Categories
Evrope Travel

Vendi që mund të vizitoni me më pak para në 2018-ën

Kemi të gjithë një dëshirë për të pasur një jetë bredharake, me shumë udhëtime nga njëri vend në tjetrin.

Por me të gjitha shpenzimet që ka duke filluar nga bileta e avionit, hoteli, restorantet dhe duke mbaruar te dhuratat e vogla për miqtë e ngushtë. Prandaj ekspertët e udhëtimit kanë bërë një listë me dhjetë vendet që ja vlen ti vizitosh në 2018-ën, sepse janë ekonomikë dhe të bukur.

Gjejeni kush e kryeson listën, si destinacioni më i mirë është përzgjedhur Estonia me kryeqytetin Tallinn.

I vendosur poshtë Letonisë në kufi me detin Baltik, Estonia nuk është fiks një vend i ngrohtë. Me këtë duam të themi, që mesatarisht temperaturat në Korrik shkojnë në 20 gradë. Pra tani duhet patjetër të këni xhupa me vete.

Tallinni është një ëndërr. Është shumë lirë të shkosh atje, të qendrosh dhe po aq lirë është edhe të hash.

Pjesa më e bukur? Pjesa më e madhe e rrugëve duken sikur janë marrë drejt e nga skenat e Hirushes.

Categories
Travel

Albania, bed & bunker

Shqipëria numëron qindra mijëra bunker të trashëguar nga idiotësia komuniste. Një projekt gjermano-shqiptar duket se do të kthejë një pjesë të tyre në dhoma hoteli.

Rreth 50 km larg Tiranës, 10 studentë gjermanë e 10 shqiptarë i kanë hyrë punës për një projekt unik: po kthejnë një bunker në një fjetore me tetë shtretër. Turistët që do të lenë aty do të kenë mundësi që përmes të çarave që njëherë e një kohë shërbenin për pushkët e ushtarëve t’i hedhin një sy peizazhit të mrekullueshëm të ëndërrojnë nën kupolën prej çimentoje të lartë një metër e tridhjetë. E kushedi, ndoshta mendja u shkon edhe te diktatori që pati idenë e bunkerizimit të Shqipërisë duke e kthyer në vendin më të izoluar të botës. Në vitet ‘70 e ‘80, me urdhër të Enver Hoxhës, në Shqipëri u ndërtuan 750 mijë bunker në beton; Enveri i trembej një pushtimi të vendit nga të huajt – në rast emergjence bunkerët do të shërbenin si vendstrehim për popullsinë ose si pika sulmi ushtarak kundër çdo armiku të mundshëm. Praktikisht bunkerët janë materializimi i paranojave të një diktatori.

Sot, Iva Shtrepi që studion në Mainz të Gjermanisë dëshiron të konvertojë atë pyll kupolash prej çimentoje: tema e saj e diplomës me titull “Bunkerkunft” një lojë fjalësh në gjermanisht me “Unterkunft” (“fjetore”), ofron mundësinë për t’u dhënë bunkerëve një jetë të re: transformimin e këtyre ish ndërtimeve ushtarake në hotele. Tani për tani po punohet për transformimin vetëm të një bunkeri, por shpejt të njëjtin fat mund të kenë edhe të tjerë. Markus Pretnar-it, profesorit që ka ndjekur punimin e Shtrepit në Fakultetin e Shkencave të aplikuara të Mainz, ideja i pëlqeu aq shumë sa kërkoi ta vërë në jetë. Studentët e seminarit të tij kanë punuar mbi këtë ide, duke filluar nga vizatimet teknike e deri tek vënia në kontakt me autoritetet shqiptare.

