Categories
Shëndet

Artriti dhe disa ushqime që e luftojnë atë

Çfarë është artriti rheumatoid dhe si shfaqet?

Artriti rheumatoid është një sëmundje kronike që prek artikulacione (kyçe) të shumta të trupit të njeriut. Është një ndër sëmundjet më të përhapura inflamatore që karakterizohet nga një ecuri valë-valë, me periudha acarimi dhe qetësie. Kjo lloj prekjeje karakterizohet nga dhimbje, skuqje, ënjtje dhe ngurtësim në lëvizjen e kyçeve. Ky ngurtësim çon gradualisht në uljen e funksionimit normal të artikulacioneve dhe në lëvizshmëri të kufizuar të tyre. Është një sëmundje që prek rreth 0.5-1 për qind te të rriturve në të gjithë botë. Prek të gjitha moshat, por kulmin e ka midis moshës 30-50 vjeç dhe kryesisht femrat. Kjo predispozitë vjen me sa duket si rezultat i hormoneve femërore. Rëndohet shumë pas lindjes dhe përmirësohet gjatë shtatzanisë, sidomos në tremujorin e fundit. Nëse sëmundja nuk trajtohet, individi mund të jetë i paaftë për punë brenda një periudhe tre vjeçare që nga fillimi i sëmundjes.

Ushqimi nuk mund të shërojë artritin, por mund të lehtësojë simptomat. Personat që vuajnë nga artriti çdo ditë përballen me dhimbjet, ndërsa ndryshimet e vogla në shprehitë ushqyese mund të lehtësojnë ato dhimbje.

Acidet yndyrore omega 3

Acidet yndyrore omega 3 nxisin lirimin e materieve, të cilat do të reduktojnë inflamacionin dhe dhimbjet. Peshku i yndyrshëm, i cili është burimi shkëlqyeshëm i acideve yndyrore omega 3, përmban edhe vitaminë D, e cila parandalon ënjtjen dhe dhimbjet. Çdo ditë konsumoni më së paku 1g të acide yndyrore omega 3. Për shembull, 115 gramë salmon përmban rreth 1.5 gram të acideve yndyrore omega 3. Nëse nuk jeni adhurues të peshkut, hani arra të cilat në madje një çerek filxhani përmbajnë 2.27 g acide yndyrore omega 3 ose fara liri të cilat në vetëm 2 lugë përmbajnë 3.51 g acide yndyrore omega 3. Rriteni konsumimin e vitaminës D duke pirë dy filxhanë të qumështit me përqindje të ulët yndyre në ditët kur nuk konsumoni acide yndyrore omega 3. Çdo ditë kaloni 10 deri 15 minuta në natyrë sepse dielli do të nxisë prodhimin e vitaminës D në trup.

Vaji i ullirit ekstra virgjin

Sipas hulumtimit të shkencëtarëve amerikanë, vetëm 3 lugë të vajit ekstra virgjin të ullirit do të ketë efekt si ibuprofeni. Një lugë vaj ulliri përmban rreth 119 kalori, prandaj mos e teproni. Shtoni 3 lugë të vajit të ullirit ekstra virgjin në sallatë për të marrë sasinë optimale ditore të vajit.

Vitamina C

Vitamina C mbron kolagjenin, një nga komponentë kryesorë të kërcit. Sasia e pamjaftueshme e vitaminës C në trup do të rrisë rrezikun nga krijimi i artritit dhe do të përkeqësojë simptomat e tij. Megjithatë bëni kujdes me konsumin e vitaminës CV nëse vuani nga osteoartriti sepse me një hulumtim është dëshmuar që sasia e tepruar e vitaminës C mund të përkeqësojë simptomat e osteoartritit. Konsumoni 200 deri 500 mg vitaminë C në ditë. Një gotë brokoli ose një portokall do t’ju ofrojë rreth 200 mg vitaminë C. Po ashtu mbani mend që më së miri është që vitaminën C ta konsumoni përmes ushqimeve dhe jo shtesave.

