Categories
Mister Shkencë

Dëgjohen sinjale nga universi i thellë, zbulohet prej nga vijnë

Shpërthimet e shpejta të valëve të radios u zbuluan për herë të parë në vitin 2007, dhe që atëherë ato janë regjistruar 18 herë, por vetëm një nga këto sinjale përsëritet disa herë.

Pas sinjalit të parë të zbuluar nga teleskopi Parker në Australi, shkencëtarët analizuan një sinjal të përsëritur për të zbuluar origjinën e tij.

Ekspozimet janë jashtëzakonisht të forta edhe pse ato zgjasin shumë shkurtër, midis 30 mikrosekonda dhe 9 milisekonda, dhe lëshojnë një sasi mjaft të madhe energjie, ekuivalente me atë që dielli ynë liron në një ditë.

Si burim i tyre, vitin e kaluar u detektua një galaktikë xhuxhe në largësi prej tre miliardë vit drite, dhe shkencëtarët tani kanë zbuluar disa nga kushtet e pazakonta në të cilat krijohen këto shpërthime.

“Shpërthimet janë shumë të polarizuara dhe vijnë nga një mjedis që përmban një fushë shumë të fortë magnetike. Ne gjithashtu zbuluam sinjale me një frekuencë më të lartë deri tani. Kur valët e radios kalojnë nëpër fushën magnetike, ato vijnë në rotacionin e tyre, një fenomen i njohur si efekti Faradej ose rotacioni. Rrotullimi është më i fortë se fusha magnetike, por këto janë shpërthimet më të forta ndonjëherë që janë matur. Kjo tregon se sinjalet vijnë nga afërsia e ndonjë vrime masive të zezë ose nga mjegullnajat e fuqishme, mjegullnajat ndëryjore apo retë mbushur me hidrogjen, helium dhe gazra tjera jonizues në të cilën yjet janë lindur”, thuhet në studimin e publikuar në revistën Nature.

Por, kjo hap pyetje të reja, sepse nëse bëhet fjalë për burim të afërt me vrimën e zezë, thotë Jason Hessels nga Universiteti i Amsterdamit. Sipas tij, është e paqartë se si një vrimë e zezë e tillë ka ekzistuar ndonjëherë në brendi të një galaktike xhuxhe, transmeton kp

“Sa për burimin e drejtpërdrejtë, ne mendojmë se është një pulsar, një yll i neutroneve që rrezaton rrezatim elektromagnetik”, tha Hessels.

“Ne përpiqemi për të përcjellë se si shpërthimet ndryshojnë me kalimin e kohës, për të zbuluar se cila hipotezë është e saktë – nëse bëhet fjalë për një yll neutron pranë vrimës së zezë, apo për një yll neutronesh brenda mjegullnajës”, shton ai.

Categories
Shkencë

Objekti misterioz që vjen rrotull sistemit diellor është një… anije nga kozmosi

Astronomët amerikanë kanë filluar analizimet elektronike të një asteroidit të quajtur Oumuamua, duke thënë se janë në kërkim të jetës aliene në objektin qiellor.

Objekti i madh misterioz me formë cigareje ka ardhur nga një sistem tjetër yjor, duke alarmuar kështu NASA-n.

Organizatorët e programit “Breakthrough Listen” filluan operacionet dje në teleskopin “Green Bank Telescope” në shtetin amerikan të Virxhinias.

Mes studiuesve të këtij objekti misterioz është edhe astrofizikanti i famshëm britanik, Stephen Haëking.

Trupi në formë cigare u zbulua për herë të parë në sistemin diellor në tetor dhe është koduar me emrin “lajmëtari”.

Pas vëzhgimit të djeshëm, studiuesit e “Breakthrough Listen” sugjeruan që Oumuamua mund të jetë më shumë se sa një asteroid.

Ata shprehen se forma e tij e çuditshme mund të tregojë se është një anije ndëryjore, e dizenjuar për të minimizuar fërkimin me gazrat dhe pluhurin në hapësirë.

Ai lëviz përmes hapësirës me plot 315,000 km / h, dhe është parë duke kaluar edhe pranë planetit tonë.

Asteroidi cilindrik, rreth 400 metra i gjatë, ka habitur shkencëtarët me formën e tij të pazakonte. /SYRI.net

Categories
Shkencë

Zbulohet një planet i ngjashëm me Tokën / Vendbanimi më i afërt për një jetë të mundshme

Sipas  një zbulimi të ri, një planet me madhësinë e  njëjtë me Tokën dhe me një temperaturë të ngjashme të sipërfaqes mund të jetë “vendbanimi më i afërt për një jetë të mundshme”.

Planeti i sapo zbuluar, quhet Ross 128b, dhe  u gjet rreth orbitës 11 vite dritë larg nga Toka. Me teknologjinë aktuale, do të na duhej rreth 141,000 vjet për të arritur në atë planet.Megjithëse aktualisht është 11 vite dritë larg nga Toka, planeti po lëviz drejt nesh dhe pritet të bëhet fqinji ynë më i afërt në ‘vetëm’ 79.000 vjet.

Saktësia e lartë e Observatorit Jugor të Evropës  në Kili zbuloi se ylli i kuq  Ross 128 është orbitalizuar nga një ‘eksoplanet’ me masë të ulët çdo 9.9 ditë.Ky planet  me përmasat e Tokës pritet të jetë i butë, me një temperaturë sipërfaqësore që mund të jetë gjithashtu e afërt me atë të Tokës.

Bashkë-autori i studimit, Dr Nikola Astudillo-Defru, i Universitetit të Gjenevës në Zvicër, tha: “Ky zbulim bazohet në më shumë se një dekadë të monitorimit intensiv të HARPS së bashku me teknikat më të fundit të reduktimit dhe analizës së të dhënave.Vetëm HARPS ka demonstruar një saktësi të tillë dhe mbetet gjahtari më i mirë planetik i këtij lloji, 15 vjet pasi filloi operacionet”.