“Tema e diplomës u kthye kështu në një projekt shkencor” thotë Pretnar që jep design për hapësirat e brendshme të ndërtesave. E di shumë mirë profesori që Shqipëria po bëhet emër i dëgjuar mes turistëve: “Mjaft të shohësh ç’i kanë bërë bregdetit, si në Shqipëri ashtu edhe në Mal të Zi. Kanë ndërtuar, shumë, tepër e me ngut”. Nga projekti shqiptaro-gjerman duhet të përfitojnë, para të gjithëve, vendasit. Bunkeri i parë që studentët po transformojnë në një dhomë të ngrohtë fjetoreje me parket, krevatë, aneks kuzhine dhe dush është vetëm një prototip , por nëse pëlqehet, shumë bunker të tjerë mund të kenë të njëjtin fat. “Janë nga të katër anët, – shpjegon Pretnar. – Nga alpet deri në bregdet, përfshirë qytetet e fushat”. Zyrtarisht, janë pronë e Ministrisë së Mbrojtjes, por i është dhënë e drejta e shfrytëzimit pronarëve të terreneve ku bunkerët ndodhen. Kush është i interesuar për projektin mund të shfrytëzojë idenë por me dy kushte: duhet të citojë universitetet e Mainz dhe të Tiranës dhe t’ua japë në administrim bunkerët-fjetore personave vendas. Një natë në Bed & Bunker duhet të kushtojë maksimumi 10 dollarë apo 8 euro. Nga Julia Stanek / “Der Spiegel”

This slideshow requires JavaScript.

Categories
Shqipëri Travel

Sopoti, magjia e turizmit

Atje ku rritet “Ylli i Alpeve”, atje ku turistët magjepsen me bukuritë marramendëse – atje ku harron hallet dhe kërkon të jetosh përgjithmonë…

Sopoti, fshati më i bukur turistik, qe pakkush e ka dëgjuar. Dikur ka qenë një ndër fshatrat më me emër që ka ekzistuar prej shekujsh, por sot është në mëshirë të fatit dhe i mungon infrastruktura rrugore. Prej mëse 20-vjetësh nuk është vënë dorë, shumë herë është premtuar rrugë nga partitë politike, por asgjë deri tani, saqë banorët kërkojnë dhe të ndërrojnë komunë. Fshati që ka mbetur pa rrugë, ku enden vetëm makinat që transportojnë lëndë drusore dhe që pyjet i shkatërrojnë mbarë, ashtu si dhe zjarret, por këtu këmbehen me të ardhura për ata që i presin.

Ku shtrihet Sopoti

Sopoti bën pjesë në qarkun e Elbasanit, rrethi i Librazhdit, komuna Stravaj. Që të arrish në fshatin e parë, Gaferr duhet të udhëtosh në këmbë mbi tre orë nga komuna e Stravajt, fshat i cili është i braktisur krejtësisht, ku shtëpitë e tyre kanë filluar të bien pre e hajdutëve, vjedhësve të paskrupullt që enden shtëpive të fshatit. Sapo kalon Qafën e Malit, përballë në këtë kohë të bukur shikon bukuritë magjepse të këtij fshati. Sapo futesh në fshat, do të ndeshesh me bukuritë natyrore me Ujëvarën e Gostimës, ujëvarën më të bukur të zonës, me shpellat karstike, me pyjet shekullorë dhe me një florë e faunë shumë të bukur, larg shikon livadhe pa fund, pyje të bukura ku pranvera i ka dhënë larminë e ngjyrave të luleve e drurëve të ndryshëm.

Sopoti shtrihet në lartësinë 800-1970 metra mbi nivelin e detit, ku lartësia më e madhe është maja e Gaferrit 1972 metra. Ndërkohë, fshati tjetër Sopoti është përgjysmuar nga largimi i popullsisë, por përsëri mungesa e rrugës dhe shumë herë e energjisë elektrike ka bërë që të stërmundohen.

Banorët kërkojnë

Banorët e Sopotit kërkojnë që t’i largohen komunës së Stravanit që është shumë larg dhe është e pamundur ndërtimi i një rruge automobilistike për shkak të largësisë banorët kërkojnë që të bashkohemi me komunën e Polisit të rrethit te Librazhdit për vetë faktin se është rruga më e afërt dhe me distancë të afërt dhe investimet mundet të jenë më të lehta dhe të marri fund njëherë e mirë vuajtja e banorëve. Shaban Facja, një nga banorët e zonës, por që është larguar prej vitesh ne Librazhd thotë që unë shkoj shpesh gjatë verës në Sopot, në Malin Plak dhe mungesa e rrugës ka bërë që të venitet, për këtë shkak, megjithëse unë vazhdoj të shkoj, sepse kemi dhe shtëpitë e vjetra. Shefki Blloshmi thotë që unë jetoj dhe në dimër me bagëtitë dhe është një torture, transporti i bazës ushqimore, pastaj me pas shitja e prodhimit, furnizimi me ushqim për vete, ku transporti behet vetëm në këmbë.