Arrat braziliane

Përmbajnë sasi të madhe të selenit, rreth 272 mikrogramë në vetëm 3 deri 4 arra. Niveli i ulët i selenit mund të përkeqësojë simptomat e artritit dhe të shkaktojë artritin reumatoid. Seleni përmirëson veprimin e antioksidantëve, të cilat pastaj në mënyrë më të suksesshme reduktojnë nivelin e radikaleve të lira, përmirësojnë dëmin të cilin e kanë shkaktuar radikalet e lira dhe mbrojnë qelizat. Konsumoni 55 deri 200 mikrogramë selen në ditë; Nëse nuk jeni adhurues i arrave braziliane, konsumoni tunë, mish gjeldeti dhe gjedhi dhe drithëra.

Qepa dhe preshi

Qepa dhe preshi përmbajnë kuecertinë, antioksidantin i cili redukton inflamacionet, ngjashëm si aspirina dhe ibuprofeni. Nëse shqetësoheni për kundërmimin e gojës hani lakër jeshile, domate ose molla sepse po ashtu përmbajnë kuercetinë. Gjithsesi duheni të hani rreth gjysmë filxhan ushqim i cili është i pasur me kvercetin.

Vishnjat

Shkencëtarët kanë konstatuar që vishnjat kanë veprim antiinflamator dhe që mund të lehtësojnë dukshëm simptomat e artritit. Ato përmbajnë antocianinë, ndërsa atë mund ta gjeni në grejp, boronica, patëllxhan dhe rrush të zi. Antocianina është antioksidant i shkëlqyeshëm, që do të reduktojë nivelin e radikaleve të lira në trup. Hani gjysmë filxhani me vishnje, mund të jenë të ngrira, ose nga konserva, të thata ose pini një filxhan lëng.

Çaji i gjelbër

Çaji ka veçori të shkëlqyeshme antioksidative, redukton nivelin e radikaleve të lira në trup, inflamacionin dhe dhimbjet. Çaji i gjelbër nuk do të largojë dhimbjen në tërësi, por gjithsesi do të ndihmojë. Pini 3 deri 4 filxhanë çaj të gjelbër. Megjithatë reduktoni konsumimin e çajit ose mos e pini në orët e pasdites nëse jeni të ndjeshëm në kafeinë për të mos pasur probleme me gjumë.

Categories
Kuzhina

Vaj ulliri me speca djegës / Receta dhe dobitë

Vaji i ullirit, me specat djegës të kuq janë një mrekulli për shëndetin tuaj dhe kurojnë probleme që lidhen me shtyllën kurrizore, reumatizmën, deformimet e kockave etj.

Vaj i specave djegës ka veprim stimulues, zgjeron kapilarët, rrit qarkullimin e gjakut, rrit metabolizmin dhe ndikon në procesin rigjenerues të epidermës së lëkurës.

Do t’ju duhen:

-10 speca djegës
-2 gota vaj ulliri
-Kavanoz qelqi që mban 1 litër

Metoda e përgatitjes:

-Lani specat djegës. I prisni imët me thikë apo mund ti fusni në blender.
-Përzierjen hidheni në një kavanoz qelqi dhe më pas shtoni vajin e ullirit.
-Lëreni përzierjen në një vend të errët. Pas 7 ditësh, mund ta lini në frigorifer dhe ta përdorni si mjekim, sidomos për fërkimin e lëkurës me probleme.
-Herën e parë, masazhoni zonat e lëkurës me vaj, disa herë në ditë, në varësi të vendndodhjes së dhimbjes: krahëve, qafës, shpinës.
-Pas aplikimit të vajit, do të ndjeni paksa djegie në lëkurë, por gjithçka është e durueshme.

Categories
Kuzhina

Brusketa me hudhra

Brusketa me hudhra. Brusketat janë tashmë një ndër recetat më të lehta për t’u realizuar dhe ndër më të shijshmet për të gjithë ne. Sidomos kur nuk ke në plan të gatuash diçka të rëndë për darkë apo edhe kur keni uri pasditeve kur ktheheni nga shkolla, puna etj.

Sot do të ndajmë me ju recetën e një ndër brusketave më të pëlqyera në të gjithë botën.. ajo me hudhra.
Hudhra njihet si një ndër “recetat” kundër shumë sëmundjeve, duke iu referuar burimeve popullore dhe kurave të ndryshme.

