Categories
Tech

Kafeja dhe teknologjia e lartë “Blockchain”

“Blockchain” – teknologjia që përdoret për menaxhuar dhe mbrojtur në mënyrën më të mirë dhe më të sigurtë të dhënat – njihet si motori pas monedhës dixhitale “Bitcoin”. Aktualisht, një importues amerikan po e përdor këtë teknologji për të përmirësuar jetën e fermerëve të kafesë në disa nga komunitetet më të varfëra në Amerikën Qendrore.

Ivonne Herrera ka një plantacion kafeje në kodrat mbi Santa Rosa de Lima, rreth 40 kilometra larg kryeqytetit të Guatemalës.

“Do të kemi të ardhura të mira nga kafeja. Kemi investuar për këtë dhe sivjet po shohim rezultatet e dy viteve punë” , thotë ajo.

Sikurse shumica e fermerëve të kafesë në botë, Herrera e shiste kafenë në tregun ndërkombëtar të mallrave, ku blerësit bien dakort për një çmim të paracaktuar përpara se produkti të jetë gati. Kjo praktikë, ul çmimet e kafesë dhe i lë të pambrojtur prodhuesit nga luhatjet e monedhës.

Aktualisht, Herrera i shet prodhimet e saj drejtpërdrejt tek një importues amerikan kafeje me një çmim të lartë.

Sistemi në fjalë është ide e vëllezërve Paul dhe Scott Tupper, të cilët shfrytëzuan një biznes të suksesshëm të teknologjisë ‘blockchain’ në Siatëll për të zgjidhur çështjet e qëndrueshmërisë mjedisore në botën në zhvillim.

“Të apasionuarit pas kafesë apo mallrave të tjera kanë parë shtimin e standarteve dhe çertifikatave në treg, që mund të jenë çoroditëse për konsumatorët. Teknologjia ‘blockchain’ ofron një mënyrë për të verifikuar se çfarë po ndodh si nga ana financiare ashtu edhe sociale”, thotë Paul Tupper.

Teknologjia ‘blockchain’ krijon një regjistër llogarie, menaxhon dhe konfirmon transaksionet në mënyrë të verifikueshme dhe transparente nga të gjitha palët e interesuara, që nga kultivuesit e kafesë, e deri tek importuesit dhe specialistët. Kompania e dy vëllezërve beson se shumica e konsumatorëve duan të dinë nga vjen kafeja e tyre në mënyrë që të paguajnë kultivuesit e kafesë çmime që tejkalojnë madje edhe standardet e tregtisë së drejtë të kafesë.

Garantimi i çmimeve më të larta u mundëson fermerëve si Ivonne Herrera që jo vetëm të investojnë dhe mbrojnë pronat e tyre, por gjithashtu t’i paguajë më mirë punonjësit, duke rritur standardin e jetesës në komunitet.

Categories
Tech

Risia e Insagram: Tani mund të ndiqni edhe #hashtaget

Së fundmi Instagram ka filluar testimin me ndjekjen hashtageve në rrjetin social.

Me fjalë të tjera do të jetë një veçori e mrekullueshme për ata që duan të dinë më shumë rreth një teme po nuk dinë cili profil ti drejtohen.

Por nisur nga popullariteti i disa hashtageve, postimi i çdo gjëje në furnizuesin e përmbajtjeve do të ishte mbytëse prandaj kompania ka limituar atë tek postimet kryesore dhe historitë e fundit.

Deri tani funksioni është shfaqur vetëm tek një numër i kufizuar përdoruesish.

Instagram ende nuk ka ofruar asnjë informacion por zakonisht veçoritë eksperimentale përfundojnë duke u publikuar për të gjithë.

Categories
Tech

Microsoft befason me Hologramin virtual

Microsoft-HologramKorporata e Microsoft ka befasuar botën e teknologjisë me një Hologram prototip që mund të sjellë lojën Minecraft, telefonatat me Skype, madje dhe pamjen nga Mars në tre dimensione.

Pionieri i teknologjisë, i cili, disa kohë më parë humbi mantelin e të qenët kompania më inovative në botë, është duke bërë një lojë të guximshme për t’u përballur me konkurrencën nga Google dhe Apple.

