Tag: ushqime

Categories
Shëndet

Ja cilat janë disa ushqime qe djegin kalori?

Nëse dëshironi të humbni ndonjë kilogram dhe të shpejtoni punën e metabolizmit, është koha që në menynë tuaj të fusni ushqime të caktuara, të cilat janë të dëshmuara në djegien e yndyrës.

Algat e detit

Kohë më parë shkencëtarët nga Newcastle kanë ardhur deri te zbulimi se kemikaliet që gjenden në algat e detit, mund të zvogëlojnë absorbimin e yndyrave për 75 për qind, ndërsa tashmë po punohet në atë që pluhuri nga algat të filloj të përdoret në ushqime, në mënyrë që të krijohen prodhime të reja për dobësim.

Specat djegës

Specat djegës chili dhe salcat në bazë të tij, shkëlqyeshëm shkrijnë kilogramët. Ndërsa sa më djegës që janë, aq më efikas janë. Mund të prisni rritjen e kalorive të djegura për 15 për qind dhe atë vetëm dy orë pasi keni ngrënë salcë djegës. Specat djegës mes tjerash janë të mirë edhe për zemër.

Çaji i gjelbër

Çaji i gjelbër, jo vetëm që djeg kaloritë, por ai ndihmon edhe në ruajtjen e shëndetit dhe vijës ideale të trupit. Disa studime kanë treguar se pesë deri gjashtë filxhanë çaj të gjelbër në ditë, mund të shpejtoj metabolizmin dhe të rris djegien deri të 100 kalorive më shumë në ditë. Mirëpo, disa ekspertë thonë se arsyeja e vërtetë shtrihet në kafeinë, e cila gjithashtu gjendet në çaj. Mirëpo, është e sigurt se çaji i gjelbër përmban shumë anti-oksidues të shëndetshëm, që i ndihmojnë trupit në luftën kundër llojeve të ndryshëm të tumorit.

Kafeina

Ekziston arsyeja pse francezët vital kënaqen në kafe pas ushqimit. Studimet kanë treguar se kafeina e rrit punën e metabolizmit dhe e nxit atë që me tempo më të shpejtë të djeg kaloritë.

Xhenxhefili

Ushqimi i preferuar kinez, i ndihmon trupit që më lehtë dhe më shpejt të djeg kaloritë. Studiuesit nga Holanda besojnë se ai i ndihmon metabolizmit, sepse konsiderohet si nxitës i procesit, gjatë të cilit trupi djeg kaloritë dhe i shndërron ato në ngrohtësi. Xhenxhefili është gjithashtu i shkëlqyeshëm për përmirësimin e qarkullimit të gjakut.

Categories
Dieta

Dieta New York / Humbni peshë duke ngrënë

Nëse jeni në kërkim të një diete efikase dhe të shëndetshme, ndoshta principet e të ashtuquajturës dietë njujorkeze (dieta new york) do t’ju ndihmojnë që të ushqeheni shëndetshëm si dhe të humbni peshë.  Këtë plan të të ushqyerit e ka bërë David Kirsch, i cili është i bazuar në programin e ushtrimeve sportive dhe, natyrisht, në një mënyrë të veçantë të të ushqyerit.  Nëse e respektoni, thuhet se mund të humbni edhe deri në 6 kilogramë peshë dhe një numër të konsiderueshëm të centimetrave në bel. Dieta bazohet në ushqim me sasi të lartë të proteinave dhe të varfër sa u përket karbohidrateve.

Kjo dietë është e ndarë në tri faza

Faza e parë

Gjatë dy javëve të para mund të hani kërpudha, të bardhë të vezëve, salmon, pemë me lëvozhga, perime me pak fibra dhe me shumë proteina. Ndalohet rreptësisht konsumimi i alkoolit, por edhe i produkteve të qumështit, kafesë, pemëve dhe yndyrave. Në këtë fazë për çdo ditë duhet të konsumoni prej 800 deri në 1000 kalori.

Faza e dytë

Zgjat gjithashtu dy javë dhe është e ngjashme me të parën, vetëm dallon për faktin që e keni të lejuar që të konsumoni më shumë shujta të pasura me karbohidrate, fasule, bizele, patate, pemë me lëvozhga… në këtë fazë për çdo ditë duhet të konsumoni prej 900 deri në 1.000 kalori.

Faza e tretë

Gjatë kësaj faze gradualisht mund të filloni të konsumon i gjëra ushqimore, të cilat kanë qenë të ndaluara në fazën e parë.  Gjatë kësaj diete është shumë e rëndësishme që të merreni me aktivitete fizike. Vraponi ose bëni kërcime me litar për rreth 45 minuta në ditë dhe bëni ushtrime për secilin grup të muskujve.  Ushqimet e pasura me proteina në kombinim me aktivitet fizik janë dëshmuar të shkëlqyeshme për djegien e shtresave dhjamore. Ata që e kanë mbajtur këtë dietë pohojnë se është e mundur që në afat rekord kohor të arrihet një peshë e duhur trupore.