Megjithatë, edhe përdorimi i tyre në kuzhinë është tepër i zakontë.

Përbërësit:

Feta buke të bardhë
Vaj ulliri
Majdanoz
Hudhra
Djathë kaçkavall ose parmixhan

Përgatitja:

brusketa me hudherMarrim fetat e bukës dhe i vendosim në një tavë, duke mos harruar vendosjen e një fijeje letër alumini kuzhine poshtë tyre. Për gatimin e brusketave, numri i fetave të bukës mbetet sipas dëshirës suaj, mesatarish në një tavë vendosim 5 të tilla.

Marrim dy thepinj hudhër dhe pasi i qërojmë, i fusim në një grirëse perimesh (ose i shtypim ato në mungesë të grirësit) dhe shtojmë më pas vaj ulliri natyral, gjethet e majdanozit.

Pasi përzjerja të jetë realizuar sic duhet, e shtrojmë atë në fetat e bukës dhe në fund, para se tavën ta fusim në furrë, shtojmë djathin e grirë kaçkavall ose më e preferuar mbetet djathi parmixhan.
Furrën pregatiteni më parë ne një temperaturë 150-180 gradë dhe pjekja nuk zgjat më tepër se 15 min.
Ju bëftë mirë!

Categories
Lifestyle

Maskë për flokë të ashpër me banane

Maskat të bëra vetë në shtëpi janë një mënyrë perfekte për të rikthyer në jetë flokun e dëmtuar, për ta bërë të shkëlqyer dhe të butë, pa dëmtime kimikatesh apo produkte të shtrenjta parukerie.

Të bësh një maskë për flokë të ashpër nuk është e vështirë dhe s’kërkon aftësi të mëdha, për sa kohë që ju gjeni përbërësit lehtësisht dhe…keni kohë!

Një maskë për flokë të ashpër nga më të njohurat në të gjithë botën, është ajo e bananes.

Maskë për flokë të ashpër me banane

Për t’i bërë sa më të butë flokët tuaj, merr një banane të qëruar, shtype në një enë dhe shtojini lëng arre kokosi (merrni arrën e kokosit dhe e shtrydhni vetë ose lëng i cili gjendet gati në farmacitë bimore), shtojini një lugë vajë ulliri. Trazojini bashkë gjersa të bëhët një maskë e njëtrajshme dhe aplikojeni në flokët tuaj, duke lënë pa lyer rrënjën.

Lërëni vetëm 5 minuta në flokët tuaj dhe më pas shpërlaheni me ujë të ngrohtë dhe shampoo.
Kjo maskë rekomandohet të bëhet 3 herë në muaj, gjersa t’i rikthehet vitaliteti flokëve tuaj.

Categories
Shëndet

Vaj ulliri për lëkurë të shëndetshme

Vaji i ullirit për lëkurënPërdorni vaj ulliri për lëkurë të shëndetshme!

Vaji i ullirit është i pasur me vitamina, anti-oksidantë të cilët janë shumë të mirë për lëkuren. Përdorimi i rregullt i vajit të ullirit ndihmon lëkuren tuaj të jetë e butë dhe me shkëlqim, pakson rrudhat dhe tonifikon atë.

Cilët janë përbërësit e mirë që përmban vaji i ullirit?

Squalene është një nga përbërësit kryesor që gjëndet në vajin e ullirit. Ai ju ndihmon të lubrifikoni lëkuren dhe t’a mbroni nga dëmtime të tjera.

Anti-oksidantë: vaji i ullirit është i pasur me anti-oksidantë të cilët ndihmojnë në ri-gjenerimin e qelizave, mbrojnë lëkuren nga ekspozimi në ambiente me pluhur, me ndotje dhe me mot aspak të përshatshem për lëkuren. Vaji i ullirit përmban vitamine E, A dhe poliphenol.

Chlorofil: ky përbërës në lëkurë ndihmon në pastrimin dhe tonfikimin e lëkurës. Vepron edhe si përbërës që parandalon krijimin e rrudhave.