Natyra dhe turizmi

sopotiMbas viteve 1990, Sopoti është lënë mbas dore, por së fundmi disa projekte të qeverisë e kanë vendosur në qendër të vëmendjes këtë fshat.

Sopoti ka resurset më të mira, të cilat ia ka falur natyra e bukur dhe e mrekullueshme.

Sipërfaqja pyjore turistike është 5490 hektarë. Nga të gjitha anët ka pyje dhe kullota alpine në Malin Plak, Malin e Polisit, Gurin e Pëllumbit, Malin e Gaferrit, Lukovën, kudo shikon fusha pa mbarim.

Ku rritet një florë dhe një faunë shumë e çmuar dhe jo pa qëllim është shpallur Zonë e Mbrojtur, Rezervë Natyrore e Menaxhuar, sipas I.U.C.N, në 16 shkurt 1996, ku Shoqata Egnatia dhe një grup specialistësh kanë propozuar që kjo zonë të zgjerohet edhe më shumë.

Ka qenë një projekt i financuar nga Programi i Kombeve të Bashkuara UNDP GEF/SGP në vitin 2001 e që nga ajo kohe nuk është dukur asnjë projekt ose ndihmë. Me këtë zonë abuzuar barbarisht me prerjen e drurëve dhe dëmtimin e florës dhe faunës dhe së fundmi projektet turistike sapo janë shfaqur ku specialistët e turizmit kanë hartuar projektet e para në infrastrukture, sidomos për rrugën, e cila do të bëhet nga komuna e Polisit që nuk është më shumë se 12 kilometra dhe do te hapet nga qeveria një fond prej 450 milionë lekësh vetëm për lidhjen e këtij fshati me qendrën e rrethit, sipas kryetarit të komunës së Polisit, Veli Terziu, thotë se mendojmë që të implementojmë projektin e zonës dhe Sopoti do të jetë shumë e lehtë për t’u lidhur me rrugë nga ana e komunës sonë. Një rrugë që nuk është më shumë se 10 kilometra.

Sopoti shtrihet në zonën klimaterike mesdhetare, nënzona mesdhetare juglindore. Temperaturat mesatare vjetore arrin 6-20 gradë celsius.

Sasia e reshjeve arrin 2260 mm shi në vit dhe periudha e reshjeve të dëborës zgjat 155 ditë më një trashësi deri në 2.5 metra.

Sopoti është një zonë me biodiversitet të lartë dhe ka mbi 110 lloje të bimëve medicinale. Mundet të përmendim “Yllin e Alpeve” që rritet vetëm në Sopot dhe është i vetmi në Ballkan që rritet në Malin e Sopotit.Pokështu, “Zambakun Shqiptar” që rritet në këtë zonë. Gjithashtu, janë mbi 40 bime dhe specie (popullata) që paraqesin rrezik të zhduken dhe propozohen të futen në librin e kuq. Në këtë zonë rritet kaprolli, dhia e egër, gjeli i egër, thëllëza, zardafi, trofta, ketri, macja e egër, nusja e lalës, artini, blini, mështekna, dëllinja e kuqe, dëllinja e zezë, pisha, bredhi, paja, tisi, rrobulli, gështenja e egër etj.

Një pasuri e çmueshme është edhe uji i Gostimës ku rritet trofta, ujë që rrjedh nga burimet e malit të Gurit të Pëllumbit dhe Malësisë së Nenzës, si dhe Lumit të Shrebrenicës mund të përmendim ujërat termale me veti kuruese për mjaft të sëmurë, që vizitohet nga mjaft njerëz, por kjo vetëm në verë dhe në mënyrë primitive, sistemimi i tyre do të bënte edhe frekuentimin për turizëm dhe shërim.