Realiteti virtual ose i zgjatuar është fronti i radhës i ndërveprimit të kompjuterëve me Facebook-un, i fokusuar në kufjet realitetit virtual Oculus dhe Google që po punon në projektin e syzeve.

Microsoft tha që kjo pajisje do të jetë e disponueshme në të njëjtën kohë si Windows 10 në vjeshtë. Analistët e industrisë janë gjerësisht të emocionuar me perspektivën, por skeptikë që mund të prodhohet kaq shpejt një model që të jetë me një çmim për tregun e gjerë.

Ai ishte një moment pak a shumë si ‘oh wow’”, – thotë Mike Silver, një analist që provoi prototipin. “Ju do të prisni një çmim relativisht të lartë këtë vit ose vitin tjetër, pastaj do të duhen disa vite për të sjellë një nivel më të përballueshëm”.

Microsoft nuk ka një histori të mirë për të sjellë teknologji novatore në jetë. Është Kinect, pajisja që ka ndjesorët e lëvizjes që shkaktoi efekt në fillim, por kurrë nuk arriti popullaritetin e imagjinuar.

Microsoft ka qenë duke punuar në projekte sekrete për vite, dhe tregoi një sërë skenarësh si objektet virtuale manipuluese që mund të dërgohen në një printer 3D, krijimi i Minecraft- krijimi i një ambienti loje si dhe në krahun tjetër, telefonatat me video nëpërmjet Skype.

Më saktë, demonstroi një panoramë të jetës në sipërfaqen e Marsit mbledhur nga NASA. Aktualisht NASA është duke punuar me Microsoft për zhvillimin e një softueri të quajtur “OnSight”, i cili do t’u mundësojë shkencëtarëve në tokë të eksplorojnë virtualisht dhe planifikojnë eksperimente në Mars.

Është i jashtëzakonshëm dhe më befason se sa larg ka shkuar zhvillimi i hologrameve. Unë vazhdova të prisja që Princes Leia të shfaqej,” thotë analisti i IDC AL Hilwa, referuar karaktereve të Star Wars.

 

Categories
Tech

Edhe Nokia do të ecë me hapin e kohës si Apple dhe Samsung?

nokia androidKompania Nokia duket se do të bëjë lëvizje tepër befasuese dhe që ka ngjallur një habi të madhe në treg dhe ndër konsumatorë. Ajo ka disa ditë që ka kthyer profilin e saj në Facebook dhe Twitter në ngjyrën jeshile.

Faqja e mirënjohur teknologjike Boy Genius Report njofton se Nokia do të lançojë shumë shpejt (e konfirmuar) telefonin e saj më të ri- në sistemin android, si kurrë më parë. Ky telefon do të quhet Android Nokia X. Ndryshimet që do të ketë ky produkt ndryshe nga androidët e tjerë do të jenë: këta telefona mund të përdorin vetëm motorin e kërkimit Google dhe aplikacionet e tij, si Outlook, Skype, OneDrive, Google Play ose Google Maps. Telefoni do të ketë ekranin 4 inç, procesorin Qualcomm S4, kamerën 3 megapikselë, memorien e brendshme 4 Giga dhe RAM 512 Megabyte.

Prezantimi zyrtar pritet të bëhet në fund të këtij muaji në Mobile World Congress.

Categories
Tech

Flappy Bird: Loja me “nerva”

Flappy Bird është një lojë celulari e krijuar nga Dong Nguyen në 2013 dhe u lançua për publikun më 24 maj 2013.

Në 10 shkurt 2014 loja u hoq nga App Store Apple dhe Google Play nga krijuesi i saj.

Në një intervistë ekskluzive në Forbes, zhvilluesi i Flappy Bird, Dong Nguyen ka zbuluar arsyen e vërtetë pse tërhoqi këtë lojë jashtëzakonisht popullore. Sipas Nguyen, loja ishte varësindjellëse dhe kjo ishte ajo që e bindi atë, të tërheq lojë. “Flappy Bird është projektuar për të luajtur në pak minuta, kur ju jeni të relaksuar,” tha krijuesi i saj. “Unë mendoj që loja është kthyer në një problem. Për të zgjidhur këtë problem, është më mirë të mbyllet Flappy Bird.
Flappy Bird është zhdukur përgjithmonë…

Video e shpërndarë në rrjetet sociale:

Përgatiti: Marinela Lamçe