Categories
Shëndet

Ushqimet organike që pastrojnë mëlçinë

Mëlçia luan një rol thelbësor në procesin e metabolizmit. Përmes saj kalojnë të gjitha substancat që hyjnë në trup, mes tyre edhe toksinat dhe ilaçet. Për të pasur një shëndet të mirë është e domosdoshme të ndjekim një mënyrë korrekte ushqyerjeje, me bazë frutat dhe perimet, të cilat janë thelbësore për dezintoksikimin e organizmit dhe mirëfunksionimin e proceseve të tij të brendshme. Po cilat janë disa prej ushqimeve që ndihmojnë mëlçinë të pastrohet? Ja një listë prej 12 prej tyre, nga perimet jeshile deri tek hudhrat.

1. Perimet jeshile

Perimet me ngjyrë jeshile, ku dominojnë sallata dhe spinaqi rritin nivelin e klorofilës në traktin intestinal, duke ndihmuar organizmin të çlirohet nga toksinat që vijnë nga ambienti, sidomos ato që lidhen me smogun. Këto lloj ushqimesh janë ideale për ata që nuk duan të shtojnë peshë, pasi kanë vlera të ulëta kalorike.

2. Panxhari dhe Karrota

Të dyja kanë vitamina bimore jashtëzakonisht të larta por edhe vitamina beta-carotene; Panxhart dhe karrota ndihmojnë dhe stimulojnë në përmirësimin e funksioninimit e përgjithshëm të mëlçisë.

3. Qitro

Fruti që i ngjan portokallit është i pasur me vitaminë C dhe antioksidantë. Nëse konsumohet lëngu i saj, në organizëm rritet prodhimi i enzimave që kryejnë dezintoksikimin e mëlçisë. Qitroja rekomandohet në rastet e mungesës së oreksit, ndërsa vajërat esenciale që ndodhen në lëkurën e saj kanë efekte antidepresive.

4. Avokado 

Kur konsumojmë avokado, organizmi ynë prodhon glutation, një aminoacid që luan rol antioksidues dhe lufton radikalet e lira. Avokado është gjithashtu e pasur me vajëra vegjetale, të cilat reduktojnë kohën e qëndrimit të kolesterolit në gjak, duke rifreskuar në këtë mënyrë aparatin kardiorespirator.

5. Drithërat integrale

Duhet të jenë pjesë e çdo regjimi ushqimor. Jo vetëm të dobishme për pastrimin e mëlçisë, por edhe rregullatore të aparatit të tretjes, falë fibrave me bollëk që kanë në përbërje. Eliminojnë problemet e kapsllëkut dhe na çlirojnë nga toksinat.

6. Limoni

Lëngu i limonit stimulon mëlçinë. Vitamina C ndikon në transformimin e substancave toksike në përbërës të tjerë, lehtësisht të tretshëm në ujë, që rrjedhimisht dalin nga organizmi.

7. Brokoli dhe lulelakra

Ndihmojnë organizmin të çlirohet nga toksinat kancerogjene, duke ulur rreziqet e tumoreve. Brokoli njihet për efektet pozitive te koliti ulçeroz, ndërsa klorofila që të dyja kanë në përbërje ndihmon në prodhimin e hemoglobinës, duke luftuar aneminë.

8. Shpargujt

Janë të pasur me aminoacide dhe kripëra minerale. Luajnë rol të rëndësishëm në mbrojtjen e mëlçisë, sidomos në rastet e abuzimit me alkoolin. Vlerat e saj kurative njihen gjithashtu edhe në mirëfunksionimin e zemrës dhe sistemit nervor.

9. Vaji i ullirit

Krijon në organizëm një bazë lipidike, tek e cilën mblidhen të gjitha toksinat, duke bërë që të mos ndihet tek mëlçia efekti i tyre i dëmshëm.

10. Çaji jeshil 

Çaji jeshil njihet për vlerat e tij kurative. Përveç shkrirjes së yndyrnave, çaji jeshil përshpejton aktivitetin e mëlçisë, duke bërë që të prodhohen më shpejt enzimat që kryejnë procesin e detoksikimit.

11. Molla

Fruti i mollës mban përbërësit kimik të nevojshëm për trupin për të pastruar dhe lirimin e toksinave nga trakti digjestiv. Molla, nga ana tjetër, e bën më të lehtë për mëlçinë për të trajtuar ngarkesën toksike gjatë procesit të spastrimit.

12. Hudhra

Vetëm një sasi e vogël e kësaj llambe athët të bardhë ka aftësinë për të aktivizuar enzimat e mëlçisë që ndihmojnë trupin tuaj të tkurret nga toksina. Hudhra gjithashtu mban sasi të lartë të allicin dhe selen, dy komponimet natyrore që ndihojnë në pastrimin e mëlçisë.

Categories
Dieta

Si të hiqni kilogramët e tepërt?

Që të jeni vital, duhet të shpenzoni më shumë kalori se sa konsumoni e, për ta arritur një gjë të tillë, metabolizmi duhet të punojë me shpejtësinë e pestë. Edhe pse besohet se vitet e ngadalësojnë atë, disa gjëra lehtë mund të ndryshohen. Do ta përmirësoni punën e metabolizmit, si dhe do të keni disa kile më pak.