Natyra në verë është shumë e mrekullueshme, fushat e Malit Plak janë pa mbarim ku gjatë muajve të verës larmia e luleve shumëngjyrëshe, e cila ndërrohet çdo javë lule të rralla e pyje të lartë shijohet nga turistët, por edhe dimri, megjithëse është i ashpër, është një vend shumë i bukur për skiatorët.

Mikpritja

Fshatarët e këtyre zonave shquhen për bujarinë, mikpritjen dhe respektin ndaj të huajve, siç e karakterizon çdo vatër shqiptare.

Bulmeti

Sopoti, kryesish është një vend blegtoral ka mbarështohen mbi 2000 krerë bagëti të imëta, , baxhot dhe tregtimi i produkteve.

Baxhoja e vetme dhe më e mira e Qarkut të Elbasanit dhe trevës së Shqipërisë së Mesme dhe Verilindore “Djathi i Sopotit”, emër që e ka edhe baxhoja e vetme dhe bulmeti qe ka shtrirjen më të gjerë në të gjithë Shqipërinë si dhe në Ballkan (Maqedoni,Kosovë,Malii Zi etj).

Por qumështi i deles, lopës dhe cilësie djathit të bardhë dhe atij kaçkavall, gjalpit salca e kosit janë shumë të kërkuara në tregjet e Shqipërisë si: Tirana, Librazhdi, Elbasani e më gjerë.

Turistët

Jewish cemetery sopotRallyAlbania ishte i pranishëm këtë vit në Sopot në fushat e Malit Plak.

Turistët kanë qenë të paktë këto vitet e fundit për faktin se udhëtimi deri në këto lartësi dhe bjeshkë të bukura është i vështirë, për shkak të infrastrukturës. Jo pak vizitorë kanë qenë italiane, çekë, gjermanë, austriakë. Poashtu, dhe shqiptarë, sidomos të trevës së Elbasanit, të cilët kanë dhe lidhje tradicionale me zonën.

Shumë prej tyre janë ngjitur deri në bjeshkët e bukura, sepse Sopoti ofron kushte shumë ideale për piknike e ngjitje sportive, kudo nga çdo pozicion mundet të soditës panorama mahnitëse që ofron ky vend i mrekullueshëm dhe që e bën më interesant udhëtimin, pushimin dhe mjaft aktivitete të tjera

Është një nga zonat më të pasura me vlera unike natyrore.

Por ka edhe një paradoks që në emër të prerjes së domosdoshme, plakjes sëpata dhe motor-sharra ka bërë e vazhdon të bëjë kërdinë në pyje prej gjithë këtyre viteve.

Fushat alpine që mund të shëtisni

Janë livadhe të mëdha e pafund – fillojnë ngado që të hysh në fshat, si nga Qafa e Malit, Liqeri i Cakës, Lukova,Breg Plepi,MaliPlak,Malii Polisit, Gaferri e Sopoti kudo pafundësi lulesh dhe ngjyrash. Kudo në pranverë dhe verë dominon gjelbërimi i barit natyral, ku sheh pa fund larmi ngjyrash dhe shumëllojshmëri lulesh. Të gjitha fushat ngjanë si një stadium natyral që i qëndrojnë mbi kokë fshatit Sopot e Gaferr.

Përgjatë rrugës që shkon në Sopot shpaloset bukuria e maleve të mbuluara me drurë celtirat e luleve shumëngjyrëshe, cicërimat e zogjve dhe gjelit të egër, kaprolli duke pira ujë në ndonjë përrua, ku janë një ndër pasuritë e rralla të kësaj treve, ku edhe ndonjë gjuetar shkon rrallë me çiften e tij. Sipas Ali Blloshmit, i larguar në Kavajë, thotë se nuk do të largohesha kurrë nga fshati për vetë faktin sepse është një mrekulli, ku kemi investuar prej shekujsh dhe ndoshta një ditë do të kthehem përsëri në vendlindjen time. Aty jemi rritur por mungesa e një rruge na ka bërë që të largohemi nga fshati, të gjithë banorët janë larguar, na ka marrë malli dhe për gurët e drurët, për pyjet e bukura për gjithçka.

