Categories
Këshilla Shëndet

Ushqimet të cilat nuk duhet t’i përzieni me ilaçet

Ekspertët theksojnë që ka ushqime qe mund të ndikojnë negativisht në efektin dhe absorbimin e ilaçeve. Përveçsë mund të reduktojnë efikasitetin e ilaçeve, mund të shkaktojnë edhe efekte të anësore. Nëse merrni disa ilaçe, gjithmonë këshillohuni me mjekun për llojin e ushqimit që mund t’i konsumoni.

ilace dhe ushqime

Nëse keni ndonjë dyshim për efikasitetin e ilaçit, përzierjen e ilaçeve me ushqime të caktuara ose ndiheni keq pavarësisht marrjes së ilaçit, kërkoni këshillën e mjekut ose farmacistit, transmeton Koha.net. Ilaçet pini me sasi të mëdha të ujit për të përshpejtuar tretjen dhe absorbimin, por edhe për të reduktuar rrezikun nga krijimi i dhimbjeve në stomak.

Bananja
Ky burim i shkëlqyeshëm i kaliumit mund të reduktojë rrezikun nga krijimi i kancerit, sulmi në zëmër dhe sëmundjet e zemrës. Përmban triptofan, i cili ndihmon tek prodhimi i serotoninës dhe ka efekt qetësues në tru. Banania ndihmon shndërrimin e karbohidrateve në glukozë dhe me këtë ruan nivelin e duhur të sheqerit në gjak. Banania mund të krijojë probleme nëse merrni inhibitorët ACE. Këto ilaçe ulin nivelin e tensionit të gjakut, ndërsa rrisnin nivelin e kaliumit në trup. Personat që marrin inhibitorët ACE dhe hanë banane rrisin rrezikun nga krijimi i rrahjeve të zemrës potencialisht të rrezikshme. Bananet po ashtu përmbajnë tiraminën, aminoacidin i cili gjendet në verën e kuqe, sojë dhe disa djathëra. Tiramina mund të ndikojë negativisht në efektin e antidepresivëve.

Lëngu i thanës
Është ilaç natyral për infeksionet e traktit urinar. Lëngu i thanës është i pasur me vitaminat C, K dhe E, si edhe me përqindje të ulët të natriumit dhe yndyrave. Lëngu i thanës ka veprim anti-inflamator, anti-mikrobial dhe diuretik. Megjithatë, thanat përmbajnë materie që mund të forcojnë veprimin e statineve, çka mund të jetë jashtëzakonisht e rrezikshme. Nëse pini ilaçet në bazë të statineve, gjithsesi këshillohuni me mjekun për mënyrën e përdorimit. Statinet shërbejnë për uljen e yndyrave, kolesterolit dhe triglicerideve në gjak, ndërsa forcimi i veprimit të tyre mund të jetë i rrezikshëm.

Spinaqi
Edhe pse është një nga ushqimet më të shëndetshme, spinaqi mund të reduktojë efikasitetin e ilaçeve kundër mpiksjes së gjakut. Përmban shumë materie ushqyese, duke përfshirë edhe sasi të mëdha të vitaminës K, kalciumit, vitaminës A, vitaminës C, acidit folik, magnezit dhe hekurit, transmeton Koha.net. Ekspertët paralajmërojnë që të gjitha ushqimet që janë të pasura me vitaminën K mund të jenë potencialisht të rrezikshme për personat që marrin ilaçe kundër mpiksjes së gjakut. Kjo nuk do të thotë që duhet të hiqni dorë tërësisht nga spinaqi. Hani gjysmën filxhani spinaq 2 deri 3 herë në javë, por mos e teproni.

Ushqimet e pasura me fibra
Ushqimet si drithërat e papërpunuara, perimet ose pemët janë baza e ushqimit të shëndetshëm. Fibrat luajnë rol kyç në reduktimin e rrezikut nga krijimi i sëmundjeve të zemrës ose diabeti. Mund të lirojnë nga kapsllëku dhe ta ruajnë peshën e shëndetshëm trupore. Megjithatë, fibrat mund të reduktojnë efektin e disa antibiotikëve sepse mund të ngadalësojnë absorbimin e ilaçeve.

Categories
Kuzhina

Makarona me spinaq

Makarona me spinaq

makarona me spinaq

Ky variant i makaronave është tepër interesant për shkak të ngjyrës që ndryshon nga klasikja e makaronave me salcë të kuqe apo të bardhë. E për më tepër, është shumë e shijshme dhe e shëndetshme.

Përbërësit:

  • 500 gr makarona
  • 300 gr spinaq i zier
  • 100 gr djath Philadelphia
  • 1 filxhan kafeje me qumësht
  • 2 lugë vaj ulliri
  • 1 thelpi hudhër

Përgatitja:

Vendosim makaronat në zierje dhe ndërkohë fillojmë pregatitjen e salcës. Në tiganin e zakonshëm të salcave hedhim vajin e ullirit dhe një thelpi hudhër për aromë. Ndërkohë grijmë spinaqin në mikser dhe e kthejmë në krem. Kremin e përftuar e hedhim në tigan pasi kemi hequr hudhrën. E trazojmë pak sapo të skuqet paksa. Pas kësaj shtojmë djathin Philadelphia dhe e shkrijmë. Më pas shtojmë edhe qumështin. E rregullojmë salcën me kripë dhe shtojmë edhe një filxhan kafeje nga uji i makaronave. Pasi e lëmë për pak moment në zjarr, salca është gati dhe mund t’i hedhim makaronat.

Përgatiti: Romina Ziu

Categories
Kuzhina

Byrek me spinaq dhe gjizë

byrek me spinaqJu furnizon me proteina, të cilat ngadalësojnë përthithjen e sheqerit në gjak. Në këtë mënyrë parandaloni rritjen e glicemisë.

Koha e gatimit: 50 minuta

Përbërësit:

400 g gjizë pa yndyrë,
500g spinaq,
dy patate të ziera,
kripë dhe piper.

Përgatitja:

Zieni spinaqin në pak ujë, shtrydheni dhe grijeni. Bashkojeni me patatet e ziera dhe gjizën, duke i hedhur piper dhe pak kripë. Përzierjen e përftuar vendoseni në një tavë të mbuluar me letër furre dhe futeni të piqet për rreth 40-45 minuta në furrë me 200 gradë. Kjo është një pjatë unike.