Kujdes çfarë dhe kur konsumoni
Shprehitë ushqyese janë vendimtare për metabolizmin. Pas pushimit të natës, trupit të njeriut i nevojiten “derivate”. Mos e anashkaloni kafjallin, në të kundërtën metabolizmi do ta ngadalësojë punën për ta kursyer energjinë. Qëllimi është që trupi juaj ta fitojë energjinë me kohë dhe të punojë me kapacitet të plotë, pa ngadalësim dhe pa kursim. Në menunë tuaj, duhet të ketë proteina, kalcium, çaj të gjelbër, çokollatë të zezë.

Për gjumë të lehtë
1. Mos konsumoni alkool para gjumit,
2. Shmangni ushtrimet natën vonë,
3. Dy orë para gjumit mos konsumoni gjë,
4. TV, lap-topët, mos i mbani në dhomën e gjumit,
5. Flini në qetësi.

Flini mirë
Pos ndjenjës së lodhjes, pagjumësia apo gjumi i pamjaftueshëm mund të shkaktojë probleme të ndryshme shëndetësore, përfshirë këtu edhe mbipeshën. Hulumtimi i bërë në Shtetet e Bashkuara të Amerikës tregon se femrat, të cilat brenda natës flenë më pak se pesë orë gjumë, në 32 për qind të rasteve janë më të ekspozuara ndaj mbipeshës, në krahasim me ato të cilat flenë normalisht. Gjumi jo i mjaftueshëm e ngadalëson metabolizmin. Edhe më keq – mungesa e gjumit e shton sekretimin e hormonit grelinë, i cili shkakton urinë.

Shtoni kardio-ushtrimet
Ushtroni disa herë brenda javës nga 45 minuta dhe një gjë të tillë bëjeni rregullisht – një studim amerikan tregon se pas ushtrimeve intensive metabolizmi shpenzon 190 kalori shtesë. Ekspertët theksojnë se ushtrimet intensive e mbajnë metabolizmin në punë të shpejtë edhe pas ushtrimeve, e kjo, sipas tyre, shkrin kaloritë. Kardio-ushtrimet më të mira janë vrapimi apo ngasja e biçikletës.

Uji
Kur ta konsumoni gjysmë litër ujë, metabolizmi përshpejtohet për rreth 30 për qind.

Forcojini muskujt
Ndërtimi i muskujve, nëpërmjet ushtrimeve, e shpejton metabolizmin. Muskujt i shpenzojnë kaloritë më shumë se shtresat e dhjamit. Nuk është vërtetuar saktë, studime të ndryshme kanë shifra të ndryshme: një kilogram i masës muskulore shpenzon midis 30 dhe 100 kalori në ditë. E njëjta sasi e indit dhjamor shpenzon rreth 4 kalori brenda ditës.

Categories
Lifestyle Shëndet

Ushqimi më i mirë për vrapuesit

Për personat që vrapojnë çdo ditë ushqimi paraqet më shumë se krijimin e ndjenjës së ngopjes. Ai ndihmon në ndërtimin e muskujve nga njëra anë, ndërsa nga ana tjetër ruan edhe shëndetin.

  • Bananet

Nëse keni nevojë për diçka që do t’ua ngrejë më shpejt nivelin e energjisë sigurisht nuk do të gaboni me bananen. Përveç kësaj ajo është burim i shkëlqyeshëm i kaliumit, i cili rregullon tensionin e gjakut, redukton rrezikun nga krijimi i sulmit në zemër dhe merr pjesë në ndërtimin e muskujve.

  • Brokoli

Është burim i shkëlqyeshëm i vitaminës C, kaliurnit, fibrave dhe fitokirnikateve, çka është kyçe për mbajtjen e qëndrueshmërinë sportive në nivel të admirueshëm.

  • Jogurti

Kalciumi është kyç në mbrojtjen e eshtrave. Një filxhan jogurt përmban rreth 35 për qind të vlerës së rekomanduar ditore të kalciumit. Përveç kësaj është burim i shkëlqyeshëm i proteinave të cilat janë të rëndësishme në ndërtimin e muskujve, por edhe në shpejtimin e shërimit pas ushtrimeve.

  • Mishi i payndyrshëm i viçit

Është burim i shkëlqyeshëm i hekurit, i cili është veçanërisht i rëndësishëm për vrapuesit sepse mungesa e hekurit mund të shkaktojë lodhje. Vegjetarianët mund ta gjejnë hekurin në bimë bishtajore perime të gjelbra dhe drithëra të pasura me hekur.

  • Salmoni

Përveç që është burim i shkëlqyer i proteinave, përmban acide yndyrore omega 3 të cilat janë të rëndësishme për ruajtjen e shëndetit të tërë trupit, ndërsa më e mira është që kanë veprim kundërinflamator dhe përshpejtojnë procesin e shërimit pas ushtrimeve.