Shaban Vreto, një tjetër banor, thotë për gazetën se: Vendlindja është e dhimbsur, me dhemb shpirti, zona jonë është kryevepër dhe një mrekulli, jam rritur dhe vetëm ai që prek e di ”magjinë” e zonës më të bukur, aty ku rritet Ylli i Alpeve, i vetmi në Ballkan, çfarë mundet të shtoj më tepër.

Dëmtimet e pyjeve

Pyjet e Sopotit janë një mrekulli, lëndinat e bukura pa fund, uji i freskët që buron nga këto male, por njerëzit e pangopur vazhdojnë të presin e shkatërrojnë çdo ditë këto pyje, janë hapur shume rrugë nëpër pyje vetëm e vetëm për t’i prerë, ndërkohë që është dhe në zonë e Kategorisë IV të Zonave të Mbrojtura, por askush nuk pyet. Janë vetëm banorët e zonës që ankojnë.

Bukuritë dhe vendet se ku mundet të kënaqesh në Sopot:

* Qafa e Malit

* Liqeri i Cakës.

* Mali i Nenzës.

* Ujëvara e Gostimës.

* Ujëvara e Gurrës.

* Ujërat termale të Nenzës, lumi i Shrebenicës.

* Lumi i Gostimës bashkë me troftën e tij.

* Fushat pa Fund të Malit Plak.

* Maja e Gaferrit nga ku mundet të shikosh pafundësisht.

* Kanionet pa fund të Qafës së Malit.

* Malin e Gurit të Pëllumbit.

* Yllin e Alpeve, etj. etj.

/ nga Agim Blloshmi

Categories
Travel

Ishulli Saint Thomas

Saint Thomas është një ishull në Detin e Karaibeve dhe territor i SHBA.

Me vendndodhje në Ishujt Virgin, St. Thomas shquhet për plazhet dhe ‘shopping’, mëngjesin në shtrat, të gjitha në një ishull që u shërben si familjeve ashtu edhe çifteve. Festat e natës janë të kufizuara, kështu që do ndieni qetësi dhe rehati ndërsa vështroni në sytë e partnerit tuaj.

Categories
Travel

10 qytetet për një Shën Valentin romantik

1. Venecia

VeneciaNëse Venecia nuk do të ekzistonte, do të na duhej ta shpiknim…dhe sërisht nuk do të kishim arritur dot kurrë të krijonim të njëjtin perfeksion. Arkitektura marramendase dhe gondolat e famshme veneciane janë ikonat e këtij qyteti fantastik dhe super romantik. Jo më kot Venecia qëndron prej shumë kohësh tashmë në krye të listës të qyteteve më të bukura dhe më romantike. E kush nuk do të donte të ishte për një Shën Valentin në Venecia…?!

2. Parisi

Parisi

I quajtur ndryshe si qyteti i Dashurisë, Parisi mund të jetë një zgjidhje shumë e mirë për të kaluar Shën Valentinin.. sidomos për ju që keni kohë të dashuruar. Nën dritën e hënës, dukë udhëtuar në Champs Elysee e duke e përfunduar udhëtimin tuaj në këmbët e Kullës Eiffel, mund t’i dhuroni një unazë vajzës suaj të zemrës duke e bërë atë të lumtur pafundësisht. Parisi është aty për të gjithë ju që dëshironi një Shën Valentin mbushur me surpriza, sepse në Paris dashuria ndihet në ajër.

3. Praga

PragaQyteti i Pragës mund të jetë gjithashtu një mundësi shumë e mirë për të kaluar një Shën Valentin romantik. Kryeqyteti i Çekisë ofron për të gjithë vizitorët pamje fantastike të qytetit të vjetër e shumë të madh, shoqëruar me pamjet nga ura të lumit që përshkon qytetin. Nëse mendoni se dëshironi të vizitoni një qytet me histori e romantik. Praga është zgjidhja e duhur.

