kuzhinës, duke filluar nga mjetet e punës, por edhe vazo, perde, lule etj.