4. Firence

FirenceFirence është sigurisht një ndër qytetet e lashtë të periudhës së Rilindjes Italiane. Ambjentet ende paksa të asaj kohe dhe veprat e mëdha artistike të Mikelanxhelos dhe të Botticelit. Mund të shikoni qytetin nga Piazza Duomo ose nga piazza e Mikelanxhelos. Dhe në përfundim të turit tuaj romantik në qytet, mos harroni të jepni një puthje romantike në “Urën e Vjetër” dhe të shijoni një darkë nën dritën e qirinjve me kuzhinën dhe verën e famshme italiane.

5. Roma

RomaNjë qytet që vjen nga lashtësia, ju ofron një zgjidhje të mirë për të gjithë ju që dëshironi të vizitoni së bashku historinë e Romës së famshme të Gladiatorëve. Ndërkohë që jeni atje mos harroni të hidhni monedha në shatërvanet e shumtë të qytetit dhe të shprehni dëshirat tuaja.. ndoshta ju realizohen.

6. Verona

VeronaE si mund të linim jashtë listës Veronën e Romeos dhe të Xhulietës. Për shkak të historisë më të famshmë dhe më tragjike të dashurisë, Verona është një ndër pikat më të bukura turistike ku mund të vizitoni shumë gjëra sëbashku. Shkoni tek ballkoni i Xhulietës dhe mos harroni të mbyllni emrat tuaj në drynët e dashurisë. Shëtisni në rrugicat e Veronës dhe jetoni në qytetin e vjetër plot kulturë e dashuri.

7. Viena

VienaKy qytet duket sikur është krijuar për ecje romantike dorë për dore, me rrugët monumentale e sheshet rrethore. Kudo të duket se dëgjon muzikën e Mozartit qoftë edhe nëpër rrugë. E kur mendon se je lodhur pranë kishës Shën Stephan mund të merrni një karrocë me kuaj për të vazhduar shëtitjen tuaj tanimë si nëpër përralla më kuaj të bardhë. Vizitoni edhe pallatet mbretërore dhe muzeumet për tu ndjerë si një çift mbretëror.

8. Santorini

SantoriniSantorini, një ishull i vogël vullkanik, i krijuar për të qënë një nga ikonat e turizmit grek. Me shtëpia të vogëla të bardha e me çati tipike në ngjyrën blu, Santorini është imazhi më i mirë përfaqësues i Greqise. Në vitin 2011, është shpallur ishulli më i bukur në botë nga gjigandi mediatik BBC. Prej vitesh ishulli i bukur mbi kodër i Santorinit është një ndër pikat më të vizituara në Europë dhe konsiderohet si një ishull shumë romantik. Në këtë ishull janë xhiruar edhe shumë komedi romantike. Pra nëse keni mundësi, Santorini mund të jetë arratisja juaj romantike.

9. Buenos Aires

Buenos AiresNëse keni një shpirt pasionant dhe doni të vizitoni një vend ndryshe, Buenos Airesi në Argjentinë mund të jetë vendi i duhur për ju. Qyteti i Tangos është një miksim sensual i elegancës europiane dhe joshjes Amerikano latine. Me një arkitekturë monumentale, bulevardet e medha dhe darkat jashtë, Buenos Aires është qyteti i duhur për pasion.

10. Rio De Janeiro

Rio De JaneiroNjë ndër qytetet më të mëdha të Amerikës Latinë, Rio De Janeiro është gjithashtu një vend shumë i bukur për t’u vizituar për Shën Valentin. I njohur si qyteti i karnavaleve, Rio ka dhe anën e saj romantike. Plazhet e bukur e pafund buzë qytetit, janë gjithmonë aty për çdo arratisje nga qyteti për pak qetësi. Nëse pëlqeni të shikoni peisazhet dhe të fotografoni, mund të vizitoni monumentin më të madh në vend, atë të Jezu Krishtit dhe nga andej të zbrisni sërisht në qytet me teleferik duke parë kështu edhe të gjithë Rion.

Përgatiti: Pamela Bejleri